وخصيمنا مانعم في سبه بشر

الشاعر مرزوق بن مبشر الحثل الحصني الحربي
*********قصيدته في الفخر


"وخصيمنا مانعم في سبه بشر =نقيس مطلاعها قبل مدخالها"
"ولا نجمع رجال المجد ببليس العور=نعطي الرجال اهل الوفاء معدالها"
"ونصخر معانينا من الواقع صخر =قيفان يدعم بالدليل امثالها"
"نبني على برهان بصكوك وبتر=ماهي علوم ماعرف من قالها"
"رد الخبر الى ابا البقريامعتبر=ورسالته ماتستحق ارسالها"
"لا يحسبنه واصل سطح القمر= قله بالأرض وحالته يرثى لها"
"ولا علينا منك ياقثو البحر =اللي مضى والمقبلات بفالها"
"حنا الىدار الخبر ثم استقر=تنبيك عنا نجد هي وجبالها"
"وحنا الى من الخبر وصل الخبر =زحنا رواسي نجد عن منزالها "
"حنا اهل يثرب ناصرة سيد البشر =بأمر الولي باج الديار وجالها"
"منها نشر دين الرساله وانتشر=هي دارنا ياجاهلٍ برجالها "
"ومنها وطا الأسلآم بكبود الكفر=ومزبنه بالحق من يلجالها"
"ويوم دين العز سيطر وازدهر=قبيلتي تخبرك عن محوالها"
"الله منع عن دارنا قطر المطر=وسفن الصحاري زاولت مدهاله
"وقالوا لنا الوسمي على نجد انتثر =وربع دكاك الأنجدي وعبالها"
"مثل الزوالي بالسهل مع الوعر =متساويه وديانها واتلالها"
" وجينا من الحره على قين وظهر=عقب الدهور اللي حدانا لالها"
"مستجلبين الخيل والبوش العفر=ماحوشوا بيض الغنم وزمالها"
"نتلي شيوخٍ مايهبون الخطر =قدم الضعينه والسعد يبرالها"
"ماقال فيها الشيخ قولاً محتقر =الله علم في دقها وجلالها"
"شيوخنا من عصر ابن ياس ومضر=شيوخنا والنار من شعالها"
"لنا بهم كل التباهي والفخر =شيوخ قبيلتهم رفيع جالها"
"وصارت مسيرتنا تقدر بالشهر =حتى نزلنا نجد مع نزالها"
"ونجد بها اهل المجد مانجد قفر =بها الأسود الكاسره واشبالها"
"وقلنا نبي المرباع مانبي القشر =وقالوا لنا نجد لهلها لحالها"
"وصار التفاوض والتفاوض ماستمر=يومين والثالث بدت بقتالها"
"وتواعدوا للحرب من بعد السفر =ومن له فتيل بالثميدي كالها"
"على النقا ماهي خيانات وغدر =المعركه قدم الملا يمشى لها"
" والخيل بالفرسان تكر وتفر =وحدب الهنادي ياردن اسلالها"
"تشرب مقاضبها من الدم الحمر =بأيمان قوم ماتهاب اجالها"
"وشلف على عود القنا توسر وسر=وخيل تطلق بالهجوم احبالها"
" من طلعت الغراء الى بعد العصر=والمعركه سحابه ينشى لها"
" ترعد وتبرق والبرد منها انزبر =وكم نفس شبل جاها زوالها"
"وعند النهايه جمعنا فيها انتصر=على جبا دخنه وحمر تلالها"
"وسقنا ضعينا عليهم ونحدر =وهب الهواء معنا وزاح خيالها "
"واصبح لنا في نجد دار ومستقر=فيها رسى نزالها ورحالها"
ووسومها وارسومها بالمنتحر=جنوب دخنه والجبل شمالها"
"ومن شرق ترفعها غباشه والحفر =ومن غرب رابغ والبحر وسهالها"
"هاذي مضارب حرب وفهم ياسنر =يامن تمنى حاجه مانالها"
"دار لنا بين البوادي والحضر =يهابها اللي مادفع راسمالها"
"يوم الحياه بنجد في مد وجزر =وكل ذلوله من وبرها عقالها"
"يوم من نزح قبيله ما اعتذر =والبير عند القوم من ميالها"
"قدم ليث له خضع نمر وصقر=وقوم تصبح قوم تبي اموالها"
"وحنا كما السيل الغزير الى نحدر =يشيل التلال الراسيه ورمالها"
"وحنا الى شب اللهيب ثم استعر=عدونا مايهتني بزلالها"
"نرقد بامان وضدنا لهم السهر =عدونا مايهتني بزلالها"
"نرقد بامان وضدن لهم السهر =ومن له ديوناً عندنا ماجالها"
"عدونا نسقيه مطعوم الكدر =ونفسه اذا زادت نخبث فالها"
"وقدم مايبين المغطى والدبر=تطا مشاريه العرب عقالها"
"قدم باب ينفخ كبر المجر =تصعب على فتالها حلالها"

ابيات بمنتهى الروعه لك فائق احترامي
صــح لساااان كاتبها
وتسلم يــداكــ على النقل
تحياتي

قصيده جميله
صح لسان قائلها
وسلمت يد ناقلها

مرزوق الحثل شاعر معروف وجزل
سلمت ابوتركي على نقل بعض قصائده

الله يسلمكم من النار ويبيض وجيهكم على المرور الطيب والتشجيع ..