قصيده أعجبتني

بسم الله الرحمن الرحيم
هذه قصيده جتني عبر الواتس اب وأعجبتني فأحببت أن أرد عليها علما انني لا أعرف صاحب القصيدة
يذكر أنها للشاعر عيد بن مربح الرشيدي ويقول فيها :

من رافق الطيب شرب صافي المي
ومن رافق الهافي جفا الما كفوفه
لا تنكر المعروف لو انه شوي
من قدم المعروف رد معروفه
وادمح خطا الطيب ليا صار مخطي
واقبل معاذيره وقدر ظروفه
ولاتنهر المحتاج لاجاك مبلي
خسارة في فعل خير مخلوفه
واطلق حجاجك لااقبل الخاطر وحي
بشاشة الطيب كرامة ضيوفه
ترى الكريم معان بالخير مرهي
من يترك الماجوب جعله ذلوفه
لا تقطع الرفقه ولو حبلها لي
حبل الرفق من يفلته بان خوفه
رجل"ن"بالا ربعه من الناس مجفي
لابد صكات الليالي تحوفه
واللي في عينه مايشوف البشر شي
ترى البشر في عيونها ماتشوفه
ومن عوده حظه على بارد الفي
لابد لفحات السمايم تلوفه
ومن ساقته نفسه على سكة الغي
صعب"ن"عليه ليا تمادى نكوفه
ترى الليالي تطوي ايامنا طي
يالله بحسن الخاتمه والمروفه

( الرد )
جتني قصيده مرسله قافها حي
تشوق السامع صياغة حروفه
فيها النصايح واضحه وضحة الضي
ومكمله بيوتها في وصوفه
ينصح بها الرفقه على قلب صافي
من نية "ن"تصغي على القلب روفه
ينصح بها رد الوفا لشخص موفي
لزرع الوفا بين العرب زان شوفه
ينصح بها لفعل خير"ن"موصي
من حاجة المسلم تكمل رغوفه
ينصح بها للطيب خاطر يحيي
من ضحكة الحاجب للضيف شوفه
وللكرم والخير يدلي نصوحي
ومن يترك الثنتين ماهو حسوفه
وللربع ينصح للتكاتف ويوصي

رجل"ن" بليا ربع مازال خوفه
والبعد عن كبر للناس يخطي
ترى البشر تترك حلاه وتعوفه
والنفس لا تتبع هواها على شي
اترك هواها للبلاوي شغوفه
هذي النصايح واكتمل سيرها لي
من مصدر"ن"مجهول يعني صدوفه
وترى الليالي سمها يقتل الحي
من جاهد الدنيا تزاين وصوفه

أخوكم / عادل سليم ماطر السحيمي

مساء الخيرا خي عادل سليم وطابت اوقاتك بالخير والمسرات انت اعجبت بقصيده جزله فرديت عليها ردا جزل صح السانك ولسان صاحبها تقبل مروري

والنفس لا تتبع هواها على شي
اترك هواها للبلاوي شـــغوفه

صح لسانك اخوي عادل على هذه المجاراه الطيبه وانت اطيب

الله يعطيكو العافيه على المرور الطيب

القصيده جزله واردعليها جزل

رائع هو ذلك الطرح الرائع
وجميل هو ذلك القلب الصافي الطاهر
الذي تتفجر ينابيع الابداع منه
ابيات رائعه صاغها عقلك وقلبك المتألقين
لا حرمنا الله روعة مواضيعك ايها الغالي
وبانتظار جديدك القادم

اخوي عادل القصيده طيبه ومجارتك اطيب صح لسانك وصح لسان صاحب القصيده وفيهن من الحكم والفايده الكثير
بارك الله فيك يارفيقي

صح لسانك أبوسليم ومجاراه جزله وطيبه من طيب راعيها



التنسيق يزين قراءة القصيده ويعطيها قوه عند القراءه ولاتنساه بالقصايد القادمه ههههه

دمت أخا وتقبل مروري

ابشر ابو ريان ويشرفني مرورك ومرور الاخوان