هقواتنا تصل القمر والثريا

ياجعل راسن مايجيبه حميا
	تدخلبه الجلطه وتدمر خلاياه
لاصار لاينفع ولابه أكفيا
	خله يهف وهفة مقيط ورشاه
هالنوع مير أن مات وأن صار حيا
	نقصن وجوده كل شرهه تعداه
لاناقصن شين ولازاد شيا
	حتا أيش لو تمسك يمينه أملحاه
وقت السعه ماله شبيه وحليا
	وفي ساعه الشده تغير حلاياه
يضيع بين الصايبه والخطيا
	وأدنات مايخلف هقاويه وأرياه
ولآل الردي منه وفضلن عليا
	لآراجين جاهه ولامد يمناه
حنا بخير وعايشينن بليا
	ومن فضل ربي عايشينن بلياه
هقواتنا تصل القمر والثريا
	ماهي هقاوي واحدن تحت ماطاه
نرقا سنود ونرفع المعنويا
	ونقدر الطيب ونرفا خطاياه
راع النقا نعطيه وجهن نقيا
	وراع الردى لو قدمه ماحسبناه
والطيب صعب ولآيجي ها سويا
	ولاكل من حاول يبا الطيب سواه
يقدربه اللي للمواقف مهيا
	وعند الشدايد ماتغير نواياه
خطو أبلجن وجهه بشوش المحيا
	يعطيك وجهه مايلقيك علباه
لاقلت وينك قال عندك هنيا
	أبشر بعزك مير بالمال والجاه
ولو أسرد الموضوع ماله نهيا
	بس أختصر زبدة كلامي ومعناه
وأركزهدف بين الغبي والذكيا
	ولافيه داعي نكشف القدروغطاه
ومن خلقت الدنيا سعيد وشقيا
	والرابح اللي يقبل الرب حسناه
وصلو على المختار وأطهر نبيا
	محمدرسول الله عن الشرك زكاه

الشاعر مساعد بن تركي الحويمضي

صح لسان شاعرها وسلمت يمين ناقلها نقل رائئئئئع يابوفهد

عافاك الله أبوفهد ودائما مميز بإختياراتك وصح لسان الشاعر

الله يجعل الحميه على الدين قبل كل شئ

ونرجو والله منك ومن جميع الشعراء أن ينزلوا القصايد منسقه أو مراسله احمد معوض أو المشرف العام للإستفسار
فالقصائد بهذه الطريقه سيئه للشاعر أولا ثم لركن الشعر ثانيا اللذي يعتبر من الأقسام المفضله للكثيرين

دمت بخير واعذرني ولكن امون ان شاء الله

صح لسان شاعرها وسلمت يمين ناقلها

ونرجو والله منك ومن جميع الشعراء أن ينزلوا القصايد منسقه أو مراسله احمد معوض أو المشرف العام للإستفسار
فالقصائد بهذه الطريقه سيئه للشاعر أولا ثم لركن الشعر ثانيا اللذي يعتبر من الأقسام المفضله للكثيرين

صحيح كلامك ابو ريان

مشكووور ين .... على مروركم الطيب وردكم الاطيب
لكم مودتي وتقديري