والكيف ماله من دون فنجال

هذه ابيات انصح بها ابنائي في بعض الامور الضروريه للرجل في حياته

يابجاد خذ بيتين يابجاد منا
	أنته وعبدالله نصيحة على البال
المال يرخص عندنا لجل شيمنا
	يوم الردي يمناه ما ترخص المال
وتضفي حسانينا لأنفسنا وأهلنا
	وللواجب اللي لازم لكل رجال
حنا عرب والطيبه من قيمنا
	و البخل منفي من قديمات الأجيال
لاتجعل اليمنى بعنقك تثنا
	ولاتبسط اليمنى بتفريط جهال
وأصبر إليا جات المصاعب تأنا
	وتلقى لها مخراج ياطيب الفال
وسايس قسى الدنيا بحكمه وفنا
	وأعرف وقيمها على كل مدخال
وترا العرب كلاً بعقله معنا
	مجنون مع صاحي ماجاء رايهم دال
وكلا بعقله راضي يوم غنا
	وأحذر تغرك يوم سمكات الأزوال
ماكل من يلبس عمامه مهنا
	والكيف ماله كيف من دون فنجال
و لاكل من تبي على ماتمنا
	و لاكل من ماشاك باقي لك ضلال

صح لسانك يا ابو طاهر ابيات رائعه

مـاكـل مــن يلـبـس عمـامـه مهـنـا
والكيف ماله كيف مـن دون فنجـال
و لاكــل مــن تـبـي عـلـى ماتـمـنـا
و لاكل من ماشاك باقي لك ضـلال


الله الله
صح السانك يابو طاهر على هذه النصيحه
وتسلم يمينك ياذرب اليمين

صح بدنك يابو فيصل واطلاعك يشرفني الله يحفظك

صح بدنك يابو فهد ومن قال يسلم واطلاعك شرف لي ياولد العم

صح لسانك أبوطاهر قصيده طيبه من طيب راعيها والله ينفع فيها ويصلح لنا ولك

اميييييييييين الله يجزاك خير يابو ريان واطلاعك شرف لي
الله حفظك