الرجل لاصار من طيب الكرم عاري = مايستره لو لبس بشت القيادية

بسم الله الرحمن الرحيم

هذه قصيدة متواضعه عسى ان تنال اعجابكم واعذرونا على النقص والتقصير والكمال لله وحده

يا هاجسي جيت طيب وجيتك اجباري
	فاح القصيد وتربع في محانية
وانا لياجا القصيد اشب له ناري
	واكسيه معنى وجزل وحبك قافية
ولا حضّر الهاجس وزانن الاشعاري
	معي خيال(ن)وتلعب فيه جنيه
والشعر لاصار مايطرب له القاري
	وش فايدة شعرنا يالعنبو حيه
ياهاجسي خابرك عن ذوقنا داري
	العب على ماتورا وهات منقيه
حنا نحب الكرام طوال الاشباري
	عليه من سيمت الاجواد مارية
اللي لياجاه ضيف امن العنا ساري
	فاحت دلاله على عز وشهامية
حنا رجال(ن)نسوق الطيب ونماري
	من كان طيبه تصنع واحترافية
حنا خلقنا كذا في حكمة الباري
	نكرم كريم السبال ونارنا حية
ماهي بلحية وشارب كل سمساري
	اللي يرحب ثلاث ويختلف ميه
على الكرم والشكالة ماهو بضاري
	وان شفت نطقه تقول ان ماانخلق زيه
يضيق صدره ليامن جوه خطاري
	بينه وبين الكرم حالات نفسية
وليا بحثته يهول فيك الافكاري
	مبلي وحاله حسيف وحالته سيه
هذاك ودك يروح بغب الاخطاري
	وماتشوف له بالعرب حليا ونوعيه
والرجل لاصار من طيب الكرم عاري
	مايستره لولبس بشت القيادية

والرجـل لاصـار مـن طيـب الـكـرم عــاري
مـايـســتــره لــولــبــس بـــشـــت الـقــيــاديــة

نعم نعم هذا الكلام اللي يجمد على الشارب صح لسانك والكرم ميزة من ميزات جدانا واجمل صفة يحث عليها دين الاسلام
عن أبي هريرة رضي الله عنه : أن رسول الله صلى الله عليه وسلم قال : ( من كان يؤمن بالله واليوم الآخر ، فليقل خيرا أو ليصمت ، ومن كان يؤمن بالله واليوم الآخر ، فليكرم جاره ، ومن كان يؤمن بالله واليوم الآخر ، فليكرم ضيفه ) رواه البخاري ومسلم

وانا ليا جاء القصيد اشب له ناري

واكسيه معنى وجزل وحبك قافيه

الشاعر عبداللطيف صح لسانك وبيض الله وجهك قصيده طيبه وانت اطيب

صح لسانك عبدالطيف على هذه الابيات الجزله ابياتك توحي ان وراها شاعر قادم قوي تحياتي لك دمت بخير

ياهاجسي خابرك عن ذوقنا داري
	العب على ماتورا وهات منقيه

صح لسانك أبو كادي صراحه أبيات يطرب لها البال

صح بدنك ابو شهد شاكر ومقدر اطلاعك

صح بدنك اوجهك ابيض مانستغني عنك يابعيد المشاويح يهمنا رايك واطلاعك

صح بدنك يابو فلاح وادعو من الله ان اقدم على الحق والصواب ومانستغني عن رايك واطلاعك وتقييمك لنا فانت قدوت الشعر لنا

صح بدنك اخي فلاح شاكر ومقدر مرورك

حـنــا خـلـقـنـا كــــذا فــــي حـكـمــة الــبــاري

نــكـــرم كــريـــم الــســبــال ونـــارنـــا حـــيـــة

اخي عبداللطيف عوض السحيمي صح لسانك قصيده جدا اعجبتني

تحياتي لك تقبل مروري