محاورة الشاعرين صويلح بن مرجي ومحمد بن مشعان منسقه

يعجز اللسان عن شكر الشاعرين لقد ابدعتما واتحفتونا بهذه المحاوره ولاجل عيونك وعيون محبي شعركم جرى تنسيق المحاوره كي يتمتع بها كل من يقرأها

محمد مشعان

ياسلام الله سلامن تعجب الشاعر طروقه	من هاجوس اللي هاجوسه ماتجيب الا السماني
ياصويلح من زمان العام والكبد محروقه	اتصبر واتحمل والمشاريه تحداني

صويلح مرجي

ياهلا يامرحبا والعيد واضح من شروقه	قلتها واللي بوسط القلب ينطق به لساني
الرفيق يعز ربعه والحميا في عروقه	طيع شوري لايردك لافلان و لافلاني

محمد مشعان

البقا بك ياصويلح والذهب مابار سوقه	مير خلك في مكانك لاتقرّب من مكاني
والحميا ورث ابويه عقب جدي ومعشوقه	والمواقف لادعتني ماتونّا لو ثواني

صويلح بن مرجي

انت وش بك تنثر الفنجال قبل إنك تذوقه	واخسارة حبكته بالهيل والبن اليماني
ماعليك إخلاف بس اخوك لاتبخس حقوقه	انت لالا الله وثم اخوك مااطعمت الاماني

محمد بن مشعان

لاتفتّل بالشوارب وانت لحيتك محلوقه	لوّء مانته كبر ابويه كان جبت الخيزراني
البعير اللي يشيل الحمل يرغي من فتوقه	ضامه الحمل القويّ وصارت عظامه لياني

صويلح بن مرجي

ديننا الاسلام حكمه يقطع اليمنى السروقه	قالها صياف قبلك يامحرفت المعاني
انت لو تقدر تحوق الرزق بيدينك تحوقه	بس حظك لو لقاله سرج مايلقى حصاني

محمد بن مشعان

انت تاكل حق غيرك والخوي دايم تبوقه	مير صدتك يالحرامي دون مكه وحلباني
اعرف الداب التهامي سال سمّه من شدوقه	وانت طيّب ياحليلك ليت مانته عقرباني

صويلح بن مرجي

وانت توكل كلبوك بشهوة النفس الزهوقه	لو منزلكم مطور فيه ( اراك ولا تراني)
اعرف الصقر المبلم واعرف الهدهد بطوقه	واعرف اللي فالملاقا عشرته ترجع ثماني

محمد بن مشعان

الغليم عق ابوه وزعلت امه من عقوقه	وانصحته يارفيقي قال لي مالله هداني
وانت عينك للخيال اللي تكاشف لك بروقه	مير خلك فوق بيرك عند دلوك والسواني

صويلح بن مرجي

الغليم لو لحقته مايشرفني لحوقه	دايم الهامات عليا مارضينا بالطماني
والبعير الليا عقلته لاتقوده_ لاتسوقه	إتركه جعله يحصل له بدربه هيملاني

محمد بن مشعان

علف الطير وتؤكل وانتبه تطلق سبوقه	واطلب الله العقيله وانصحتك لاتعصاني
بارك الله في جملنا لو نشد الحمل فوقه	ينقل الحمل المدبّل لوّء وقته قلّباني

بيض الله وجهك يا ابو فيصل 000 الشكر لله اولا ثم لهذا الصرح الذي بفضل الله له المنه وحده00
جمع00 وسدد وقارب00 وقرب الرفاقه من بعضهم 00 له الحمد والشكر لايحمد سواه رب هذا الكون موجده من عدم 00
فكره 00 ونجاح 00 وتنسيق 00 كثر من امثالك في هذا الصرح يا ابو فيصل
مع الشكر والتقدير لشاعرين اخلاقهم قبل شعرهم المتميز اكسبهم حب الناس000 وهما غنيان عن التعريف

صح لسان شعارنا وبيض الله وجههم ويعطيهم الف الف عافيه ولا يهون ابو فيصل

صح لسان شعرانا
كبار بكل ماتعنيه الكلمه وافتخر واعتز بهم دوما
بدون قصور باخواني
والشكر موصول لابو فيصل على المجهود الواضح
لاحرمنا تواجدكم وابداعكم

اشكر اخوي فهد على تنسيقه للمحاروة ولاهو بمستغرب عليه هذا الاهتمام بيض الله وجهه واشكركم جميع على هذاالاطرى الجميل وحنا منكم ولكم فديت ربعي السحمان

صح لسان شعرانا
كبار بكل ماتعنيه الكلمه

الشكر موصول لكل من شرفنا بمروره او اكتفا بالمشاهده وشهادتكم وسام فخر واعتزاز تبقى على صدورنا مدى الحياه لاهنتم وشكر خاص لابو فيصل على جهوده اللا مستغربه منه وشكر خاص للشاعر القدير الذي كسب الناس باخلاقه العاليه وبشعره الجزل ولايفوتني الاعتذار للجميع في تاخري بالردود واعترف للجميع بالقصور واستبيحهم العذر وهم اهل العفو ولاغرابه الطيب من اهله ولولا انشغالي بمشاغل لايعلمها الا الله لارديت على كل واحد في حينه وهو اقل حقوقه ولاكن انا مشغول عن النت ويفوتني الكثير اللهم لايشغلنا الا في طاعته ودمتم بحغظ الله حيثما كنتم ياعصابة رااااسي

الشكر لله ثم لكم بانجاحكم هذه المحاوره ولكل من شاهد

صح الله لسانكم
مبدعين ومتالقين دائماً
لله دركم
أستمتعت كثيراً بما جاء به بوحكم
سجلووووو كااامل أعجااابي وخالص تحياتي

اشكر الجميع واخص من علق على الموضوع