ديوان الشاعر ذاير رشيد السحيمي

بسم الله الرحمن الرحيم



السلام عليكم ورحمه الله وبركاته


ملتقى السحمان يشرفني ويسعدني تواجدي مع افراد قبيلتي ( السحمان ) واود ان اطرح بعض قصائدي لكم

واتمنى من الله العزيز القدير ان تنال اعجابكم

محبكم // ذاير رشيد السحيمي

 

[poem=font="simplified arabic,5,white,bold,normal" bkcolor="darkblue" bkimage="" border="none,4,gray" type=1 line=0 align=center use=ex num="0,black""]
سلام يالضيغم بعيد الهقاوي=وسلام يامنهو مشاهد وموجود
وسلام يامنهو على الطيب حاوي=من ساس ابوه وساس جده هل الجود
الجد راشد يوم وقت العزاوي=والخال ابن كلاب لا وخذت الذود
وابوه قرمن في جميع الدعاوي=شجيع بالحكمه تجي لشوره فهود
وياصل سلامي للقريب ونحاوي=ويضفي ذخر نجوان مليار و يزود
عزوه لنا وحزامنا يالنداوي=اهل الحميه نعم من عصر الجدود
ربعي هل الجيره وخوه اداوي=سحمان بالفزعه لهم فعل مشهود
من روس حرب اهل القناء والحداوي=اهل الثلاث المعجزه حق وعهود
ريف اليتامى مزبنين الجلاوي=يوم ان دورات الدهر قل و زهود
وقتن مضى يوم اشهب الذيب عاوي=ماحسبو حرب الحرابه عن الرود
خبرت من يعطي من الفيد ناوي=يعطي لو انه ماحصل شي مقصود
غير ابن ناحل يطعم اللي رجاوي=راع السخى متوكل برب معبود
واليوم يشهد كل قاري و راوي=في فعل حرب اللي لهم فعل محمود
بيضاء كما شمسن مداها سماوي=بيضاء لكم يامزبنت كل مظهود
أعتاق خالد مع عوض بالتساوي=والشكر للي كلبونا له سجود
وكل القبايل ياصلون الحراوي=ولا ذم من ساهم يبا الخير ماكود[/poem]

 

هذه القصيده مرثيه بنمر السحيمي وبادي السحيمي رحمهم الله كما قام بمجارات هذه المرثيه نياف العمري

[poem=font="simplified arabic,5,white,bold,normal" bkcolor="darkblue" bkimage="" border="none,4,gray" type=1 line=0 align=center use=ex num="0,black""]
أسـهـر يـالـيـن يـسـوق فـجر المصلين=وراع الصــبر لـو ضاق ربي يعينه
شـايـلـنـي الـخـافـوق والـناس ســاليـن=بـيـن الـضـلـوع الحدب تسمع حنينه
دنـيـا تـفـرقـنـا وبـا ألاقـدار راضـيـن=وحكم القدر غصبن على معارضينه
صـكـاتـهـا مـابـيـن سـاعـه ويـومـيــن=ويـامـا صـبـرنــا وجـورهـا شـايـلـيـنه
غـرتـنـي الـدنـيـا بـنـاسـاً عـزيـزيـــن=والـيــوم حــتـى ذكـــرهـــم فـاقـديـنـه
والـمـوت حـق ومـع طـريـقـه مـولين=ويـــامــا يـفـرق فـي قـريــن وقـريـنه
ويـامـا غـدا فـــي نــاس لــيه مـوديــن=وتــرا الـــغــلا بقـلـوبـنـا مـالـكـيـنـه
يـالـيـتـهـم عـنــدي مـع الـوقـت بـاقين=كـــان الـفـواد بـشـوفـهـم عـامـريـنـه
مـيـر الـمـنـايـا سـافـرت بـالـحـشيمين=وقـــتن تـعـشـى بـالـرجـال الـذهـيـنه
أنـا أشـهـد انـه حـد سـيـفـه بـنـمــريـن=أثـنـيـن فــرقـاهـم عـلـيـنـا غـبـيـنــه
أثـنـيـن مـن شهب الظهور وصلاطين=نــمـر وبـــادي فـعـلـهـم خـابـريـنـه
أهل السخاء والطيب والله على الزين=وأهـل الـفـعـول الـطيبه و الحسينه
ريـف الـرفـيـق أهـل الـكرم والـقوانين=والـطـيـب مـابـيـن الـمـلا كاسبينه
يــالله عـسـى قـبـرأ حـضـنـهـم بـساتين=وفـي جـنة الـفـردوس عفو وسكينه
وعـفـوك ورضـوانـك بـوقت الموازين=يـــالله يـــا نـاصــر نـبــيـه وديـنــه
تــرحم هـل الـمـعـروف ريـف القريبين=والـطـيـب كـل أصـحـابهم ذاكرينه
أخــلاق ومــروه وصــدق ورضــيــيـن=وحـبل الوفـاء بـين أصدقاء محتمينه
والـهـم يـانـيـاف فـرق الـشـجـيـعـيـيـــن=يــوم أتـذكـر فـعـلـهـم مـــع سـنـيـنـه
لا تـلــومــنـي دنــــيـا بـلـيـا بــراهــيــن=حـكـم الـقـدر يــالـضـيـغـمـي شايفينه
تـهــلــك وتـاكــل بـالـخـلايـق مــلايــين=ويـلـطـف بـنـا الــلي كـلـنـا مـتـقـيـنه
مـحـصـي عـدد خـلـقـه بـكـل الـمـيـادين=الـلـي لـطـف في نـوح وسط الـسـفـينه
وعـسـاك مـاتـفـقـد ربـــوعــن مـحـبـيـن=يـالـلـي قـبـالـك لـلـخـوي مـجـربـينه
حـيـثـك فـهـيـم ومــن رجــال فـهـيـمـين=وخــوتـك يـاذيـاب أبـن غـانـم ثـمينه
نـبـا نــتــســلــى يـالــخـوي دام حــيـيـن=وتــرا الـفـرح ريـف القـلوب الحزينه[/poem]

 

[poem=font="simplified arabic,5,white,bold,normal" bkcolor="darkblue" bkimage="" border="none,4,gray" type=1 line=0 align=center use=ex num="0,black""]
هات القلم وأكتب على الظرف ياحـسين=قـافـاً مــن بـحـور الـشـعـر ناظمينه
عـسـى أرد الـصـاع بـالـطـيـب صاعين=ورده عــلـى الـلي قــافـهـم كاتـبـينه
وجـتـكـم مـن الـلـي مـايـبـيلـه عـنـاويـن=مـن حـرب ذايـر والـعـرب خابرينه
مـن روس قـومـاً تـوفـي الـحـق والـدين=وعـدوهـم تـقـضـي عـلـيـه الـغـبـينه
مـن شـيـمـتـه مـرسـل من أخواني أثنين=واحـد عـلى الـيسـرى والاخر يمينه
والــيـا تـواجـهـتـم ردو لـــي ســلامـيـن=ثــم سـلـمـوه الـخـط يـا حـامـلـيـنــه
وقـولـوا وصـل خـطـك لـنـا قـبل يومين=حــزيـن وأثـر فـي نـفـوسـن حزينه
وأنـــا مـالـومـك لـو بـكـيـت الـفـقـيـديـن=فـقــيــدكــم كـــل الـمـلا فـــاقـديـنـه
راع الـوفـاء والـطـيـب طـلق الحجاجين=يــا قـو عـزمـه فـي سناء قاصدينه
مــايـلام مـثـلـك يـارفـيـق الـكـريـمـيــن=للو هاض فكره ثم جفى النوم عينـه
مــايـنـفـقـد غـيـر الــرجـال الـمـيـامـيـن=والا الـردي خـايـب تـعـب والـديـنه
والـمـوت تـقـل انـه يـعـرف الـرديـيـــن=وعـنـهـم يـجـنـب لـلـحصون المتينه
ودربـن مـشـوابــه يـابن الاجواد ماشين=مـاشـيـن بـه والـلـي سـبـق لا حقينه
و شـهـادتـك لـي راجحـه بـالـمـوازيـن=وأنــا أعـتـبـرهـا لـي شـهـاده ثـمـينه
ولــو نـبـنـي الـتـقـديـر مـن نجد للصين=مــاوفـيـت مـقـدارً لــكـم شـايـفـيـنـه
سـبـقـتـيـنـي بـالـطـيـب وأخـذت ثـنـتين=والـطـيـب لـلـي مـثـلـكـم صـافـطينه[/poem]

 

[poem=font="simplified arabic,5,white,bold,normal" bkcolor="darkblue" bkimage="" border="none,4,gray" type=1 line=0 align=center use=ex num="0,black""]
أنـا ربــعـي الـسـحــمان أهــل الـسـخاء وقـروم=ورجـالـهـم مـعـروف جزل العطا والمي
راعـي شـهـامـه عـن دروب الـردى مـحـشوم=ولايـقـبـل الـعـيـلـه ولايـقـبـل الـضـيــمي
وربعي هـل الـفزعــه بـضـرب الـمشـوك قـوم=وريف الخوي والضيف والجار له شهمي
ألى يـبـسـت الاريـاق والهـوش جـالـه عــوم=اسودن ورأس الـــزان بـالـعـالـقـه سـهمي
وكـــد قــالــوا الـعـريـف قـبـلـي مـثـل ملــزوم=ثـــلاثه تـراهـم يـلـزمـون الـولــد لــزمي
أنــا حالـفـن في واجـبــي يـا عـرب لأقـــوم=وراع الـبــخـل دائـم مـع الـناس مذمومي
أروف الــيـتـامـى وأطـعـم الـجـائـع الـمـقـسوم=ورزقـي عـلى الـلي كاسي العظم بالحمي
ولانــاصــر الــمــكــروب ونــاصر الـمظـلوم=وحقا علي امواصل الخال والعمي
ولا ارخص رفيقي لـو حصل مـع رداه عـدوم=أعــطـيه الـسـنـع واقول شوف السنع قدمي
لـــونــه تـــردى يـــوم لابــــد مــالـــه يـــــوم=يعـرف الـسـنـع والـحـر يـرجع وخذ علمي
أنا رجل رأس حصان اعرف الخـطا مذموم=ولاذم خــلـــق الله وبـه نـاس مـا تــذمــي
وراع الــنـقـيـلـي لــو هـرج مـا عـلـيـنـا لـــوم=خـشـاش السـرح مـعروف بالسرح يلتمي[/poem]

 

طرح رائع وجميل
دمتِ بهذا الأبداع
لا خلا ولا عدم

 

[poem=font="simplified arabic,5,white,bold,normal" bkcolor="darkblue" bkimage="" border="none,4,gray" type=1 line=0 align=center use=ex num="0,black""]
عد ماهلت حقاق ومزن ساقي=وعد مارودم ونو البرق لاح
ياسلام الله عليكم نور شاقي=ياعيال العم ياوجيه الفلاح
ياعيال العم نبغا شي راقي=والتعاون بيننا ونبغا النجاح
التعاون عز والجمعا وثاقي=والمحبه والوفا فيه الصلاح
والجهل يذهب ومجد العلم باقي=وجيل ماله بصمتا ولى وراح
التكاتف صرح مبني بالرواقي=والتفكك صرح تذراه الرياح
الرجل في عزوته لا مايعاقي=ودون عزوه طير مكسور الجناح
والجبر راس القبيله درع واقي=والقبيله للجبر مثل السلاح
نحمد الله مايفرقنا نفاقي=وهرج ماهو واقعي يصبح ضحاح
والعلوم الطيبه حلو المذاقي=مثل صب الكيف فيه الهيل فاح
ياذخر نجوان ياريف الطراقي=السخاء بصدوركم ماانتم شحاح
والصطر فيكم لاجاء وقت التلاقي=وان تلاقوبالوغاء بضرب الرماح[/poem]

 

[poem=font="simplified arabic,5,white,bold,normal" bkcolor="darkblue" bkimage="" border="none,4,gray" type=1 line=0 align=center use=ex num="0,black""]
قال البكى عيبن ولافيه مصلوح=قلت البكى للي تعزه ماهو عيب
قدامي ادم احرق الخد بالفوح=تذرف دموعه والرموش المهاديب
على عياله يصعق بصوت مبحوح=عشرين مع عشرين عامن تعاذيب
وانا من الغالين بالصدر مجروح=وونس بصدري مثل دق المناسيب
وليا تذكرت الغلا تزهق الروح=وترى الفراق يشيب الراس تشييب
وحكم القدر جاري ولاهو منطوح=قفو وخلوني هل العز والطيب
وخافوقي اصبر وان جرا شي ساموح=هذي مقاسم ربنا عالم الغيب
حنا عباده ماكتب كتب باللوح=مالك عن المقسوم واللي لك يصيب
قال الفراق يلوعني صرت مطروح=كني طريح السم مالي تطابيب
وتقول فرقى صرت بالجسم مذبوح=الموت حق ولانرد المكاتيب
لاتلوح يالخافوق بالصدر لاتلوح=كما تلوح الدلو بيد المجاذيب
يسقون ذودا ماتضوت في مشفوح=ولاشبكوهن عند بيض الرعابيب
مرباعها باايسر سكاكا على الدوح=وعلى طبرجل والقليبه محازيب
اتلاد مع مرياعها وين مايروح=طياحها يطرب له القلب ويطيب
ومحشمات وعندهن رجل طحطوح=لاصاح جن مقوطراتن مهاذيب
والزين فيهن زادت نحورهن شوح=شعلن غشاهن لون مثل المشاهيب
لاشفتهن يرتاح بالي عن النوح=واسج وانسى لو حصلي لواهيب
وانا سحيمي ناصفي راس مسروح=حربي تنومسني رجال المواجيب
يازين جلستهم بها الطيب ومزوح=جلست نشامى كلبوها مكاسيب
يالعبد لك فرصه ولك باب مفتوح=قم واغتنم دنياك فيها التعاجيب
وصلو على اللي بين الحق بوضوح=نبي طاهر عن جميع العذاريب[/poem]

 

[poem=font="simplified arabic,5,white,bold,normal" bkcolor="darkblue" bkimage="" border="none,4,gray" type=1 line=0 align=center use=ex num="0,black""]
بديت باسم الولي منشي المخاييلي=رب السماوات دون اوتاد ثبتها
اللي خلق للبشر شكل وتفاصيلي=اجيال راحت وفي اجيال ساقتها
يامدبر الكون ياخالق مكاييلي=وياخالق الروح تعلم ويش غايتها
ياحامي البيت من شر اهل الفيلي=وخلقت دنيا لها موعد نهايتها
واغفر ذنوبي لاجيت بموقع مهيلي=وثبت لي الروح لاجاء وقت نشدتها
ياخافقي لاتذكرني تعاليلي=مع الرجال الذي تنعش بشوفتها
اهل العطاء والسخاء ذباحت الحيلي=كلن يبا الطيبه يمناه حاشتها
من عقب شرب المهيل بالفناجيلي=والكيف بعد الفجر تطرب لصبتها
اليوم ماهم هنا ركابت الخيلي=ولافيه نفسن تبا تبقى سلامتها
ويالله بنون اخياله جاء محاميلي=غربيتا مزنها رودم بجيتها
حقاقها جاء على الدير هماليلي=وابو بريقا على الابرق وهضبتها
اديار ربعي لجداني مداهيلي=ويسقيك ياغربي الظله وحرتها
ماكفه الراس الابيض شرق ويميلي=تبقى ودادين لين تزين شربتها
والغيث ضفوه وتطرب له جواويلي=في نجد وارض الحجاز ارزاق عمتها
والجيب جاهز جديد و يطوي الويلي=عبارته توقد النيران دبتها
ان جاء مع الرمل قصه تقل يحكيلي=توايره تسهج الرمله ماهمتها
ياصانع الجيب ياخبث الدواليلي=صنعتك للجيب زادت فوق سمعتها
اقفايته لامشى فيها تخاييلي=مثل الجمل يشبه عضوده وقامتها
نبي لناخايعا عشبه مضاليلي=فيه النفل والخزامى بعز طلعتها
يازين بعد الظهر فيها المقاييلي=مافيه غير ام سالم وقت حزتها
تريح القلب عن الحط والشيلي=والعشب ريحه ليا هبت بحايتها
ادله النفس عن هم وبهاذيلي=والرجل في ديرتي يازين سجتها[/poem]

 

[poem=font="simplified arabic,5,white,bold,normal" bkcolor="darkblue" bkimage="" border="none,4,gray" type=1 line=0 align=center use=ex num="0,black""]
يـابـجاد أبـوك مـساهـر الليل مابات=سـرابـه الـخافـوق وحـرك أشـجانه
هـات الـقـلـم وأكـتـب بـيوتٍ عفيفات=والصقر وقت اليوم هانه زمانه
مـنـي لأبـو بــدر ســلام و تــحــيـات=اعـداد مـن صـلـى ومـتـقـن إيمـانه
مـعـزتـه بـخـافـوق صدري ترا جات=ورمـز الـمعـزه وسط قلبي إعلانه
وصـداقــتــه زادت ولا بــه مــروات=ومـكـانـتـه مـاحـدا يـحـل بـمـكـانه
وأنـا تـرانـي شـايـفـن فيه أنا صفات=إصفات من حض الفتى في زمانه
الـطـيـب والـرفـقـه ومع حسـن نيات=والصدق في أبو بدر وحفظ الأمانه
وهـذي تـراهـا مكسب الرجل بالذات=لاصـار كـل الـلـي ذكـرنـا بـشـانه
أعـــد مــأواجـهت ماهــي دعــايــات=الـحـق أعـده مـاعــلـيــه مـهـانـه
والـرجـل لـه مـبـداه ونظره وميزات=والـنـمـر كـاسـبـها بـطيب ورزانه
بـشـتـه تـرا بـشـتـي ولا فـيـه شكات=وعصاه عصايه ثبات وضمانه
وأنـا أفـتـخـر بـكـل فـعـلـه ومـافـات=يالـلـي رفـيـقه واحـدا من إخوانه
والـرجـل لازم لـه مـبـادي قــويـات=أقـل مـبـدا هـرجـتـه فــي لسـانـه
ياأبو بدر مالي على الـناس شرهات=مـادام راع الـسـيف ملجم حصانه
أسـلـم وسـلـمـلـي عـلى الحر بثبات=عـسـاك تـسـلـم ياقـوي الـذهـانـه[/poem]