ومن قالي سحمان هو ويش معناه=كل الخصال اللي بها قمة الطيب

بسم الله الرحمن الرجيم
طلبت مني هذه القصيده في حفل زواج زياد عبدالهادي السحيمي

بديت بسم الله واستغفر الله
	لعل لي بحبال عفوه مقاضيب
منه اطلب التوفيق وارجوه واخشاه
	وعفوه نهر العرض كل المكاسيب
يامكثر الشعار يالشعر كثراه
	ويختلفوا الشعار منهج واساليب
كلً تجيب افكاره اللي توراه
	والشعر من جزل العطايا مواهيب
والجزل عراف الرياجيل تبغاه
	الجزل يلقا له قبول وتراحيب
وكلً بشعره مقتنع يوم سواه
	لا كان جمهور الشعر له مطاليب
بعض الشعر مثل الحبال الملواه
	ياباغي المفيد صفرً بتكعيب
ودعوه من ابوزياد جتنا وجيناه
	على الرفاقه للرفاقه مواجيب
اللي بحبه للجماعه عرفناه
	تشريف لاابوزياد وزياد ماغيب
اجي له ابوزياد واجي لشرواه
	دعوة رفيقي ياهلا لازم اجيب
وانسابنا المغاذيه يأهل الجاه
	والنعم فيهم ياعريب المناسيب
والنعم فيهم بالكرم والملاقاه
	انا اشهد ان المدح في ربعي امصيب
وحنا وهم من حرب والحمدلله
	المعدن الطيب عديم العذاريب
مالومه اللي قال لاوحلالاه
	على قصص بكتاب ولف بترتيب
وسمعتها في كل ديره من ارواه
	ودي بها ومن حظ شقر المخاليب
اخذت قبيلة حرب بها المكافاه
	فخرً لها ليومً من اهواله انشيب
وذا الليل يابوزياد مبروك محلاه
	حلاه جمعت ربعنا والاصاحيب
عمار ياجمع الرجال المسماه
	بسمً تفاخر به من اسامي الذيب
ومن قالي سحمان هو ويش معناه
	كل الخصال اللي بها قمة الطيب
المجد له قمه ومنزالنا اعلاه
	دايم منازلنا برؤس المراقيب
ومع القبايل صيتنا حي طرياه
	هالحين وبذيك السنين اللواهيب
وقتً مضا لجدادنا مالحقناه
	يوم الملاقا بالرهاف المحاديب
يوم اللعين ابليس يشعب مطاياه
	بين القبايل خاب خبث الهناديب
يشوش راس اغلامنا يوم يقراه
	وانشوف في وجهه اعلوم وتعاجيب
وبالناس فيه امثالنا اقروم وادهاه
	يامكثر اهل الطيب عكف الاشانيب

الجزل عراف الرياجيل تبغاه
الجزل يلقاله قبولن وترحيب
صح الله لساااانك يابو فلاح
ياشاعر المنتدي الوفي
مع منتدى ربعك دائمأ مبدع
وتستاهل الاشاده بدون مجامله

صح بدنك يابوطاهر ولاعليك زود بما قلت شكرا لمرورك على المشاركه

صح لسانك يابو فلاح

اسعد الله مساك ي ابو معوض وصح بدنك شكرا لمرورك