عام(ن) مضى واليوم عام(ن)ثاني

[بسم الله الرحمن الرحيم ]

هذه القصيدة نصيحه انصح بها نفسي مع بداية العام الجديد عسى ان تنال اعجابكم واعذرونا على النقص والكمال لله وحده وكل عام وانتم بخير

ابدا بذكر مدبر الاكواني
	عالم خفايا العبد لويخفيها
خالقك ومكونك يالانساني
	من تربة(ن)وأكيد راجع فيها
له حكمة(ن)في أي كاين كاني
	وله قدرة(ن)بالكون مانحصيها
كريم سبحانه علي الشاني
	وله رحمة(ن)وسيعة(ن)نرجيها
كلامه الآيات فالقرآني
	بالوحي تنزل راحه لقاريها
ويشفي بها من سقمه السقماني
	وتضيق دنيا واحد(ن)ناسيها
الى متى نتبعك يالشيطاني
	وانته عدوي بأول وتاليها
عام(ن)مضى واليوم عام(ن)ثاني
	ياسرعها الايام يا باغيها
دنياك هذي كنها البستاني
	تزرع وتحصد زرع ياراعيها
وأعمالنا ما كنها الا أغصاني
	للشجره اللي لازم(ن)تسقيها
ياوين راحو قبلنا الجداني
	وله في حياته حاجه بيقضيها
لاتحسب انك عايش الازماني
	ودنياك لو تغليك لاتغليها
احسب ليوم(ن)فيه ربط لساني
	وتبيعك الايام لوتشريها
هذي نصيحه صغتها بقيفاني
	انصح بها نفسي ومتنقيها

مشالله عليك عبدالمجيد ابيات في قمة الجوده ابقى كما انته دايما دمت بحفظ من الله

صح لسانك الشاعر عبد المجيد وىيض الله وجهك على هالقصيده الجزله
وننتظرجديدكم

صح لسانك اخوي عبدالمجيد

شاعرنا وكبيرنا ابو فلاح شكرا على الاطراء وشاكر لك مرورك

صح بدنك ابوطاهر ووجهك ابيض وشاكر لك مرورك

صح بدنك بدر الحربي وشكرا لمرورك

صح لسانك يا رفيقي قصيده فيها عظه ويا كبر حظ من يفهمها كثر الله من امثالك قصائد العظه مفقوده في عصرنا الحاضر .... ركز على هذا النمط يارفيقي تكسب ثواب الدنيا والاخره انشاء الله والانزكيك والانزكي نفسنا

صح بدنك اخوي خالد وكلنا نحتاج العظه في حياتنا والله يجملنا انا نجيب اللي يفيد الناس وشاكر لك مرورك

صح لسانك شاعرنا المبدع دايمن في طلاته قصيده جزله من شاعر كبير