من قصايد الشاعر صلاح بطيحان السحيمي

بسم الله الرحمن الرحيم

[poem=font=",6,,normal,normal" bkcolor="transparent" bkimage="http://www.alsuhman.com/vb/mwaextraedit4/backgrounds/10.gif" border="none,6," type=0 line=0 align=center use=ex num="0,black""]

سلام يارجل الوفـاء قلـب ولسـان= عم الفـرح والخيـر سايـر وطنـا
الشعـب كلـه يطلـب الله ولهـان= يطلب من الله يجلي الاحـزان عنـا
وردك لنـا سالـم معافـا بالابـدان= يا ابو الهجافـا وابـو الايتـام منـا
ياخـادم البيتيـن شيـدت الاركـان= بيـوت ربــي للمـكـارم تبـنـا
مديت يمنا العون في كـل الاوطـان= وكل الـدول تثنـي علـى مافعلنـا
ياعزنـا يادرعنـا بكـل مـيـدان= كل يحسـب حسابنـا وانـت منـا
ادامـك المعبـود ياعالـي الشـان= عـز وفخـر كـل لرايـك تبـنـا
كل الدول صارت لنا اليوم صدقـان= كل بـراي العـود هوجـس وغنـا
يعيش ابو متعب على طول الازمان= الله يديمـه يرفـع الحمـل عـنـا
دون المواطن والوطن درع واحصان= عـز الصديـق وعـز للـي زبنـا
وعاشو عضود الليث نايف وسلطان= عـوق الخصيـم بعيشتـه ماتهنـا
ويعيشوا ال سعـود للخيـر عـوان= كـل علـى الطالـه بيوتـه تبـنـا
عيال عـود حـط للمجـد عنـوان= ارسـى قواعدهـا بعـرف وفـنـا
عبد العزيز ومن معه يوم الاكـوان= حـث الركـاب وبالطلـب ماتونـا
بشلفى وسيف ورمح بيدين فرسـان= بايمانهـم مـن دم الاعـداء تحنـا
صقر الجزيره هقوته تجلى الاحزان= وجاته مـن المولـى علـى ماتمنـا
الدار سـاد الامـن فيهـا والامـان= حكـم كتـاب الله وبالعهـد أمـنـا
كل القبايل صارو احفـاد واخـوان= في طاعـة المولـى وقفـى جهلنـا
حنا وحكام الوطـن صـف بنيـان= هذي عوايدنـا علـى وقـت اهلنـا
نحكم بشرع الله على عدل واحسـان= والاهنـا واحـد علـيـه اتكلـنـا
وصـلاة ربـي عـد ماهـل ودان= على الرسول الـي بهديـه شملنـا[/poem]

 

صح لسانك اخوي ياسر ولسان الشاعر صلاح بن بطيحان

تقبل مروري

 

عافاك الله يابوفرح وننتظر الجديد دائما لشاعرنا
صح لسااانه وسلمت يمينك

 

يعطيك الف عافيه على الطرح الرائع والجميل

 

مشاعر جميله من شاعر جميل ونشكرك على حسن الاختيار ونريد المزيد من اشعار الشاعر صلاح والشاعر مصلح

 

صح بدنكم والله يعافيكم وابشرو بالمزيد انشاء الله.