يمنا الكرم طايله كثر او قل الريال=ويمنا البخل مالها بالنعم حضآ يقوم

بسم الله الرحمن الرحيم
كتبت هذه القصيد في زواج العيال الموافق 3\11\1435هجري

بسم الله المبتدى ربي عظيم الجلال
	امصرف الكون خلقنا الغفور الرحوم
ربآ خلقنا لتوحيده مجيب السوال
	سبحان من له نصلي كل ليله ويوم
ونيابتآ عن ذوي فلاح سبع الرجال
	هم قدموني وانا لاقمت اسد اللزوم
وهلا هلا عد مايبدي نهار وهلال
	ترحيب بالكل منكم ياهلا بالعموم
ليله تجمع رفاقتنا من احلى الليال
	وشكرآ لتشريفكم يااهل الوفاء والسلوم
وفخرآ لنا امناسبك يالجدي نجم الشمال
	ياصل الظفر والكرم من ربعنا روس قوم
يابوسعد حي والله هالذكر والقبال
	ياكاسب النعم والله يابعيد العزوم
الطيب لابس اوسامه مع قروم العيال
	ياناطح الواجبات ان صد عنها امهدوم
يمنا الكرم طايله كثر او قل الريال
	ويمنا البخل مالها بالنعم حضآ يقوم
الكفو اجاهر ابمدحه وامدحه بنفعال
	اللي من الطيب قسمه من خيار القسوم
واما سليمان وانعم له ذرى وله ضلال
	للطيب في وجه ابن مرزوق دايم رسوم
من قوم ابن موقد اللي كل نوماس نال
	شيخ وقبيله نعم علمأّ ثبات امعلوم
وياللي تبون الشعر فالشعر جاله مجال
	يالله نحلق معه بين الثرا والنجوم
الشعر حاضر هنا له في سمانا اشتعال
	وانا البيوت النوادر لي عليها اوسوم
يوم القوافي براسي صارلهن اجتوال
	ماجيب غير الذي يطرب عقول القروم
قصيدتي فال ياتي من بعدها العقال
	ننقى لكم شعر عن هزل الكلام امحشوم
جمع المطانيخ محضر له بيوتآ اجزال
	والجزله ارقابها في نايفات الرجوم
للشعر كيفآ يكيف مثل كيف الدلال
	كيفآ باسوقه على اللي مشتهين العلوم
ياشعر عط التحيه كل طيب خصال
	اللي سجله اموثق بالنعم وامختوم
اللي رقاء بالفضايل قمة اعلى الجبال
	وهايب اللي عطا هذا وذاك امحروم
اللي امتونه ليا قام ارتكت للثقال
	بالجاه والمال ومقابل لجمع الخصوم
راع المهمات والفزعات في كل حال
	مكمل احقوق الرجال امن الرجال امخدوم
اللي لربعه سند لعقدن الحبال
	لعل راس الذي هاذي صفاته يدوم
وتمت بعون المعين اللي عليه اتكال
	وشكرا لتشريفكم شكرا وحبت خشوم
وصلوا على خير خلق المنفرد بالكمال
	خير الرجال الرسول امن الخطايا معصوم

صح لسانك وبيض الله وجهك

[صح السانك يابو فلاح شاعر جزل وكلامك جزل نتعلم ونستفيد من خبرتك الشعريه وانت شاعر علم مايحتاج نعلق ولكن هذا واجب علينا وحق لك ويستاهلون انسابنا والطيب مانستغربه من هل الطيب واطال الله في عمرك ودمت بصحه وعافيه

صح بدنك ابوكادي وشكرا لك على الاطرى ولاعليك زود بما قلت واهل الطيب يستاهلون ما قلنا فيهم وفخرا لنا مدحهم شاكر ومقدر لمرورك دمت بحفظ الله

صح لسانك ابوفلاح وبيض الله وجهك والله اني افتخر فيك وبقصيدك جعل عمرك طويل ويستاهل ابوسعد ويستاهلون انسابنا البركات من عوف هذا المدح وهذا الثناء وكل اللي قلته فيهم ملموس وواضح تقبل مروري وفالك التوفيق

صح بدنك واسعد الله صباحك ابوعلي ووجهك ابيض دايم شاكر ومقدر لمرورك

صح بدنك ابوشهد ووجهك ابيض دايم وماتفتخر الا بمن يفخر بك شاكر ومقدر لمرورك عافاك الله تحياتي لك

صح لسانك يابوفلاح ونسأل الله تعالى ان يوفق العرسان ويرزقهم الذريه الصالحه

صح بدنك اخوي بدر مع شكري لمرورك دمت بحفظ من الرحمن