نـداء لـكـل شـاعـر

السلام عليكم ورحمة الله وبركاته
اسعد الله اوقاتكم بكل خير

لقلة متذوقين الشعر المقروء في ظل وجود اليوتيوب والجوالات ومقاطعها ولكثرة الشعار (الله يزيدهم)
اطرح هذه الفكره على امل ان تلاقي رضاكم واستحسانكم ..
واعتقد اني لاطش الفكره تقريبا من (تويتر) لكنها هنا شعر وللشعر والشاعر ..

الفكره كالتالي .. هي ايصال المعنى بصوره شعريه لاتتجاوز البيتين وتكون وليدة لحظه (بالعربي كيبورديه)
لانريد شي من المتبقي في رفوف الذاكره او المنقول نريد ان نستمتع ونحلق في فضاءات ابداعاتكم ..

وين القصيد اللي يزلزل اركوني

ويتل قلبي من اقصى عروقه

تعبت من كثر السكوت اتركوني

كم شاعرٍ / ياشعر ضاعت حقوقه

/
اخوكم

إدارة الملتقيات معجب بهذا

فكره رائعه يا ابو منصورر يعطيك العافيه وياليت التفاعل اولا بأول

الله يعافيك ويطول بعمرك يابو فيصل ..
التواصل مطلوب من الجميع شعراؤنا يشاركونا ابداعهم والمتذوقين يشاركونا بردودهم ونقدهم التشجيعي .. ولا مافيها اول باول

اهداء من عمك ابو نواف

سلام يامناور عسى الله يعافيك	بينك وبين المملكه بر وبحور
الله من صدوف الليالي ينجيك	في ديرة الغربه لك ايام واشهور
دار الكلام وهاجسي دوم يطريك	ياراعي الجزلات وابوك منصور

المشاركة الأصلية كتبت بواسطة موسى مناور السحيمي

اهداء من عمك ابو نواف

حي الله الغالي ابو نواف الله يطول لي بعمرك ولايقطعني منك .. وليت الشعر يوصف فرحتي بحضورك اللي تعجز عنه الابيات وشاعرها
وصح كلك على هالثلاث ابيات اللي كل بيت منها يبي يستفرد ظلوعي

يامرحبا والله على العز يبقيك

ياللي بدورك في حياتي لك حضور

راسي شمخ من فعلته بعد طاريك

ابيض وجه تبقى / مجمل ومشكور

إدارة الملتقيات معجب بهذا

صح لسانك يا ابو نواف يتساهل عبدالعزيز اكثر وان شاء الله ربي يرده لنا بالسلامه انا اشهد انكم جميعا راعين الجزلات

المشاركة الأصلية كتبت بواسطة فهد عايد بن عنيزان

صح لسانك يا ابو نواف يتساهل عبدالعزيز اكثر وان شاء الله ربي يرده لنا بالسلامه انا اشهد انكم جميعا راعين الجزلات

تستاهل الطيب يابو فيصل وعسى الله يسلمك من النار وعذابها .. وانا اشهد انك راعي الطيب مبطي وبتبطي

إدارة الملتقيات معجب بهذا

فكره رائعه من شاعر ولد شاعر وسلاله شعار وشهادتي فيكم
اعجز ان ابوح بها من كبر ميزانها عندي ....
صح لسانك ولسان ابو نواف ... لاخلا ولا عدم

إدارة الملتقيات معجب بهذا

يكفينا بهالموضوع ياعبدالعزيز مشاركه أبونواف لاعدمتك انت وياه
ويالغالي ترى ..
الراس حاصل به تصادم ولجات
متبعثر(ن)بين القمر والنجومي !!
هل تقصد مجاراه البيتين بنفس القافيه والمعنى ام اي بيتين يختارها الشاعر ...

المشاركة الأصلية كتبت بواسطة حسين مرزوق بن راشد

يكفينا بهالموضوع ياعبدالعزيز مشاركه أبونواف لاعدمتك انت وياه
ويالغالي ترى ..
الراس حاصل به تصادم ولجات
متبعثر(ن)بين القمر والنجومي !!
هل تقصد مجاراه البيتين بنفس القافيه والمعنى ام اي بيتين يختارها الشاعر ...

ومرورك يضفي على هالموضوع الكثير والكثير .. لاخلا ولاعدم

و ..
قـلـه يرتـبـهـا كـذا كيف ماجات
دامه على الثنتين ساطي عزومي

اخوي حسين الموضوع مفتوح لجميع اغراض الشعر حسب مايختار الشاعر

بانتظارك وانتظار بقية شعراؤنا