الاخ الغالي

هذه ابيات قديمه ارسلتها الى الاخ العزيز الغالي الشاعر عبدالله سالم الشريف

يا طير يا للي بالجناحين رفا
	يا ليت لي مثلك جناحن أزوعي
لا واهني الطير بالجو زفا
	يا خذ مع الاجواء مسافة رفوعي
قفا بجنحانه وريشه يضفا
	يا خذ مراده وانحدر بالكسوعي
شبيت نار بالحشا ما تطفا
	يا طير عيني جاوبت بالدموعي
الله من همْ بقلبي مخفا
	همْ تحاشا بين حدب الضلوعي
طواريٍن تأخذ على القلب لفا
	تراكمت واصبحت منها جزوعي
تواردن قلبي على شكل صفا
	ما ينوصف همي على كل نوعي
يا لله يا منشي السحاب المصفا
	كونت ماه وبه حيت به جذوعي
جذع النبات اللي عن إلمي جفا
	واسقيت عرقه وازهرت بالطلوعي
تفرج لمن هو حفه الوقت حفا
	يا لله يا لمعبود ما أنته قطوعي
والطيب ما بين النشامى مضفا
	وصفات راع الطيب نفسا ًقنوعي
ومن لبس ثوب الطيب فاز وتدفا
	وثوب الردى ماله علينا سنوعي
وثوب الردى خله لعله يذفا
	و كنز القناعه بالشرف و الطبوعي
ومن حمد ربي بشت ثوبي مضفا
	من عالي الهامه الى حد كوعي
ياإبن الشريف ارسلت قافٍ معفا
	عفيف ما تاقع عليه الدنوعي
عبدالله الشريف قافه مكفا
	اعجبني بقافه ورده قنوعي
لو كان مالي بالتماثيل شفا
	يجبرني الخافوق ولا هو بطوعي

الرد

اهلاً عدد مالاحْ برق يرفا
	واعداد ما جمع حصاد الزروعي
باللي شكا هما بقلبه مخفا
	والهم يفرجه الكريم الشفوعي
إن كان ما تندب صديقا توفا
	باق المعاني كلها طرد جوعي
وإن كان تطلب فزعتي ما تخفا
	تجيك مني يالسحيمي فزوعي
نمشي على وضح النقا ما نلفا
	هذا و لا نرضي عليك الهزوعي
وإن كان همك من غزالن معفا
	اعجبك بوصافه حسين الطبوعي
نمشي معك بالجاه لأهل الملفا
	اللي مجالسهم سوات الشموعي
والحر عن درب الخطا يستكفا
	حتى يميز مدخله والرجوعي

صح السانك ابو طاهر وصح السان الشاعر عبدالله الشريف على هذه الابيات

صح السانك ابو طاهر وصح السان الشاعر عبدالله الشريف

صح لسانك أبوطاهر وصح لسان الشاعر الشريف
القافيه طيبه وزادت من طيب المعنى

تقبل مروري

صح بدنك يابو فلاح والله يحفظك

صح بدنك يابو معوض وحفظك الله

صح بدنك يابو ريان وزاد جمال القصيده اطلاعكم
حفظك الله

الشاعر ذاير الحربي
صح السانك وعتلا شانك
وصح السان الشاعر عبدالله الشريف

صح بدنك يابو تركي واطلاعك يشرفنا

صح السانك اخو ابا طاهر
وصح لسان عبدالله الشريف
وتقبل اطلاعي

محبكم / ابو وسااااااااااااااااااااااااام