عبدالكريم المراجل / والذرا / والعوين

السلام عليكم ورحمة الله وبركاته
اسعد الله اوقاتكم بكل خير ..

من شمالا شِمالا كتب هذا النص في :
عمي / عبدالكريم بن مناور وهو صاحب افضال كثيره علي لايمكن ان اجازيها مهما كتبت وقلت وفعلت

واحببت ان اتشارك مشاعري معكم ..

ضلعان لكن بها حصن الشرف يالفطين
كم عابر(ن) مرها فتش مغاراتها

اصحابها من يسار ولا بعد من يمين
قامت تهايط وتفتل في شنباتها

وماهم بمجلاسهم معنا بمتساويين
شف هالنجوم السما تظهر مساراتها

اخر شطر ذا مثل واظنكم عارفين
ماهم بحول النجوم ولا سماواتها

والله عطانا صبر ولغيضنا كاضمين
مانبغي نجاري انفسنا ومشهاتها

ولا نتل اليدين اللي تتل اليدين
ونطير الروس من يكثر تلفاتها

ونطلق عبيد العرب / نستعبد السايدين
ومانعترف في مشالحهم وساداتها

لكننا عابدين بربنا مؤمنين
وصلاتنا مانوخرها عن اوقاتها

ماحن بقوم الردى تباعة الآثمين
اللي على ابليس توجيهة صلاواتها

وياسلامي سلام وعارف يروح وين
للي فعوله محال احد(ن) مجاراتها

اليا جلس مثل ليث وعاشق(ن) له عرين
واليا وقف تبسط الدنيا مساحاتها

باحدى كفوفه كرم ماشيف مثله بعين
والخير مستوطن كفوفه وراحاتها

عبدالكريم المراجل والذرا والعوين
لاهبت العاصفه بكل اتجاهاتها

والله لا اغني بفعله لين ماهي تبين
بقعا علي وتصك بكل حلقاتها

صح لسانك ونعم والله في عبدالكريم
عودا حميدا يا ابو منصور
ننتظر المزيد من اﻻبداع

صح لسانك ونعم والله في عبدالكريم

اسعد الله صباحكم في كل خير ومسرات وعسا هالمنزل مبروك ياحبابي
وصح لسانك ياابو منصور على المعنى الطيب ورد الوفا عاده من جد على جد وانته رجل وفي واشكرك
وتقبل اطلاعي

اخوي الغالي : ابو فيصل / احمد معوض / ذاير
شكرا لا تنتهي يـ انقياء وصحت ابدانكم جميع ولا عليكم زود لا عدمتكم

صح السانك اخوي عبد العزيز
على هذه القصيدة الرئعه
ويستاهل عمك عبد الكريم

اخوي بعيد الهقاوي
صح كلك وتستاهل الطيب لاعدمتك
شكرااااااا كبيره يانقي