وش علينا ماسك ؟؟

أتتشرف بأطلاعكم على أبيات أرسلتها لأخي الكريم الشاعر احمد حمود السحيمي وهي عتاب خفيف وأعلم والله مشاغله اللي تمنعه عن التواجد المستمر لكن ماقدرت أمتنع عن ارسالها له وهي دعوه لجميع الشعراء بالتواجد قدر الأمكان نستفيد ونفيد المبتدئ الجديد ...

يااحمد عجزنا وش عليناماسك	ماعاد نفهم وش يدور براسك
أبعدت عنّا يالخوي من فتره	ولاادري وش اللي يارفيقي حاسك
حنّا زمان أوّل بدينا خوّه	يوم البشر شتّى ومنهم ناسك
يوم التقينا بالكلام الطيّب	وغنيّت بالحانك على مرواسك
افرحت قلبي والعيون تناظر	ترقب لقاك وتشتهي مجلاسك
قلّي بربك !! وش طرى يالغالي	الشوق وشبه مختلف بقياسك
ان كان باسباب القصيدالواجد	العن قصيدي واكسره مع كاسك
وان كان شيطانك لبسك وشالك	ماهو بأنا اللي يزعله ملباسك
أنا وخيّك لو تقوم وتقعد	وانا المكان لفرحتك واتعاسك
وأعلم ترى العلم الرفيع يسجّل	وحتى جفاك يسجله قرطاسك
للملتقى ندعيك لآآآآخر مرّه	جعله يدوم وينتعش بأنفاسك
ماعاد فيه أعذار تقبل منكم	ألا بعذر(ن) لاحصل متماسك
والخاتمه روح الرفيق تعزك	وحزامها وقت الشدايد باسك

وسلامتكم وليعذرني ابوحمود لكن الأهم أنه يعلم ماله من المحبه والتقدير

صح السانك ياابو ريان وان شاء الجميع يرجعون ويشرفونا بما لديهم من جديد

صح لسانك مليون يابو ريان ولاتحرمنا من هالقصيد الجزل لاعدمناك والف مليون نعم بشاعرنا أحمد ،، تقبل مروري وتحياتي

المشاركة الأصلية كتبت بواسطة احمد معوض بن عواض

صح السانك ياابو ريان وان شاء الجميع يرجعون ويشرفونا بما لديهم من جديد

صح بدنك يابومعوض وشاكر لك مرورك وان شاء الله نرى جميع شعرائنا وكل من يكتب القصيد الجزل متواجد ويمتعنا

المشاركة الأصلية كتبت بواسطة الواثق

صح لسانك مليون يابو ريان ولاتحرمنا من هالقصيد الجزل لاعدمناك والف مليون نعم بشاعرنا أحمد ،، تقبل مروري وتحياتي

الله لايهينك يالواثق وصح بدنك يالغالي واحمد حبيب قلبي بيني وبينه الكثيرمن المساجلات وشفقان على تواجده ولايهون أحد ..
وفي الجميع الخير والبركه ان فكت أشغال ابو حمود وان طوّلت ... تحياتي واحترامي لك ..

صح لسانك ابو ريان قصيده رائعه جدا واحمد من حبنا له ممكن نعتب عليه لان تواجده معنا ظروري جدا نستفيد منه نتذوق شعره ليتني شاعر كان لعبت فيكم لعب

صح لسانك يا ابوريان وحرصك على الرفاقه ماله مثيل 000 وعساك سالم وهذا انذار لجميع الشعراء من غاب بدون عذر الله يعنيه00

المشاركة الأصلية كتبت بواسطة ابـــــ فيصل ـــو

صح لسانك ابو ريان قصيده رائعه جدا واحمد من حبنا له ممكن نعتب عليه لان تواجده معنا ظروري جدا نستفيد منه نتذوق شعره ليتني شاعر كان لعبت فيكم لعب

أنت بالذات يابوفيصل الحمد لله انك ماأنت شاعر والأكان علووووم ..
صح بدنك يالغالي ولاعدمت حضورك وشرف مرورك

المشاركة الأصلية كتبت بواسطة خالد عواد دخيل الحربي

صح لسانك يا ابوريان وحرصك على الرفاقه ماله مثيل 000 وعساك سالم وهذا انذار لجميع الشعراء من غاب بدون عذر الله يعنيه00

الله لايهينك يابوعواد وصح بدنك والحرص نلقاه في مثلك وشرواك
ولا انذار لاأحد ولاغير بس والله من زود المحبه والله العالم ..

صح السانك ابو ريان على القصيدة الرائعه