مابين الهرم والفقروالموت شي محسوم

فيه قصيده ارسلها لي شاعر المنتدى معزي فلاح السحيمي واعطيه المجال في تنزيلها قصيدته
بالمنتدى لحيث متواجد معنا في هذا الصرح الشامخ وقصيدة الشاعر ابوفلاح تعبر عن زملا له قديم نشاما
شرواكم ولاهم من اهل النفاق يجب ويودي وذكرني في ربع بعد مثل ربعه فيهم الحي وفيهم من توفاه الله
وهاضت القريحه في هذا الرد

بدينا وبسم اللي فرج كربت المظلوم
	وضفت رحمته يوسف بالأيات نقراها
ومن بعد ذكر الله بحور القوافي كوم
	أبختار بحراً معه الابيات صغناها
على طرق ابن لعبون وطرقٍ لابن مكتوم
	أصوغ الجواهر بالقوافي نظمناها
بدا شعري القاسي بدا شعري المنظوم
	وجزل المعاني خافقي قام يصلاها
أدق القنا فولاذ والمفردات اسهوم
	اقيم واركبها على الطيب جبناها
يقول المثل كل الطرق تلتقي بالروم
	مثل ساحة الشعار ياكثر من جاها
بيوت الشعر لها بني بالعمود تقوم
	الى اشتدت العمدان يشتد مبناها
وانا ابيع نفسي لشجيع الخوي شغموم
	قوافيه هزت بالضماير من اقصاها
قوافي لفتني بالرساله عليها رسوم
	رسوم الرجال اللي تقدر لخوياها
انضاف القلوب اهل الوفاء والنقا وسلوم
	مع الصدق وأقوال الأكاذيب تنفاها
ورجالهم عن جلست أهل النفاق يشوم
	ونفسه على ماجود الأمجاد رباها
تذكرت يامعزي ربوعن ولي لحوم
	وذي حالة الدنيا تفرق مانقواها
وهي سنة الحياه وأخر مطاف اسقوم
	ماتجهل بها العريف ترجع لتقواها
مابين الهرم والفقر والموت شي محسوم
	وكد قالها قبلي محمد وقلناها
سديري على جزل الشعر بالحكم ملهوم
	وقال الثلاثه ماحد يسلم من احداها
و بختامها صلو على المصطفى المعصوم
	عدد ماخلق كل المخاليق وأحصاها

الشاعر ذاير السحيمي
انت من الشعراء الذين لهم باع طويل في شتى انواع الشعروبحوره
جزله ومن جزل لله درك ياابوطاهر وصح لسانك
واشيد شاعرومتمكن وماهى غريبه عليك البيوت الجزله

صح السانك ابو طاهر على هذه القصيده الجزله قصيدتي التي اشرت اليها موجوده في ديواني ثاني قصيده بالصفحه الاولى من الديوان اذ حبيت ان انزلها في ركن الشعر العام او تحت قصيدتك هذه لا مانع لدي

وهذي قصيده أبو فلاح اللتي تم الرد عليها وصح لسانه ولسان أبوطاهر

لفى الهاجس الي كل ماجاء يجيب اعلوم	علومه قوافي شعر بأسم الله ابداها
لاجاني يصحيني لوني في احلى النوم	ومعه لازم اجلس والبيوت اتنقاها
تفضل ياهاجوس الشعر واصدر المرسوم	وعطني قوافي محكمه زي ماأبغاها
لاجل من عقول المعرفه مايجيني لوم	ابا القافيه تطبع بعقل اللي اوحاها
قصيد(ن) بلا معنا يمر ولاهو مفهوم	يمر العقول وترفضه تقل ماجاها
انا ابا القصيد الي يشد العقل ملزوم	وبدور الجز له يالين اني القاها
انا باغي ارقى قمت العالي المزموم	إنا ملزم القمه يالو تتعبني ارقاها
أبسج لي بأرض(ن) خلى لو ليل ويوم	ابا ابعد عن ازعاج المدينه وضوضاها
وإذا ماحصل لي خوة(ن) من خيار القوم	بعض ناس مالي فايده من إمخاواها
أبسج وارض الله وسيعه بها بااحوم	ديار بها اقيل والاخرى اتمساها
أبسج والمقسوم مالي عن المقسوم	ونفسي ببعض امور لابد ماأعصاها
أبسج برض الله وانا مقيد(ن) محكوم	حدود(ن)وضعها خالقي ماتعداها
ودنيا النكد ما منها الا كدر وهموم	الا طاعة اللي كون الخلق وأفناها
بها اشوف ناس غافله في هواها تعوم	اوادم لاكن مثل البهايم بمفلاها
تقل ما معاها عقول يالو عليها اهدوم	عن الاخره مقفيبها حب دنياها
تشوف العبر بالعين ماهي بطيف حلوم	ترى اكبر عبر للناس في دفن مؤتاها
ترى الموت ليل ويوم يفرس بنا عموم	نفوس يتغداها ونفوس يتعشاها
وترى ابليس يالبيب له منهجآمسموم	وكم نفس فيها خير بالمكر غواها
ويا مكثر بها الدنيا من الاخره محروم	بها يبني الامال واقفى وخلاها
وياكثر الذي فيها حياته صلاه وصوم	ونفوس الكرام اتجود يوم الله اعطاها
يارب الستر والعفو يالغافر الرحوم	امبدل بعفوك كل سيه بحسناها
انا منك افر اليك ياحي ياقيوم	ياعالم ما تبدي كل نفس وخفاياها
ياخالق مابالوجود كله من المعدوم	يامحص الخلايق كلبوها يامولاها
يامفني هذا الوجود وانت الوحيد إدوم	ليوم الحساب الخلق بعدالفنا احياها
وأحد في جحيم تصطلي واكله الزقوم	وأحد في نعيماً كل مؤمن تمناها
وبرسل مقالي يم قرم(ن) من اصل اقروم	لاجته المعاني طيب الساس حياها
ياأبوطاهر اللي لك قدر عندنا محشوم	اليك القصيده يوم كملت معناها

صح لسانك يلبو طاهر ومثل ما قالو الاولين خوة الرجال رباح وانت من اهل الوفاء وما قصيدتك الا وفاء لهم تقبل مروري

تسلم يابو فهد واطلاعك يشرفني وبيض الله وجهك

صح بدنك يابو فلاح وانت صاحب الباع الطويل في الشعر والقصيده نزلها ابو ريان رحم الله والديه

الشاعر عبد المجيد اطلاعك يشرفني والله يحفظك