اختار في صحبتك ربعآ على بالي=اهل الوفاء والكرم والدين حالفها

بسم الله الرحمن الرحيم

1427كتبت ابيات نصيحه النفسي اخذها فلاح سجلها بجواله انتشرت مع بعض زملائه بعد سنه ونص من تاريخها ركب معي رجل وانا جاي من البلد سمعتها في جواله فكتبت هذه القصيده

با اكتب قصيده وغنوها بموالي
	ابيوتها اصوغها فلاح يعزفها
نظمتهاامرتبه وبيوتها اجزالي
	وجمله ما تصلح لكم ماجيبها احذفها
القول عني يردالساني اعقالي
	بااكسي قوافي بالمعنى ولحفها
نظمت لي قافيه من شعري الغالي
	من قبل عامين من فكري امولفها
واليوم سمعتها في كم جوالي
	اليوم سمعتها مع ناس معرفها
ولاني بقاصرها عن كل رجالي
	وان قيل هاذي لمن عني ايسولفها
لكن ما اودي بها مع بعض الازوالي
	بسمه يسولف بها بعد ان ايحرفها
فلاح كانك قدرت اعيد المثالي
	عيد المعاني وسلمهاامصرفها
ولان ابنصحك ياجعل السعد فالي
	واللي يحب النصيحه له امطرفها
مني نصيحه هديه لكم ياعيالي
	كلآ بقلبه ياليت انه ايزرفها
فلاح ابنصحك واحفظ عني اقوالي
	والطيبه في سويدا القلب ظرفها
افتح اذانيك هلحين وتوحالي
	ترى الرياجيل تذكر في مواقفها
بكره تذكر امعزي ويش لك قالي
	ودنياك محدآ سليمآ من صوادفها
فلاح لو عشت كم اسنين رحالي
	الموت نفسك لابده يوم خاطفها
الموت ماسلم منه اول ولا تالي
	لا كان نفسك من الاثام نظفها
بالدين خلك مع اول صف الابطالي
	والنفس عن مايعيب الرجل كتفها
ترى صلاة الفتى هي رؤس الاموالي
	اصحى ونفسك عن المحذور خالفها
لاجاء نهارآ توزع فيه الاعمالي
	وش ينفع النفس لو كثرت حسايفها
لا تماشى الانشامى ابكل الاحوالي
	ومجالس الفسق تكفى طالبك عفها
اختار من صحبتك ربعآ على بالي
	اهل الوفاء والكرم والدين حالفها
يازين مرقاك دايم قمة العالي
	وسنين عمرك على التقوى اموظفها
ولا تجي مجلس حصيله قيلن وقالي
	وان شفت غرات خلق الله لاتكشفها
يابوك حذرا تماشي بعض الازوالي
	بعض الشلل لو تودك لا توالفها
بعض الاواليد فسق وطيش وخبالي
	ومثل البهايم يابوك اللي نعلفها
يعجبك في مظهره والسانه الحالي
	وكل البلاوي تحت ظبطه املفلفها
من طيبه الله يبعد ذيك الاشكالي
	لعل بقعاء تشيله في رفارفها
زماننا ياكثر مابه امن اهوالي
	واللي لبيب العبر بالعين شايفها
وفي حال لاتقول يابويه وياخالي
	اذا الطويله هذيك ازريت تشرفها

[/poem][/poem]

يعجبك في مضهره والسانه الحالي وكل البلاوي تحت ضبطه ملفلفها





هاذي الاشكال كثيره في هالزمن مرض وافتشى وفتك بالمجتمع باشكاله وانواعه وهذا بلا ابوك ياعقاب شبابنا يغر به وصح السانك يابو فلاح على هالقصيده الطيبه

صح بدنك عبدالطيف رحم الله والديك وبارك الله فيك شكرا لمرورك دمت بخير وعافيه

زماننا ياكثرمــابــه امــــن اهــوالــي
والـلـي لبـيـب الـعـبـر بالـعـيـن شايـفـهـا
صح لسانك الشاعر الكبير ابوفلاح نصيحة من القلب تجسد واقع نعيشه وفعلا البلاوي كثيرة والعبر طبيعي بتكون موجودة للقلب الحي وخبرتك بالحياة نسقتها في قصايد النصح تقبل مروري ودمت في رعاية الله

صح بدنك ابوشهد بارك الله فيك ورحم الله والديك اقدرلك مرورك وتعليقك الشيق على القصيده قصايد النصح اكيد ان فيها فايده انا اجد بنفسي راحه وانسجام بكتابتها دمت بحفظ الله تحياتي لك

صح لسانك يا ابو فلاح وقصيده طيبه وجزله ونصيحه يستفاد منها اصلح الله لنا ولكم الذريه وفقكم الله لما هو خير

هلا اخوي ابوعلي اسعد الله مساك وصح بدنك وشكرا لمرورك نسال الله لنا ولكم الصلاح والتوفيق في الدنيا والاخره دمت بخير وعافيه

كل شي يفنى وتبقى الكلمه الطيبه صح لسانك يابو فلاح على هالقصيدة الجزلة

صح بدنك اخوي بدر الحربي وشكرا لمرورك نسال الله لنا ولك التوفيق في الدنيا والاخره تحياتي لك

صح لسانك ياشاعرنا الذهبي ( ويا شاعر المنتدى ) شبابنا يحتاج منا جميعا الشي الكثير وخاصة احتواهم والتوجيه لهم باسلوب الترغيب وليس التنفير نسال الله لهم ولجميع شباب المسلمين الهدايه