قصيده بمناسبة حفل زفاف الشاب /فهد مرزوق راشد السحيمي في قمة المدينة للاحتفالات 8/11/1434هـ

قال الغصيبي يوم غنا بالالحــــــــان
النهر يجري والروى من مجمه


نبي نبارك له فهد حيث ما كـــــــان
وعروسته من لحم عظمه ودمه


مبروك ياشيخان يا عيال شيخـــــان
ناسن لهم فالمجد رايه وهــــمه


يا نسل راشد يا سلايل كحيـــــــلان
مدرب جيشه وخيله بأزمـــــــه


مسك زمام العلم من ماض الأزمان
يومن كل(ن) كلفوه بمهمـــــــه


وابنائه وابن ابنائه فــــأول وذلوان
هداج تيمه والبحور المطمـــــه


مرزوق وهديبان والشيــــخ فيحان
الكل منهم شيخ محد(ن) يذمــه


وعايش بعدهم كنه الصقر شيـهان
والصقر دايم منزله راس قمــه


دكتور عبدالله وراشد لهم شـــــأن
كل(ن) يبي شمل القبيله يلمـــه


الكل منهم له بني عم واخــــوان
والنعم بالأخوان وعيال عمـــه


وسعد سعد والكابتن حسين ماهان
الأرض جاها والفضا راح يمه


اللي بنى بيته بساسه وعمـــــدان
ياللي بنيت البيت راعيه ســمه


شكله جميل بواجهاته والأركــــان
سموه بـ(السحمان) والله يتــمه


والمعذره من خوف زودٌ ونقصان
ولاني وكيل آدم على كل الأمه


وصلو على خير البشر نسل عدنان
اللي نهى عن كل غيبه ونمــه

الشاعر / حامد مرزوق مهني الغصيبي

صح لسانك وعلا شانك علي هالرائعه
لاهنت ولاهان فكرك
تقديري وجل احترامي

صح لسانك اخوي عبد العزيز وبيض الله وجهك وفيت وكفيت مع عيال عمك
وذوي راشد يستاهلون كل علم غانم وهم اهل الصفات الطيبه مع ربعهم وتشريفهم
لربعهم في المناسبات يثبت ذلك وبدون مجامله

ومبروك عرس اخوي فهد مرزوق ابن راشد والله يرزقه بالذريه الصالحه

هلا وغلا بمعرّب الجد نجوااان
اللي جميل القاف والطيب زمّه

صح لسان شاعرنا وبيّض الله وجهه طيّب المعدن وصادق الخوّه والله يجمّلنا على كل خير ..
ودي والله بمجاراتها لكن ماأقول إلا صح لسانك وبارك الله لك بالنيّه والذريّه .

عافاك الله عبدالعزيز وشكرا لك والموقع يتشرف بديوان شاعرنا وكل من حولك من الجزلين شعرا ومعنى