فكرت بالدنيا وأثر ماهـى بشـي

فكرت بالدنيا وأثر ماهـى بشـي
مدرى علام الناس تركض وراهـا
●●




مـن خلقـت الدنيـا لأيامنـا ذي
والناس تطـرد رزقهـا ماكفاهـا
●●





مافيـه بالدنيـا ولاكاينـن حـي
الا يموت وعايش(ن) فى رجاهـا
●●




حتى النبات إن زاد زراعتـه ري
قامت تخزن فوق حاجت ضماهـا
●●





ماقول انا ماطمع نعم فالطمع فـي
انسان مثل الناس واطمـع معاهـا
●●




لكن حشى ماطمع بشئ(ن) مهو لي
ارفع قدر نفسـى وأبيـن غناهـا
●●




راضى بمقسومى ومرتاح فى فـي
ماشقيت نفسى فالسمـوم وهواهـا
●●




حيث الممات بيطوى نفوسنا طـي
يبقى الجسد والروح ترفع سماهـا
●●




والدوده اللى بالجسـد تاكلـه نـي
كانت بوسط احشاه صار بحشاهـا
●●




هذى هى الدنيا وذا فعلهـا السـي
قليـل تلقـى زاهـد(ن) مابغاهـا
●●




تتعاقب الاجيال فيها وهـى هـي
جيلـن يودعهـا وجيلـن لفاهـا
●●




أحدن أخذ حقه واخذ فوقه شـوي
واحدن يمـوت وسكتـه مابداهـا

يعطيك العافيه بعيد الهقاوي الدنيا حلوه بس البلاء الناس ماتقنع بالي يكتبه رب العالمين

لكن حشى ماطمع بشين ماهو لي
ارفع قدر نفسي وابين غناها



قصيده طيبه وانته اطيب يابو فهد صح لسان من قالها وسلمت يمينك

الف شكر لكم جميع على المرور الرايع

من افضل وأرقى وأسمى ماسمعت من الشعر

الله يعافيك أبوفهد ويرضى عليك وليتك بس تكملها بصاحب الأبيات

الف شكر لك ابو ريان على المرور الرائع