ربعي قبيلة حرب حرابة دول

ياسامع اسمع من كلامي مايلي
	يكفيك عن طول العلوم أقصارها
ربعي قبيلة حرب حرابة دول
	يوم العرب حد السيوف أشعارها
أهل الثلاث المعجزه علمٍ صحيح
	والغير مانجحد فعول خيارها
بالناس مثل الناس في طيب وردى
	الفرق بين الناس طيب اذكارها
منا نويشي عند وجهه والخوي
	تنبي كبارالقوم عنه صغارها
قص اربعه وثنين بالسيف الحدب
	ويمين خاله قال ياقبارها
ودخيل دون الجار نسمع قصته
	انشد صغار القوم قبل كبارها
ارخص حياته دون جاره وعتقه
	ياعل جسمه ماتمسه نارها
ومنا الذويبي يذكرونه بالكرم
	لضيف يذبح فطره وبكارها
مانال حجرف فيه يبحث لثناء
	من واحدٍ يعلم جميع اسرارها
وشهود ابن ناحل قصايد خالده
	يعطي كبار الروس قبل أمهارها
ريف الخوي والجار شيخٍ معتبر
	يوم المعارك مايهاب اخطارها
ذكرة بعض ارموز تعرف بالوفى
	من روس ربعي محتمين اديارها
وياما وياما بالقبيله غيرهم
	مهضم حقوق القوم من مقدارها
لكن كيف احصي عددهم للملا
	الناس ماعندي جميع أخبارها
وفي حاضر الايام سجل ياقلم
	من واقع الاحداث خط اسطارها
بالمال دون ارجالها وقفة سوا
	يوم المطالب باهضات اسعارها
وقفة قبايل حرب تزعل للعدى
	بيضاء لحرب اكبارها وصغارها
اهل المواقف والعلوم الطيبه
	بكل الدعاوي وافيات اشبارها
يالله طلبتك لاتفرق شملهم
	يامسير الافلاك وسط ابحارها
وخذل حثال القوم رادين النصيب
	اللي تثورها بدون عيارها
تلبس ثياب الناس في جنح الظلام
	وتحفربسيسان العرب وجدارها
ماخص في ماقلت زيد ولا عمر
	واللي يبيها يلتوي بسوارها
مايحط راسه بالشرك غير الغشيم
	يمناه مامدة وفى ليسارها
الشك مايدخل قلوب الفاهمين
	ولا الرخوم تشيلها بزوارها
حسن النوايا من صفات الطيبين
	والطيبه دله يفوح ابهارها
هذا الكلام اللي على صح وصحاح
	من يزرع الشجره يحصد أثمارها
وانا زرعت الورد مزرع حنضله
	ومطعن ظهور الناس وقت ادبارها
اخذة من بدر الحويفي موعظه
	ماكل ماثارت نصيت اغبارها
في حال ولا حال سيفي من حديد
	لاولعة روس الفتيل الشرارها

صح لسانك يابو تركي على القصيده الطيبه وقبيلة حرب تستاهل كل علم غانم
وبيض الله وجهك

اقتباس:
المشاركة الأصلية كتبت بواسطة ذاير الحربي
صح لسانك يابو تركي على القصيده الطيبه وقبيلة حرب تستاهل كل علم غانم
وبيض الله وجهك



هلا وغلا يابو طاهر
مرورك
شرف لي

صح لسانك ابوتركي على هذه القصيده الجزله في القبيلة العزيزه

اقتباس:
المشاركة الأصلية كتبت بواسطة معزي فلاح واصل السحيمي
صح لسانك ابوتركي على هذه القصيده الجزله في القبيلة العزيزه


بيض الله وجهك يابن العم على مرورك
الرااااااااائع

قصايدك له داخل الروح ميعاد
وأبياتك العذبة بعيد مداها



رائع هو ذلك الطرح الرائع وجميل هو ذلك القلب الصافي الطاهر الذي تتفجر ينابيع الابداع منه
ابيات رائعه صاغها عقلك وقلبك المتألقين
لا حرمنا الله روعة مواضيعك ايها الغالي
ابو تركي

وبانتظار جديدك القادم

ودمت بود

اقتباس:
المشاركة الأصلية كتبت بواسطة بعيد الهقاوي
قصايدك له داخل الروح ميعاد
وأبياتك العذبة بعيد مداها



رائع هو ذلك الطرح الرائع وجميل هو ذلك القلب الصافي الطاهر الذي تتفجر ينابيع الابداع منه
ابيات رائعه صاغها عقلك وقلبك المتألقين
لا حرمنا الله روعة مواضيعك ايها الغالي
ابو تركي

وبانتظار جديدك القادم

ودمت بود





شهاده منك تاج على راسي
يابن العم

صح لسااانك ابوتركي ودام بوحك وفكرك



ملاحظه: للتنسيق لاتترك أي فراغ قبل أو بعد ال=

اقتباس:
المشاركة الأصلية كتبت بواسطة أبوريـــــان
صح لسااانك ابوتركي ودام بوحك وفكرك



ملاحظه: للتنسيق لاتترك أي فراغ قبل أو بعد ال=



الله يعطيك العافيه
مشكور يابن العم