هذا ردي على بيت العتيبيه بالفيس بوك

هذا ردي على الاخت رعشة خفوق
اهدت بيت موجه لجميع الرجال وتقول فيه
لو الزمن ينهار مافيه عتبان ---- الله يعظم اجركم بالرجوله

وهذا ردي

والنعم والله بالقبايل - وانا الان ----- بعطيك نبذه عن عيال الحموله!

كل القبايل بالمواقيف شجعان ---- والمرجله فيهم بسن الطفووووله!

والطيب ماهو محتكر بس لفلان !!!! كل القبايل تشتهر بالبطووووله!

وحنا جمعنا الله على الدين واخوان --- على كتاب الله وسنة رسوووله !

في حكم ابو متعب ونايف وسلمان ---- في دولة ٍ تسوى ثمانين دولهـ !

واللي يغط الحق يابنت غلطـــــان ----- حق العرب ما ينهظم بالسهووووله !

وكل السفن فيها ملاحه وربـــــــان --- والبحر الاحمر شوف عرضه وطوله !

والبيت مايثبت على غير سيسان ---- وبنك المراجل له عميل وعموله !!

عميله اللي يحفظ اركان الايمان ----- ويتعب على حلو الكلام ويقولــــــه !

ذكرت ربي وانخزااا كل شيطاااان ---- والشعر له معنى وصوله وجولـــــه !

والنعم والله بالقبايل - وانا الان ----- كتبت نبذه عن عيـــــــااال الحمووووله

فعلا يابو عادل حق العرب ماينهضم باالسهوله...

وان مانزلت لنا على هواك واخترت ترى حنا بنختار وبدون مانشاورك!!

تحياتي وكامل احترامي

صح لسانك يابوعادل
رد وافي وجزل من شاعر ومنشد رائع
بيض الله وجهك

كفيت ووفيـــــت يامخلد تسلم يمينك

صح لسانك ياولد مشعان عزا الله انك عطيتنا نبذه والنعم بكل القبايل

والنعم في كل القبايل والعز في الدين ونحمد الله الذي اتم علينا نعمة الاسلام والمسلمين وصح لسانك يابوعادل

اشكركم على المرور وبيض الله وجيهكم جميعا

وابشر يا ابو ريان بالسعد الجاي واااااجد

اشكركم وربي لا يحرمني من تواجدكم

بيض الله وجهك كفيت ووفيت

دمت بحب

تقبلني,,,

صح السانك واعتلى شانك
ابو عادل على هذه القصيده الرائعه

.......................


صح لسانك ياولد مشعان
..............