العمر فاني والهقاوي تباريه

السلام عليكم ورحمة الله وبركاته
يشرفني الانضمام إليكم بهذا الملتقى وأحببت ان تكون المشاركه الاولى نصيحة لعل الله ينفع بها وأتمنى أن تنال اعجابكم وإليكم المشاركه

الدرب يا محسن ترى ما أنت غاويه	رد العلوم الغانمة والجسارة
شد الرحال وخاطرك لا تعفيه	ولا تلحق المقفي ملام وحسارة
والعايل الي ماترده مشاريه	دور بديله لا تقدح شرارة
البحر مجلابه باقاصي شواطيه	يصبر عليه مجودين الخيارة
والضلع يرقاه الشديد بعوافيه	مخطر بحاله ماترده حذارة
والعمر واحد ما سمعت بمثانيه	لا تعطي دروب الندم والعسارة
العمر فاني والهقاوي تباريه	والخير باقي والنوافل جبارة
كلن على دربه يعاتب معاديه	وكلن يسوي طبخته فوق ناره
درب الخزى جنب عن اهله وطاريه	احسب نواتج قسمته والخسارة
الشعر تلقى حبكته في معانيه	والدندنة تخطي جزيل العبارة
العبد يسعى والمنية توافيه	عمرن تحدر ما بقى في مساره
دنياه ولت والبداية تعازيه	والخافي اعظم والخفية بداره
ما يسلم إلا من يعد لحراويه	يصبح مع الظلمه يصلي جهاره
الروح ترقى والقرايب تناديه	ابواب عليا كلها بانتظاره
ان كان صالح عند ربه يحييه	روحن تعود بطيبها والبشارة
والفاجر الي خر من عند راميه	يلقى صحيبه ما يفارق قراره
يا الله عفوك يا غفور بمعاليه	يا ماحي الزلة ومضفي ستاره

وســلامتــــكم

الشعر تلقى حبكته في معانيه
والدندنه تخطي جزيل العباره

مشاء الله الشاعر بدر الحربي بيض الله وجهك على هالجزاله وقصيده جزله ومفردات جزله ومبدأ قوى ممتاز والى الامام
وانتظر منكم مااستجد والله يحفظكم

حياك الله اخوي بدر الحربي في ملتقى ربعك وبدايه موفقه انشالله قصيده جزله قوية المعاني صح السانك عليها دمت بخير وعافيه

كلك خير يابو طاهر والله يبارك فيك انت وابو فلاح ما نستغني عن ارائكم
وجزاكم الله خير

صح لسانك بدر الحربي وبيّض الله وجهك على النصح الطيب والقصيد المحبوب


الله الله بالتنسيق ترى الكثير أتعبونا فيه هههه

ننتظر جديدك وحنا من تشرف بتواجدك بيننا

صح بدنك يابوريان والله لايهينك

صح السانك اخوي بدر

صح لسانك بدر الحربي وبيّض الله وجهك

الأخ بعيد الهقاوي والأخ أحمد معوض صحة أبدانكم ودمتم بخير

صح لسانك اخوي بدر على هالابيات الجزله دمت بحفظ الله