قصيده أعجبتني

قصيده للشاعر سلمان بن نفاع السحيمي

[poem=font=",7,white,normal,normal" bkcolor="firebrick" bkimage="" border="double,4,black" type=1 line=0 align=center use=ex num="0,black""]
سعيد مـن وفـق طريـق الهدايـه=ربه رضي ثم المخاليـق راضيـن
ولا الشقي عمره قضـى فالعصايـه=مايمشي الا في طريق(ن) ماهو زين
يالعبد جنب عـن طريـق الغوايـه=والله معك يرعاك بالعسـر والليـن
تبغى نصيحـه او تباهـا وصايـه=وصاية(ن) بالخير تسـوى ملاييـن
من شان هذا العمـر لـه انتهايـه=وتفارق الاحباب لو تبكـي العيـن
وامسي خلاوي تحت ذيـك البنايـه=لنحد بهـا بعـد صـلاة المصليـن
ما عاد ينفع كـل شـي(ن) ورايـه=المال مع ناس(ن) على القلب غالين
ألا ولـد صالـح ويبغـى رضايـه=وعلم(ن) وصدقه جاريه للمساكيـن
وبقيت افكر مـن خـلاي بخلايـه=ياللي نسيت الموت رايح على ويـن
لكـن يـا ربـي عليـك الهدايـه=انك توفقني علـى الحـق والديـن
وان قلت كلمة خيـر هـذا منايـه=لعلهـا تكتـب لـنـا بالمـوازيـن
واجلس مع الغالين وافرض غلايـه=سواء بعيـد النـاس ولا القريبيـن
وامشي مع اللي مشيهـم مستوايـه=ودوب وحده ما نشره فـي ثنتيـن
والوصل ماني قاطعـه مـع ولايـه=والله يامرنـا بوصلنـا للقريبـيـن
لكـن هـذا الوقـت فـادح خفايـه=وبلشت بالصاحين قبـل المجانيـن
وبصبر وصبري ما يضيـع دوايـه=والصبر زين ويشرح القلب ويعيـن
لا صار ذا الدنيا ماهي في هوايـه=بحرم والبي مع حجيـج(ن) ملبيـن
وصلاة رب(ن) ما يخيـب رجايـه=وعلى نبـي(ن) خاتـم(ن) للنبييـن [/poem]

 

الشكر يابوريان ع هذا النقل ومن ماتعجبه هذه القصيده مع احترامي وتقديري للجميع لا يوجد به ذرة من العقل وصح الله لسان راعيها ولك وله بياض الوجه

 

شكرا يابوريان على هذا النقل الاكثر من راااائع ,,
الحقيقه قصيده تستااهل بأن الواحد يقف عندهاا وقفت صمت ويتعمق في ابياااتهاا ,,
واعتقد بأن لديك الكثيير ولدى شعاارنا الاخرين الكثيييير من نووع هذي القصائد الذي نلمس منه الفائده والذي يملك الكثييير من المعاني ,, نسأل الله عز وجل ان ينفع به..

 

تسلم يا ابو ريان على هذا الانتقااااااء والطرح الرائع

ابو نفاع شاعر الحكمه ومبدع بكل حالاته الله يطول بعمره

بيض الله وجهك على هذه القصيده والنصيحه منك ومن الشاعر سلمان

لك تحياتي وتقديري يا ابو ريان

اخوك الصغير -- مخلد مشعان

 

يعطيك الف عافيه ابو ريان على الاختيار الرائع والجميل

 

رائع كعادتك يابو ريان ,, وانت تقول قصيده اعجبتني ,, وانا اقول القصيده واللي ناقلها اعجبوني .....
لاخلا ولا عدم ,,,,,,,,,,,,,,,,,,,,,,,,,,,,,,,,,,,,,,, تقبل مروري ابو شهد

 

الشاعر/سلمان بن نفاع هو احد شعراء قبيلتنا ورمز من رموزها وهرم من اهرام الشعر فهو شاعر وابن شاعر وانا من المعجبين به وهذه القصيده تستحق الوقوف والتأمل في معانيها فهي نصيحه صادقه من قلب شاعر اخذ من دروس الحياه الكثير والكثير..اسال الله ان يطيل عمره ويمتعه بالصحه والعافيه. ودمتم..