فتنة القرن الجديد أجتاحت الاوطاني

بسم الله الرحمن الرحيم

أبيات متواضعه لعلها تنال إعجابكم

أبتدي بسم الله الرحماني	وأنتهي بسمه بكل إبدايه
ياعزيزن صخر الاكواني	ياإلهي يامجيب إدعايه
يارئوف ويالطيف وياعظيم الشاني	عطفك وسترك ترا لي غايه
أغفر الزلات عن ماكاني	وأعف عني وأعفني إمن إخطايه
فتنة القرن الجديد أجتاحت الاوطاني	وبعض خلق الله رقود ولاتشوف إنهايه
غزو فكري وإنحطاط ومذهب(ن) علماني	والتوسع بالنطاق الخارجي بعنايه
وفتنة(ن) عبر الجهاز المرئي المجاني	يحرفون افكار من يربعلهم بحكايه
وفتنة اللبس المشين وكشخة الشباني	الولد كنه هنوف(ن) ما لاأبوها رايه
دالهين ونايمين الله لايبلاني	يهدمون ويبغضون العالم البنايه
لايحشم ولايشيم مايع وذبلاني	ماتجمل بالفعول ولاقراله آيه
في محله من قباله مايسر العاني	ماتقدى بالسلوم ولا يحفظ وصايه
في علومه يزعل الاقصين قبل الداني	في عيونه عن دروب الطيبين إغشايه
والمصيبه لابخصته ربعته شجعاني	لابته للعز تقدم وللوفاء بدايه
ياحسافه يازمنا مع زمان(ن) فاني	يالله إنك تستر الاحوال وانت إمنايه

صح لسانك عبدالطيف ابيات جزله اذا كانت ابياتك هذه بدائيه اتوقع لك مستقبل جيد بالشعر دمت بخير وعافيه

اشكرك اخي الغالي عبد اللطيف على هذه القصيدة الرائعه والجميله

لي عوده

فتنة القرن الجديد اجتاحت الاوطاني
وبعض خلق الله رقود ولاتشوف نهايه
غزو فكري وانحطاط ومذهبنا علماني
والتوسع بالنطاق الخارجي بعنايه
وفتنة ن عبر الجهاز المرئي المجاني
يحرفون افكار من يربعلهم بحكايه

مشاءالله تبارك الله ابيات في قمه الرووووووووووووعه يعلم الله
انها لها صدى خارجي وبيض الله وجهك اخوي الشاعر عبداللطيف عوض السحيمي والشطر الاول والثاني والرابع من بداية الابيات ابغاهن منك هديه لي وبيض الله وجهك بدايه قويه مشاء الله عنك

مشاء الله أبوعوض وصح لسااانك إي والله انها فتنه اجتاحت الأوطاني وانك أبدعت في وصفها

كلمة ( الله لايبلاني ) أرى أنها أثقلت شطر البيت وممكن أكون غلطان ولك الشكر وتقبل مروري

صح بدنك ياعم ويشرفني تقييمك واطلاعك

لاهنت أخوي بعيد الهقاوي وشاكر لمرورك

الله لايهينك ياأبو طاهر وشهادة أعتز فيها ولاأستغني عن تقييمك

صح بدنك ياابو ريان والله لايهينك شاكر لمرورك وجهة نظر احترمها ويهمني تقييمك لما أكتب