والله اني يالطيف الروح رجـال ٍ قنـوع

يالطيف الروح حبك نابت ٍ بين الضلوع
	مثل غرس ٍ نابت ٍ في وادي ٍ ماباح ماه
تربته من قلبي المجروح وماه من الدموع
	والضلوع اللي سكن فيها تصونه وتحَماه
عاش في ذيك الليال الماضيات اللي تروع
	بين هم وبين حزن وبين خوف وبين آه
حافظينه بالسنين وبالشهور وبالسبوع
	ماحد ٍ يدري عن اللي شايله قلبي وراه
وانت ناوي بالقطيعه مانشوفك يالقطوع
	ناوي ٍ تذبح خفوقي واعنا قلبي عناه
ماترجينا الطماعه والطماعه للطموع
	شوفتك عندي تراها مكسب القلب ودواه
والله اني يالطيف الروح رجال ٍ قنوع
	ماطلبتك غير نظره من بعيد وبالعباه
والعواذل لاتحط اذنك لها عبد ٍ سموع
	كل عاذل يالطيف الروح ياكله حصاه

الشاعر بدر محمد السبيعي

وتحياتي لكم جميع
بعيد الهقاوي

قصيده جزله سلمت يمينك على النقل بعيد الهاقاوي

نقل وذوق رااااااااااااائع اشكرك يابعيد الهقاوي وصح لسان شاعرها

وتقبل اطلاعي

ياكله حصاه كأن الشاعر انجبر على هذه الكلمه للوزن
ولو بحث عن غيرها لكان أفضل

شكرا أبوفهد على النقل

الف شكر لفكم جميع على المرور الرائع الذي انار متصفحي هذا

قصيده جزله سلمت يمينك