ديوان الشاعر حسين مرزوق السحيمي

أخواني الأعزاء أبناء قبيله السحمان
السلام عليكم ورحمه الله وبركاته..

أتشرف أن أضع بين أيديكم بعض قصائدي المتواضعه مشاركا أخواني بهذا الملتقى المبارك بحول الله ومستفيدا منهم..
سائلا المولى عز وجل أن يهدينا لأحسن القول والعمل وأن يحوز مانقوله على رضاكم...... ودمتم بخير وشعر.........

 

عابر سبيل

[poem=font=",7,white,normal,normal" bkcolor="darkred" bkimage="" border="double,4,black" type=1 line=0 align=center use=ex num="0,black""]
مايضـــيق البـال باالـجو المــــخيل=ولايضيـع الصوت دام ان له صدى

ياقصــيدي سوقها لأرض النــخيل=دام معــــــــناها قـبل تــبدي بـدى

للرفـــيق اللي علــى نفـسه بخـيل=كيف يزعــلها وهـي دايـم قــــدى

ترتوي من روض رب(ن) له وكيل=ولاحـداها ابلـيس يـوم أنه حــدى

دايــم الدنـيا قليـله باالحصــــــيل=واسمها دنــيا ولافــيها جـــــدى

الله الرحمـن خالقــــــــــها تمـيل=والمــدى فيها تلاقي لـه مــــدى

للتنـــــــاقض باالبشر تلقى دليل=بين طيـب وبين مــن طيبه ردى

تلتـــــــقي فيها بمجنون وهبـيل=وتلتـــــقي فيها بمن شوفه ندى

مع سموم الصيف به برد(ن)صقيل=والقمر مع شمسها ضاع وغــــدى

تقــبل الثنـتين فـي كل المسـيل=والحظيظ اللي على دينه شـدى

ريـح اللي داخل الخاطر ثقــيل=الله اللـي للبـشر دل وهـــــدى

لايضـــيق البال ياعابر سبـيل=لاقضــبت الدين فاالباقي فدى [/poem]

 

هذه القصيده رد على تصريح الرئيس الايراني عن سبب صمت خادم الحرمين الشريفين تجاه مايجري في غزه أبان الغزو الأسرائيلي عليها وقت نشرت بفضل الله بجريده الرياض بصفحه كامله يوم الجمعه 26 محرم 1430 ...حفظ الله قادتنا وأمتنا من كل شر ومكروه...

الصمت حكمه

[poem=font=",7,white,normal,normal" bkcolor="darkred" bkimage="" border="double,6,black" type=1 line=0 align=center use=ex num="0,black""]
الصمــت حكمه... خلـها للحكيمــين=يااللي فشـل في غايــته وبـــنجاده

والصمت حكمه ياحشود العـــناوين=يااهــل الفـــضاء والبلبله والقراده

حكــــــامنا حكــام دين وسلاطــــين=ورجــال حلـم وعلــم معهن جلاده

ورجال تحمي دون الأضداد حصنين=ورجال عوجى في عوجها شهاده

تشهد لهم غزه وتشهد فلســــــطين=وميقـــــافهم وقت المواجيب عاده

تاريـخ نعـلم به ونقـراه للحــــــــــين=قاده ليا ضــاعت عن الحق قـــاده

وغزه ولوسالت وضــــــاعت قوانين=في يدين صقر(ن) مانساها فؤاده

شامخ ولو جـاله مع الشـر شــــــرين=ثابت خطى في مبتــــغاه ومراده

بأرض الكـــويت أعلن وثايق وتطمين=ولم العـرب بخطاب راسي وتاده

وبجـود يمنى من طبـــــــــايع كريمين=مليار تاج وصـــامل الراي زاده

تريــــــحم يااللي عن الــــدرب غـــادين=ميقافهم تلقى القرايب حصـاده

ودونك ترانا يااحمد نجاد ساطـــــــــين=وحكامنا في نصرة الدين ساده

ياالله يامــــــــــــنزل تبـارك ويـــــاسين=تحـــمي بلدنا من تزايد سواده

وتحفظ لنا سلــطان وتشــوفه الــــــعين=ويعـــود سالم يلتقي به عتاده

وافـــــين له باالسلم والحرب وافـــــين=ونفــداه في حر الزمان وبراده

وصــلوا على الهادي شفيع المصــــلين=خــتام ماقلته ايضاح وشهاده[/poem]

 

قصيده بعد تطاول معمر القذافي على خادم الحرمين الشريفين في قمة الدوحه وقد نشرت بصفحه كامله ولله الحمد بجريده الرياض الجمعه 14 ربيع الاخر 1430
تحيه وتقدير

[poem=font=",7,white,normal,normal" bkcolor="firebrick" bkimage="" border="double,7,black" type=1 line=0 align=center use=ex num="0,black""]
باســم العرب أرفــــع تحيه وتقـــدير=للقـــايد اللي طيب الله فـــــاله

أرفـع تحـيه واثـني القــــــاف تكرير=وابقـيه دايم في فضاه ومجاله

القـــــــــايد اللي يجزل الراي ويشير=ويتم قـــــــــوله لاتزهل وقاله

ثابت عــقيده مانبي فــيه تذكـــــــير=وثابت بعد باالباقيه من خصاله

مثل لــنا الأمه ولافــــــــيه تخــــيير=وبقــمة العشرين كلــن شكاله

عنده صـــلاحيه وسبق(ن)عن الغير=والتاليه للــي رثى الناس حاله

حيوا معي صقر العرب والنواعــير=ابن الامـام ويقتدي به وجــــاله

الدار يفخربه ويزهـــــــــاه ويسير=برجاله اللي لاعـتزوا راس مـاله

أخوان نــوره تمطر العــلم تمــطير=والراي كـــلن يستوي له وطاله

الدين عمر دار ال سعود تعمـــــير=والبعض عمر في رداه وخمــاله

والعــالم اللي حاصل(ن) فيه تغيير=في نجد يــــــلقى مانساه وغداله

ياالله ياللــي كور الشمس تكـــــوير=ياالمستجــيب لعبده اللي لجـــاله

تحفظ ولي الـــــعهد ويعود باالخير=وتقبل دعى من يرتجيك ودعـاله

سلــطان حبه ماحصل فيه تــــزوير=تفداه روحي والجسد ينفـــــداله

وللنائب الثـــاني سلام(ن) وتعــــبير=باالنـــادر اللي عالي الصيت ناله

واصدر تهاني صادق الجوف تصدير=للنـــايف اللي سم الارهاب زاله

أمن(ن) من الله والله بزين تدبـــير=سخر لنا من يرتكي له وشـــــــاله

والخــــــاتمه دم ياوطن خير تكبير=باسـم العرب لو ماحصل لي وكاله

قــلته ولابالــقول خــــافي وتحوير=ألا سحيمي بــاح بااللــــــي طراله

وصلوا على محمد نبي(ن) وتنوير=للناس عقب اللي مضى من ضلاله[/poem]

 

قصيده نشرت نصف صفحه بجريده الرياض السبت 25ذوالحجه1430

نشيد المجد

[poem=font=",7,white,normal,normal" bkcolor="firebrick" bkimage="" border="double,7,black" type=1 line=0 align=center use=ex num="0,black""]
سارعي للمجد والعليا واستمري بازدياد=ومجدي للي حفظكي ساس للدين العظيم

وارفعي الخفاق أخضر للبرايا والعبــــاد=يحمل النــور المسطر والصراط المستقـيم

رددي الله أكبر صادق القول الوكـــــاد=وعيشي فخر لأمة الأســـــلام والفكر السليم

يابـــــلادي دام عزك وللــــعز امتـداد=باالمليك اللي حباه الله حب(ن) باالصــــــميم

ماتهـــاون يوم الأحداث والدنيا هجاد=ولاتراخى وقت الأفكــــــــــار والغزو اللئـيم

أعــلن بمكه مبـــادي ولافيها اجتهـاد=حجة الأســــــلام أطهر من الفــكرالســـــقيم

لاولي(ن) يبتدع فيها الى يوم المعاد=ولاجـــديد أفكـــــار فيها ولامبدى عقــــــــيم

وباالجنوب الحد طاهر ولصقوره عتاد=مع أسوده لاحتمى الميدان واحتال الخصيم

مانسى منهم شهيد(ن)عن عظيم الدار ذاد=ولانسى جيزان بأكملها من المد الكريم

ولاتوانى بنصرة المظلوم وبحرب الفساد=يوم جده خصها الرحمن باالخير العـميم

شكل اللجنه لها فورا وعمدها اعتمـــــاد=ولملم أحزان الأهالي من الخطب الألـــيم

يامليك(ن)حازم(ن) عادل وفي عدله أشاد=شعبه الوافي من الأجداد والعــهد القديم

تفتديك أرواحـنا والوطن بأسمك وتــــــاد=ياأصيل(ن) جامع الهيبه مع القلب الرحيم

وعيش دايم ياملــكنا للعــلم ثـم البـــــــلاد=هو نشيد المجد والعزه وهو المســـتديم[/poem]

 

قصيده بعد محاوله الأغتيال الفاشله للأمير محمد بن نايف وقد نشرت ولله الحمد بصفحه كامله بجريده الرياض الخميس 20 رمضان1430

حكمه الاهيه

[poem=font=",7,white,normal,normal" bkcolor="firebrick" bkimage="" border="double,8,black" type=1 line=0 align=center use=ex num="0,black""]
أرض المــــدينه هزه وفوق رعاد=والبرق يبرق والشهر فيه طـــاعه

والــملك لله صادق القاف ينقــــــاد=للي سمع واللي جديد استمـــــاعه

قاف (ن) من الأعماق يرد ويعــــاد=لاجاهل (ن) وقته ولابه مجــــاعه

لابـــــاس يامحمد لنا نور وأعيــــاد=ولاباس يانسل الفخر والشجـــاعه

يفداك ياامير الأمن بوق ميعـــــــاد=ويفـــــــــداك منهو مقتنع بااقتناعه

ياعالم (ن) كثرت لنا فـــيه الأضداد=مابين فكــــر وبين حلف وطمـــاعه

حنا سعـــوديين من جد وأجـــــــداد=وحنا الكــــرم والمرجله والمناعه

شعب (ن) موحد لاتحرون تعــــــداد=بأسمى صفاته (مذهبه واجتماعه)

حكمه الاهيه على روس الأشهــــاد=( الدار آمن من حفيظ الوداعه )

ياواحــد (ن) فيه الأمل دوم يــــزداد=تهدي ويرجع ماابتعد من سباعه

بقــــيادة اللي داخل القلب له مــــــاد=حبه أصيل وطيب القــــــاع قاعه

تبـــقى يابومتعب لنا عد وعتـــــــــاد=ونفداك ينطقها الوطن بااتســاعه

يادارنا دمتي وطن دين وأمجـــــــــاد=ودمتي لنا يادار مصدر شعـــاعه

ودام الأمن ثــــــــابت ودمتي له أوتاد=والشر يقصر في ذراعه وبــاعه

العدل خلى مــــدفع الغدر ينــــــــــــعاد=بنحور وجذور الفساد ومــتاعه

صوب الهدف نسمى على وقع وأرصاد=حتى المعادي نسحبه من كراعه

وصلاة ربي عد مـاهل رعـــــــــــــــــاد=على النبي اللي وعد باالشفاعه[/poem]

 

أبيات مهداه للأخ العزيز العقيد الطيار / نواف محمد بن صخيبر الغرابي الحربي

عنيزه

[poem=font=",7,white,normal,normal" bkcolor="firebrick" bkimage="" border="double,8,black" type=1 line=0 align=center use=ex num="0,black""]
فلي وروقي واضحكي ياعـنيزه=استبشري خير(ن) وحطي عمه

قولي لجيرانك وش اللي صـابك=وشلون جـــــالك باالمداين همه

قولي أنا ليلي فريد(ن) عشـــقه=الزود عندي والخــــوافي طمه

وقولي أنا فيني رجـال(ن)تسكن=برج (ن) تعلى والقصـايد ذمه

وقولي ترى فيهم خصال(ن)عليا=توحيد خالص والمراجل تمه

عرق(ن)من الأجداد باقي ثابت=ماانغــش باالواقع وخالط سمه

زود جمالك مع جمال(ن)شالك=فااستبشري خيرا(ن)وزودي قمه[/poem]

 

أبيات أهديتها للكاتب محمد رويشد السحيمي( أبوآسر) بعد ابتعاده عن جريده الوطن والعوده للكتابه بجريده المدينه وعنوان زاويته (هجره ) ولما للأستاذ محمد من معارضين ومؤيدين أيضا استقبلناه بهذه الأبيات رغبه في بث روح التسامح بين الجميع...


[poem=font=",7,white,normal,normal" bkcolor="firebrick" bkimage="" border="double,8,black" type=1 line=0 align=center use=ex num="0,black""]
أسعدتني ياآسري أنت الـــــوطن=والعـــــود أحمد سره طرياكا

نهدي لك الأشـــــواق تحمل ودنا=بفصاحه(ن)قد لاتحوز رضاكا

فأهلا(ن) وسهلا(ن)باالزوايا كلها=بجـــــنوبها أو حيث كان لقاكا

أحييت قول (ن) واقتطـفت ثماره=واليوم عدت لموطن (ن) رباكا

ياهجرة(ن)عودي برأس مقالة(ن)=لأديب قوم(ن) يحفظون حماكا

العلم جهل (ن) نالــــه بمرارة(ن)=أسقاه قلب(ن) لايمــــل حراكا

ندعو له دوما(ن) بأوسط آية(ن)=فاالناس شتى..والطريق شراكا[/poem]

 

قصيده بعد انتهاء أزمة الحوثيين نشرت ولله الحمد نصف صفحه بجريده الرياض الجمعه 21صفر1431

درة الأوطان

[poem=font=",7,white,normal,normal" bkcolor="firebrick" bkimage="" border="double,7,black" type=1 line=0 align=center use=ex num="0,black""]
احتـرق كل الورق مابـقى للـضد حــــــيل=بـانت القـوه على الواقع وحــــنا قدها

وافلس الطايش من الثنتين واشتال الفتيل=داخل أسواره ومن حوله وضيع كدها

اندفن داخل جبل دخان وانصاد الوكــــيل=والـــــولايه من جبال الدود بين هدها

أمة الأسلام محفوظه من الفرد الجلــــيل=ياسلـيل الحقد بأفكار(ن) لعن من ردها

بارك الله دولة التوحيد وشيوخ(ن) تكيل=الحمول اللـي شبه حليــاك ضيع سدها

دولة(ن)يسمى بها الحكام بالساس الثقيل=ماتعـثر في ربى الأنساب بأول جــدها

ودولة(ن)وقف لها التاريخ بالوقت الكليل=في زمان(ن)ثبت الصنديد كامل حـدها

ودولة(ن)وسط العرب كنها الروض الجميل=وتشبه لقمة مهابه على من ضدها

اسفهـــــــلي ياديار الخير فاالعـال الطـويل=وافخري برجال من دونك قليل(ن)ندها

نصرهم بارض الحدث واقع(ن)ماله بديل=كود نصر(ن)باالشهاده على ابيض خدها

يابومتعب ياسمي المجد معدوم المثيل=أمة الأسـلام للعلــيا ثبت لـك مـــــــــــدها

تفتخربك في بقاع الأرض وتسوق الدليل=باالفعول اللي سخى يمنـاك زود عـدها

والعرب من جور الأيام والواقع تخــــيل=بارق(ن) باذن الله الرحمن يجمع يـدها

في يمينك كلها الأمجاد ياالعـدل الأصــيل=والكرم مع طيب السيره وشعب(ن)ودها

بلسمك طب للعــله ومن يشفي العلـــــيل=واحد(ن) ظلل على عباده بسبع(ن)شدها

والبقى يادرة الأوطان في رمز النخـــيل=وباالسيوف اللي مع التوحيد بين صدها

والصلاه وجل تسليمي على الهادي الخليل=الرسول اللي بنى الأمه وشيد غـدها[/poem]

 

قصيده بعد عودة خادم الحرمين من رحلته العلاجيه نشرت صفحه كامله ولله الحمد بجريده الرياض الجمعه 22ربيع الأول1432

عدت سالم

[poem=font=",7,white,normal,normal" bkcolor="firebrick" bkimage="" border="double,8,black" type=1 line=0 align=center use=ex num="0,black""]
عدت سالم جيت غانم ووثقت الوصال=يابومتعب ياحبيب الشعب نور المملكه

السقم زايل وجعله خير ياقرم الرجال=ينكتب لك ياسمي المجد خير(ن)وبركه

حب شعبك في مقامك ثابت كاالجبال=انكتب داخل صميم القلب والعرق امسكه

الله يحييك وقتن جيت ياوافي الخصال=سالمن ياالحاكم المحبوب من كل اشركه

شعبك الصادق شديدالباس يفخر باالعقال=فوق راسه دام راسك ملكهم واملكه

مؤمن بربك ونسل صقورعسرين المنال=تعتلي في قمة المجد وتزيد احركه

بحكمتن تازن جبال طويق وتضد المحال=لاتحدر عالمن مجنون في كثر ادبكه

وميزتن في حسن الأخلاق أقرب للكمال=باالتواضع وهو قمه اذا العبد ادركه

الوطن باسمك تسامى فوق وبعرض الخيال=من تطور في تطور ولابيوم اتركه

وعهدك التاريخ ماينساه لوطـول وطـال=يكتفي باالقول(عبدالله)وكل درب اسلكه

ياالزعيم القايد الأنسان ياالعذب الزلال=صادق المعنى تعلى فيك وبشعر احبكه

ياهلابك وين ماحليت واشتلت الثقال=يازعيم العرب راع الجود نور المملكه[/poem]