غلطـــان من قال خيره كل تأخيره ...

غلطـــان من قال خيره كل تأخيره ...
مايستوي في السَبَق ريّض وعجلاني...



الحق ماكـل تأخيـره بها خيـره ...
كم فرصةٍ ضايعه من عمر الإنساني...


طرايد الصيـد ماتهـدأ عـلى سـيره ...
تبـغالها راميٍ ماهـو بمتواني...


رامي سـريعٍ بتصـويـبه وتذخيــره ...
إن فاتها السهم الأول صابها الثاني...


الوقت ماينتظر من عـاش في حيره ...
والـدرب ماينمشي من غيـر برهاني...


كل المصابيح تطفي فـي مشاويره ...
مايجلي الظلمه إلا نـور الإيماني...


احسب مكاسب زمانك من مخاسـيره ...
قـدام تطلع من المشـوار خسـراني...


ماكل ميـراد مرتـويـه مصـاديـره ...
كـم واردٍ غـادر الميـراد ظميـاني...


بايامنا من وصوف الخيل تصـويـره ...
تقبــل وتقـفي وعمـر العبد ميـداني...


تقبـل مغيره عليه وتقفي مغيــره ...
حتى يغـادر من الميـدان وحـداني...


يانايـم الليل حلمـك ويش تفسـيره ...
القلب في غفلته والطـرف نعسـاني...


مايقطـع الـدرب من ديـره ليا ديـره ...
إلا غــلامٍ سـرى والصبـح مابـاني...


إن شفت نبت الربيع تفوح أزاهـيره ...
إحــذر تباطـا تقـول أمـداه وامداني...


إليا تباطيت في غفـله وتفكيـره ...
ماتـنـتبه لين وإليا كل شي فـاني...


إغنم ربيعـك ليا عجّت نواويـره ...
واقطف ثمارك مادام العـود رياني...


فرصتك ماغيرها والعمر ماغيـره ...
قبلك ربيعي ( تباطيت.. وتعـداني )...


رأإآقت لــــــي...

صح لسان قايلها وسلمت يمين ناقلها اختي الفاضله سمر انا اراهن عليك بانك سوف تكونين عمود من اعمدة الملتقى ننتظر جديدك

صح لسان الشاعر والناقل
واظم صوتي مع اخوي ابو فيصل
الى الامام اختي سمر

ان شاءالله اكون عند حسن ضن الجميع

وسلمت اخي فهد

على الحضور الراقي..

شهاده اعتز بهاا

اخي خالد

والابداع والتميز وجودكم ..

رآئعه سطورك كـً روعة إحسَآسكـ
كلمــآت أبحرت بهآ ومعآني لآمست احساسنا
رآق لي متصفحك ومآ حملْ من عذوبه وزهو
دٌمتٍ ودآم قآدمك بـ التميز
زهوري الك

اختياررررررررر موووووووووفق ومشاركه طيبه ننتظر المزيد والمزيد بارك الله فيك

تسسلم يمينك على رووعه طرحك~
الله يعطيك الف عاآآآآآآفيه ...
ولاتحرمنا من جديدك وفيض ابداعاااك ..
دمت بخير..~

بعيد الهقاوي

التميز تواجدكم الدائم

ويعافيك الرحمن على المرور..

ان شاءالله القادم اجمل

في ظل التواجد المميز من الاعضاء

دمتم كذلك..

وسلمت على المرور اخي محمد