قصيدة الشاعر/صلاح بطيحان السحيمي بمناسبة حفل ناركم حيه

بسم الله الرحمن الرحيم

تحية الاسلام مني للحضور	تحيةٍ من خاطرٍ غنابها
ربعي هل الطالات وافين الشبور	في كل هيه ربعتي يبدابها
اعتز في ربعي وانا فيهم فخور	جزل المعاني ماسكين انصابها
شبابةٍ للنار في كل العصور	على القسا واللين هم اصحابها
الكل منهم لابدا اللازم غيور	عيال السحيمي عاليٍ مرقابها
وكل القبايل نعم مافيهم قصور	اهل الكرم والنار من شبابها
نعم بامير المنطقه في كل دور	عبدالعزيز الطيبه يسعابها
في كل حال وكل وقت وكل شور	حكامنا كلٍ يحسب احسابها
يعيش ابو متعب بنا للمجد سور	والقاله الصعبه يحل انشابها
لاقامت الهيجاء وضاقٍ الصدور	بشور ابو متعب تعشاء ذيابها
ويعيش سلطان العرب سبع جسور	عز الصديق وكيد من يبدابها
دار الكرامه من طمع فيها مغرور	حنا فدا لارض الحرم وترابها
صلوا عدد من طاف والبيت معمور	على شفيع الخلق يوم حسابها

ابيات بمنتهى الروعه لك من فائق احترامي
صــح لساااان كاتبها
وتسلم يـمينك على النقل
تحياتي
بعيد الهقاوي

ابو خالد شاعر غني عن التعريف ياليت تتحفنا دائما يا ابو فرح بقصائد له وياليت تنزله ديوان خاصه انه جدك وقريب منك وتقدر تزودنا بما هو جديد

وحنا بعد والله ياياسر نعتز بالشاعر صلاح بن بطيحان
سلمت يديك على النقل وعافاك الله

يعطيك العافيه ابوياسر
بصراحه ابيات في قمة الروعه
سلمت يمينك الحلوه