توكلت بك يا خالقي الرحمن

بسم الله الرحمن الرحيم

ابيات كتبتها اليوم وانا بالاردن لعل فيها ما يرقى لأذواقكم الشعرية والمعذرة ان لم ترقى لذائقتكم أظن اني كتبتها على عجله ومعها ارق واطيب التحايا لكم جميعاً ايها الاخوة الافاضل

توكلت بك يا خالقي ربي الرحمن
	يا موجد ما ضم الكون يا الدايم الجبار
يا من بالعقل فضلت سبحانك الانسان
	على ما مشى برضك وسماك والابحار
يا منزل على خير البشر محكم القران
	ألا يا الهي عفوك ارجوه يا غفار
ضجيج البلد مزعج منه مندوش عمسان
	الا ما اطيبك يا البر لو ليله أونهار
اذا منك خوة يا هلا يا سمئي سرحان
	ترى خوتك نوماس يا زين هالمشوار
تفضل فدوك أقول يا الطيب الرديان
	يا كاسب نعم لك بالعرب شيمة واومقدار
نبا انسج لديار(ن) خلا ما بها سكان
	لذيك الفياض الي بها تصفي الافكار
فياض(ن) روائح عشبها ينعش الولهان
	ألا يا حلو جلسه بها عقب شب النار
فياض أمتعاقب عشبها والزهور الوان
	صحيح ان بعض ايام يبقى لها تذكار
لياضقت من مكان بدلت به مكان
	فجاج ارض ربي واسعة واي فج اختار
على اللي تميز بالصناعه به اليبان
	تفنن بصنعه عبقرياً أمن الكفار
فخامة ضخامة كمله صانعه باتقان
	أمير الجيوب الي يسمونه الفكسار
ليا فز مثل اللي ليا نهض الجنحان
	يبشر مطيره بالسعد شارب الصقار
اليااعطيت به فج(ن)خلين من العربان
	يخيل لي انه طايره وانني طيار
وان اعطيت به عرق(ن) يغرزبه النيسان
	عطيته دبل ثم انتهض مثل حر طار
وارق التحايا ابعث بها لكم من عمان
	من ارض الصمود ألديرة المصطفى المختار
تحيات مني لرفاقه عقب نجوان
	هل النخوه اللي لهم شان ومكان وكار
يوم ان القبايل بالجزيره نهب واكوان
	لنا افعال ماتخفاء على كل شهم اخيار

صح لسانك يابو فلاح على هذه القصيده الجزله وبيض الله وجهك ابشر اتصل لك على ابو معوض الى جاء نقوله على التنسيق للقصيده من شان توضح زياده
سلم لنا على اهل الاردن الله يحفظكم جميع

صح بدنك ابو طاهر ووجهك ابيض دايما سلامك يصل للئعزا جميعا راعي وفاء يابو طاهر وتسد الزوم بلغ لي ابو معوض يضبط لي تنسيق القصيده واطيب تحيه للجميع

يعطيك الف عافيه على هذه الابيات الجميله والرائعه
صح السانك اخوي ابو فلاح وننتظر جديدك الرائع

مرحبا ابو فهداسعد الله مساك وطابت اوقاتك صح بدنك يسلم عليك ابو عبدالجليل وينتضر تفعيل العضويه دمت بحفض من الله

الله حي أبوفلاح وصح لساااانك وترجع سالم غانم ان شاء الله

اسعد الله مساك ابو ريان الله يحييك ويبارك فيك وصح بدنك ونشوفكم انشاالله على خيردمتم بحفظن من الله