يامل قلب يتله غض الانهادي

قصيدة رائعة هجيني
( يامل قلب يتله غض الانهادي)

للشاعر: شقير بن عقيل الجذع العتيبي




يــامـــل قــلـــبٍ يـتــلّــه غــــــض الانـــهـــادي
تـلــة جـمــوس صـدفـهــن جــمــس دوريّــــه


مـابــيــن الاردن وبــيـــن حــــــدود بـــغـــدادي
امــــحــــولاتٍ عــــلــــى حــــــــد الــســعــوديّـــه


وقــف لـهـن فالطـريـق وجــوه مــن غـــادي
فـــي قـطـعـة ارض تــقــول فــــراش زولــيّــه


كـــــلٍ رمـــــا بـالـعـمـامـه واغــلـــق الـــــرادي
ونصوهـن الشمـس واهـوَ جـا علـى الفـيّـه


الــعـــج ثـــــور وراهـــــن والــهـــوى هـــــادي
وقـــام يـتـركـز تـقــول اثـعــول وسـمـيّـه !!!


اهـنـه عـــطٍ صـمــد واهـــوَ طـــاح فـالــوادي
مــــــع دكــــــة الــلــيــل والانــــــوار مـطـفــيّــه


عـنــه ابـعــدن فـوقـهــن شـجـعــان الاولادي
جــبـــابـــره مـــابـــهـــم رحــــمـــــه ومــــاويّـــــه


امـعـربـيــن الــخـــوال وســـــاس الاجــــــدادي
مــازهمــلــتـــهـــم يـــمـــانـــيّــــه وســــــوريّـــــــه


اعـيــال شـجـعـان نــجــد اجــــداد واحــفــادي
مــاهــي بـكـلـمـة زواج مـــــن اي جـنـسـيّــه


اذيـــابــــةٍ لـلـطـمــايــع ســـلــــم واجــــهــــادي
قــطــاعـــة الـــخــــوف مــطّــايـــه ورجــلــيّـــه


عـلـيــك يـالـلــي كــلامـــه يــبـــرَ الاكــبـــادي
عـــــدل الـقــوافــي يــعــبــر عــــــن خــوافــيّــه


عـبـرت لــك عــن خــواف الـقـلـب مـافــادي
إلــــيــــا بــــــــرت كــــيّــــة زودتــــهــــا كــــيّـــــه

كــويــتــنــي كــيّــتــيـــنٍ طـــبـــهـــن غـــــــــادي
إلا مـــشــــاهــــدك يـــاعــــيــــن الـــنــــداويّــــه


فــــي ســاعــةٍ مـابـهــا عـــــاذل وحــســـادي
نــاخــذ ونـعـطــي بــعــض بـأخـبــار ســريّـــه

يـاشــبــه ريـــــمٍ يــقـــود الـصــيــد وانـــقـــادي
مــــن يـــــم عـــــردان حـــــازت يـــــم حــرّيـــه


ذارت ونـــارت وسـمـعـت صـــوت الـمـنــادي
مــع طلـعـة الشـمـس والاطـــراف عـصـريّـه

قــادة دقــاق المـهـا مــع جــرد الاصـمــادي
حـــــــــذره وشـــافـــوتـــس (؟؟؟) وطـــرقـــيّـــه


يــاضــبــي حـــبـــك زرعـــتـــه زرع بـــفـــوادي
تـرقـد!!! وانـــا الـنــوم مـــا طـاريــه طـاريّــه


تـرقــد!! وانــــا مـهـتـنـت عـيـنــي بـرمـقــادي
انـــتـــه مـــريّـــح وانــــــا عــيــنــي شــقــاويّــه


مـدري الهـوى عندكـم فـي سلمكـم عـادي؟
ولا نـــــواك الــجــفــا يــــــا صــاحــبــي فـــيّـــه

تـــرى القـطـاعـه تـنـافــي ســلــم الاجــــوادي
والــنــفــس بــالــحـــب مـــامــــوره ومـنــهــيّــه


ولـو قلـت احبـك … حـبـك فالحـشـى زادي
اعــــرف تــراهــا صــراحــه واحــســن الـنـيّــه


انـتـي مــن البـيـض شــف القـلـب ومـــرادي
واحـد مـن النـاس عـنـدي عــن عــدد مـيّـه


لــــو يـلـبـسـن الــعــذارى مــــرس واجــــدادي
لا بـانــت الـشـمـس عـنـهـا تـجـحــر الـفـيّــه

ســتــت شــهـــورٍ وانـــــا ســـــرداد مـــــردادي
لا طــــــاف يــــــومٍ بـــدالــــي يــمــكـــم نـــيّــــه


وشـهــودهــا كـــثـــر روحـــاتـــي ومـــعـــوادي
من شان اشوفك تعب ( جيبي و رجليّه )

تـعـبــت مــاطــور جـيــبــي والـكــفــر بـــــادي
الله لا يــجـــزاتـــس بــالــخــيــر اقـحــطــانــيّــه

من أختيار أخوكم / أبو عساف

يعطيك الف عافيه على الاختيار الرائع والجميل

مولّع بالقصيد يابوعساااف لايمك عمى ...
جزل وتحب الجزل ... لاعدمتك ...

المشاركة الأصلية كتبت بواسطة حسين مرزوق بن راشد

مولّع بالقصيد يابوعساااف لايمك عمى ...
جزل وتحب الجزل ... لاعدمتك ...

لاهنت يابو ريااان ... البعد والشووق للاحباب له دوور

وبنمدكم مداام فيه شي يحرك المشاعر ..

يالبى حضورك وانتقائك يانقي ..

مدد
مدد
مدد
يابو عساااااف

المشاركة الأصلية كتبت بواسطة عبدالعزيز المنصور

يالبى حضورك وانتقائك يانقي ..

مدد
مدد
مدد
يابو عساااااف

النقاووه يابعد روحي تواجدك

ابشر بالامداد الدائم .. يامناوور

الله يعافيك يابو حمود ... الروعه والجمال مرورك وحضورك الدائم