قصيده ورد عليه الشاعر ذاير السحيمي

كنت انا والزملاء في سفر وعرض علينا جيب مع الطريق وقالوا تشتري جيب احسن لك
ونظمت هذه القصيده ورد علي بعيد المشاويح الشاعرذاير السحيمي

اسمع اللي تقولونه وانا داري
	واعرف انه مايجي غير باتعابه
منوة اللي ماعرف دفعة الشاري
	ولاملك قصده ولاداج بحسابه
اشهد انه يزيد الناس مقداري
	ليا ملك جيبن وخلاه لركابه
فزعت المعسور ليا قدر الباري
	خير فزعات النشامى لطلابه
كل من ساقه تماشى على الطاري
	يتقي المعذار ويحيد عن بابه
يمدحه راع الدرايه بالاشعاري
	ويحتسيه الي على الحزم يرقابه
ياعسى فالي على خوته ساري
	مايعقب للخوي دينً بسبابه
كل وبالن على سجته ضاري
	مشتقي بالذود والذود يشقابه
يطردالمرباع في كل الاقطاري
	ويفتخر في سلم الاجداد واصحابه
ياقصيدي وصل العلم واخباري
	للرفيق الي نواني من احبابه
واعمد الي كيفهم شبت الناري
	من حطب سمر المسيجيد مجلابه
نارهم والكيف للضيف والجاري
	وطيبهم يذكربه الجد وانسابه
من ورا واد الوجب دون البياري
	عقلتن نازل بها الذيب واقرابه

رد الشاعر بعيد المشاويح ذاير السحيمي

مرحبا وعداد همال الامطاري
	مرحبا واغلي رفيقي محيابه
مرسل بيوتً من الشعر مختاري
	مايحير الشعر مع من نظم جابه
لك بيوت جزال يابدر لك قاري
	خاشر الفريس بالفعل والجابه
ياعيال العم من صلب الاحراري
	افتخر لاصار شعار وذايابه
والشعر معروف لصغار وكباري
	موهبه ماكل شوح الهدف صابه
شعركم فيه الجزاله ومسعاري
	كلكم شعار والحق ماهابه

الشاعر بدر الحربي بيض الله وجهك على القصيده الجزله في العباره والمفرده وسلمت
وانت شاعر يابدر وبدايه ماشاءالله عنك والله يحفظك

صحت السنتكم جميعا على هذه الابيات الجزله والرائعه

صحّت ألسنتكم وعافاكم الله والله يرزق بالربيع اللي يطرب خواطركم

صح ألسنتكم شعارنا ابو طاهر وبدر وبيض الله وجيهكم تقبلو مروري

وجهك ابيض يابعيد المشاويح وكلك خير وبركه وانت شاعرنا ونتشرف باطلاعك وتعليقك

الشاعر معزي فلاح صح بدنك وجزاك الله خير

اخوي ابو ريان صح بدنك والله يعافيك ويبارك فيك والسنه هذي ان شاء الله انها سنة خير

صح بدنك اخوي الشاعر عبدالمجيد عوض ووجهك ابيض