البيوت اللي لها مقدار عندي واحترامي=نظم شاعر كل طاروق(ن) بغى نظمه يجيده

بسم الله الرحمن الرحيم
ابيات مضمونها شكر وتقدير وعرفان للاخ العزيز الشاعر القدير صاحب المفردات الجميله عبيد عبدالله الخماش العتيبي لقيامه حفظه الله بانهاء موضوع لي

مبتدي بك مستعينك ياعظيم الك الدوامي
	يامصرف شؤن هذا الكون يارازق عبيده
ياهجوسي حضري هلحين سريع الهمامي
	حضري بالحال لي رد البيوت اللي فريده
ياهلا يامرحبا عداد من صلى وصامي
	بالبيوت اللي من الطايف حملها لي بريده
البيوت اللي عليها للوفاء بصمة ابهامي
	عاش راس اللي نظمها سلمت ايده
البيوت اللي لها مقدار عندي واحترامي
	نظم شاعر كل طاروق(ن) بغى نظمه يجيده
ملهم الحكمه ليا منه قصد والله الهامي
	غرد القمري مع ابياته ويازين اتغريده
البيوت اللي سوات النور جلاي الظلامي
	لي مرسلها ابوماجد ياعسى ايامه سعيده
راعي الوقفات والفزعات من يومه غلامي
	الجمايل بالرجال ايشوفها فرحه وعيده
ابيضآ وجهك يابوماجد ولاينوشك ملامي
	وقومتك ياكاسب النوماس لا ماهي جديده
والله انك لبسآ للطيب يالطيب اوسامي
	وانك امن اللي بقولت نعم مليان(ن) رصيده
الشجاعه من صفاتك والكرم يابن الكرامي
	والتقى هو والوفاء ياصاحب النفس الرشيده
شايبآ عقبك ياعبيد العتيبي للرحامي
	ياعساه امجار من نار الجحيم اللي وقيده
ياعتيبه مابكم ياقوم رعديد العظامي
	ولاعرفنا منكم اللي مدته مده زهيده
الرجال افعالها تشهر بها ماهي الاسامي
	والفظايل والجمايل من بغاها ماتكيده
وختمها من طيبة الامجاد لك مني سلامي
	وعفو ربي مطلب الجميع مع حسن العقيده

الرجـال افعالهـا تشهـر بهـا مـاهـي الاسـامـيوالفظـايـل والجـمـايـل مـــن بـغـاهـا ماتـكـيـده

بيض الله وجهك يابوفلاح على هالابيات الجزلة ويستاهل ابو ماجد شاعر كبير وقصايدة جزلة كماهي قصايدة والفعل الزين صار ماهو غريب بالذات اذا ماعرفنا شخصية صاحب الفعل ولكل صاحب فعل خصوصيته استمر يابوفلاح على هالجزالة الشيقة وتقبل مروري

نعم ابوماجد كما ذكرت يابوشهد كل علم غانم كاسبه نعم من صفاته الطيب والوفاء مع كل الناس وايضآ فهو بحرآ من الشعر وموعدني ان يبعث لي البعض من قصايده وسوف انزلها في المنتدى متى ماوصلتني شكرآ لمرورك دمت بحفظ الله