جيته وانا كل الفرح يحتويني

جيته وانا كل الفرح يحتويني
***وقصدي احقق عهد كنا قطعناه
جيتــــه من اسفاري وكلي حنيني
***والشوق واقف عند حزة ملاقاه
وقربت من بيته وانا اطوي السنيني
*** ولاحضت ان بيته به حشود تملاه
والباب مفتوح شمال ويميني
** وكل من يجي يدعي ويترحم الله
ولقيت جنب الباب طفل حزيني
***وسألت وش اللي صار؟؟وش ذا المعاناه؟؟
وقال الخــــــــبر اللي صعق لي كنيني
*** وخلاني اصرخ صرخه كلها آآآآآآآه
خبـــــــــر وفاة اللي ابيه ويبيني
***واليـــــــــــوم هذا ثاني يوم من عزاه
ثم طحت من طولي ودمعي في عيني
***ثم بــــعدها صمتي تعانق مع اغماه
وتجمعوا حولي الخلايق تعيني
**والكل يسأل هذا وش فيه وش جاه؟؟
ولا قويت امشي واحرك يديني
**حتى الحكي ياناس ماعدت انا اقواه
جاني تبلد وابغى موتي يجيني
**ثم انقبر جنبه وكودي انا اسلاه
ويوم اني صحيت واشتد ليني
**والناس من حولي وانا الضيق لاقصاه
سألتهم؟قبره انا ابغاه ويني؟؟
**تكفون ياهل الخير دلوني ارجاه
ثم رحت يم قبره اجر الونيني
**وعليه انا صليت وكلي مناجاه
وارجي الهي فالسعد يستكيني
***ويكون قبره اول ايام مرضاه
وجلست بي يم القبراعتزيني
**وفكري سرح بي داخل اطلال ذكراه
وصرت اتذكر عشق بينه وبيني
**عشق بداه صغار يالله ماحلاه
يومه من الاطفال هو يحتميني
** ويقول عقل ذا وشف ذا وش اسواه
وان غبت مايلعب مع اللاعبيني
**ويقول مع غيرك انا اللعب ما اهواه
وايام نهوى الفل والياسميني
**ويوم انا اقطف الورد واعطيه اياه
وصرت اتذكر شوق فينا مبيني
**وقمت اتذكر حالتي لحضة ابكاه
وضميت قبره ضمه تهتويني
**ونفسي تجر الآآآآه ويلاه ويلاه
وسمعت صوته يابشر يحتويني
** سمعت صوت كان كله مواساه
وده يباريني ويمسح جبيني
** ويطفي نار في قلبي واحشاااااااااااه
حتى وهو ميت هو حس فيني
**وحاول يخفف عني معاناة فرقاه
ويقول لي ارجوك خلك فطيني
**والموت كل الناس بتشوف مبداه
ثم قلت له ببقى لحبك مديني
**والعمر من بعدك انا اليوم ماابغاه
وبعيش لين الموت وقته يحيني
** وحبك انا والله ما انساه واسلاه
ومشيت من قبره وقلبي طعيني
**والكون به عتمه ونوره تجافاه
خلاص فكوا الحال يا الللايميني
** اللي سطا بي صعب بالحيل ما اسطاه
باقضي حياتي في خفايا ضنيني
** وادعي الهي برحمته يكساااه
ويبعثه ربي في زمرة المكرميني
**وفي جنة الفردوس باعلاه القاه
جيته وانا كل الفرح يحتويني
**ورجعت منه واعلن الضيق مغزاه

منقول وتحياتي
بعيد الهقاوي

انت رائع واختياراتك موفقه لكن اسمحلي سؤال شخصي احس داخلك حزن عميق تبينه اختياراتك صحيح كلامي ؟
ربي يوفقك ويفرح قلبك

الحزن والمعاناه لها دور كبير في كل شخص وبعيد الهقاوي مثله مثل اي شخص سحيمي عاش في مجتمع حقيقه مايرحم نقده جارح وعطفه قليل ويتأثر منها فقط الانسان مرهف الاحساس وعلى ذلك علينا كمجموعه لنا دور كبير في هذا الملتقى المبارك بأذن الله ان نزرع الثقه بين ابنائنا جميعا وان لايكون نقدنا لهم جارح ونتيح لهم مبدا التشاور والتفاهم بالراي بدون تعالي عليهم وعلينا توجيههم بكل ادب واحترام حتى يتخرج جيلا بعد جيل ثقته في نفسه وفي الذي حوله كبيره بأذن الله

الف شكر لكم جميع على المرور الرائع
والله يبعد عنا وعن جميع المسلمين الحزن

قصيده مؤثره جدا الله يعطيك العافيه
على مشاركاتك المميزه والتي تستوقفني كثيرا ,,,,,,
تقبل مروري

الف شكل لك على مرورك وحضورك
الله لايحرمنآ منك يارب
نوورت بآطلآلتك..

موضوع مؤثر الف شكر
الله يبعد عنا وعنكم الحزن

الف شكر لكم جميع على المرور الرائع