ولاصرت ماتدري لويش انت رجال ... والله خساره فيك ذبح التمايم

إذا المراجل لبسة شماغ وعقال	قل للعذارى يلبسنّ العمايم
ما عاد يفرق زول حرمه ورجال	دام الفعايل تشبه البعض دايم
المرجله ما هيب كلمه وتنقال	وتروح ما راحت هبوب النسايم
وإلا خشونة صوت أو رفع الأثقال	أو رزة صدور وفعل الزلايم
ولا هي بعد مفتاح موتر وجوال	وإلا ردى لسانن حديثه شتايم
المرجله شيمه عن القيل والقال	رفيع نفس (ن ) حر بالجو حايم
المرجله عقلٍ وزن وزنه جبال	ودون العقل وش فرقنا والبهايم
يا مسندي لو مايل الوقت بي مال	يا ولد أبويه يا عظيم العزايم
يا معرب الجدين من العم والخال	يا نخوة المفزوع وقت الهزايم
المرجله يا خوي هي طولة البال	هي العزم هي الصبر فالظلايم
فيها الكرم عزه دله وفنجال	فيها الكرامه عن ردى الطبع شايم
والدين لامنه خذا القلب منزال	مشى طريق الحق وابليس نايم
ومن لا عرف ربه في طيب الحال	لابد وقت الضيق بالهم هايم
حتى صلاتك مع جماعات ورجال	في خيرها يا خوي نعم الغنايم
ولامن نصف ليلك قم صفي البال	يا عظم أجرك بين ساجد وقايم
ولا من رفع ربي له كل الأعمال	حسن الذكر لا قالو فلان صايم
وخلك شريف القصد يا طيب الفال	سوء المقاصد فالبيوت الهدايم
واحذر تبيع النفس في دب الأنذال	وتتبع خوي إبليس راع النمايم
النفس خيل لك إذا كنت خيّال	ومن لا قوى نفسه قوته الهزايم
ولا صرت ما تدري لو يش أنت رجال	والله خسارة فيك ذبح التمايم

منقوووووول

خالدعايد :::
لقد أسكنت روعة بأعيننا
فباحت للدنيا بسر عذوبة رسمت بريشة فنان
كلمات كالشهد يتقاطر على كل حرف بها
ومعان كالندى المنساب على خد الورود لحظة عناق الصبح بها
عزيزي : خالد عايد
أهطل علينا دائما بمرآة تعكس عليها شفافية روحك
لك مني كل الشكر والاحترام والتقدير
بعيد الهقاوي

أخي خالد سلمت يمناك على النقل وصح لسان شاعرها وتبقى مميزا وغالي ،،، تقبل مروري ودمت بخير وعافيه

صح لسان قايلها وسلمت يمين ناقلها لووووني عندي شك انه انت الي كاتبها

الي اعرفه انك تكتب قصيد بس داسه عنا ليه مدري ارجو ان تطلع الي في الدولاب وتتحفنا به يا ابو شهد

أخي خالد سلمت يمناك على النقل وصح لسان شاعرها وتبقى مميزا وغالي

اخواني الاعزاء
بعيد الهقاوي
الواثق
ابو فيصل
احمد معوض
الشكر مصول لكم على مروركم النير الذي هو الداعم
الحقيقي للتفاعل لاعدمناكم

اختيار موفق يابوشهد وقصيده جزله لم ينقصها سوى معرفه الشاعر ...
الله ينقلك لكل ماهو أفضل في جميع مجالات حياتك العامه والخاصه ....

تقبل مروري

لاعدمتك يابو ريان شاعرها مايحضرني
مرورك زاد النور نور

اخوي خالد عايد لله درك دايماً تتحفنا بجديدك المميز اشكرك على هذا الطرح الجميل ولاتحرمنا لاحقاً من ماهو اجمل

قصيدة جزله تستحق القراءه شكرا لك