ذوي عويض من جزال الرجالي

السلام عليكم ورحمة الله وبركاته هذه قصيده ارسلتها الى الشاعر رشدان عويض السحيمي
واتمنى ان تحوز غلى رضاكم

هات الونيت وعزبتي والدلالي
	نبغى نسيْر يم ربعاٍ لنا شرق
ربعاٍ لهم حقأ علينا غوالي
	والشاهد الله بطيبهم مانبرق
ذوي عويض من جزال الرجالي
	قوماٍ لاجاء لزومنا ماتدرق
رشدان يارشدان ذرف العيالي
	هو عزوتي ماهي سوالف ولاقرق
بالراي والمنصاء ولبق السؤالي
	لبيب يفهم كل شيئاٍ تطرق
سدأ منيع ولاتهزه جبالي
	ولاهو من أللي اليا نصيته تغرق
وبعض العرب يابو عويض هزالي
	بين الردى والطيب قام يتزرق
نوباٍ نصوت ونوب صفقاٍ إجفالي
	ونوباٍ يجانف مثل تجنيف الاطرق
اليا شفت زوله قلت هذا المثالي
	واليا فتشته بالمبادي تفرق
وتغتر به مثل الضحاح الخيالي
	ولاكل من يلمع ذهب صافي الطرق
ولو الرجولة في وسيم الجمالي
	كان الرجال من العذارا تحرق
والتجربة برهان في كل حالي
	وكلاٍ بفكره يالسحيمي يتمرق
ولاكل من يلبس عباته هلالي
	ولا كل ثوباٍ ينشري لوتزبرق

الرد

اهلا هلا حييت باول مقالي
	يا مرحبا باللي على شوفه اشفق
بالصا حب اللي يشهد الله غالي
	رجلا على جزل المعا ني موفق
يارجل انا بعطيك حالي ومالي
	وشيا يقصرعنك أنا بحرقه حرق
الطيب وهبه من عزيزالجلالي
	وحناعلى لازمك قمنا نتسابق
يابن رشيد الوقت ماهو عدالي
	والناس شكل طبوعها ماتطابق
احدا يبا النوماس وان جاء مجالي
	واليا نخيته جاكم اسرع من البرق
ساسه مجود ماهو خرث وهيالي
	مايختلف لو الهبايب تصافق
يبعد عن المنقود و درب الخمالي
	ويدرى الرفاقه ماسعى بالتفرق
ماهو من اللي يجمعون الريالي
	اللي لياجاء لازمك عنه دنق
اخص ناس بالمجالس تلالي
	امضيع القانون يرقع ويفتق
وياذاير ماني مدعي بالكمالي
	والكامل الله مكمل الكون والخلق
واسلم وسامح ياكريم السبالي
	عساك في كل الليالي توفق

صح السانك ابوطاهر على هذه الابيات الجزله وصح لسان رفيقنا رشدان على الرد الجزل تقبل مروري دمت بخير وعافيه

صح لسانك أبوطاهر وصح لسان أبورامي اللي بيني وبينه أبيات مشابهه لكن عارف ماهو سامح بتنزيلها هههه

وعساه يتفرغ للشعر بعد التقاعد ,, تقبل مروري وصح لسانك

صح بدنك يابو فلاح وشرفني اطلاعك وسلمت ياغالي

صح بدنك يابو ريان وشرفني اطلاعك يالغالي
وبو رامي والله من الرجال اللي يفخر بهم الرفيق
من غير قصور بربعنا الباقين
ونشالله انه بعد التقاعد مايحرمناء من مشاركاته

صح السنتكم .. جزالى وماتجيبون الا الجزل

صح بدنك يابو منصور وشرفني اطلاعك يالغالي