أنا وإنتي تجاهلنا صدى صوت ينادينا
بقايا حاضرٍ ماضي وذكرى ماضي حاضر
تنادينا ونسمعها تضحكنا وتبكينا
وتنوب اليوم عنّا بالدموع وسلوة الخاطر
تبينا نفترق ثاني بعد فرحة تلاقينا
بعد ما جاد حاضرنا بقصة حبنا الطاهر
على موت الأمل لو مات وش يبقى بآيادينا؟
سوى الآهة مع الدمعة على حظ اللقاء العاثر
لزوم نواجه الحيرة برغبتنا وأمانينا
وننسى مّر فرقانا ونعيش ليومنا وباكر
ونعلن للملا ونقول ماجانا يكفينا
وعلى أنقاض الأسى نبني بداية وقتنا الحاضر
سعدالشليل
ماجانا يكفينا
العرض العادي
