الحزم له مبدأ وراية وعنوان=حزم الملوك اهل السيوف الصقيله

بسم الله الرحمن الرحيم
قصيدة تعبر عن الاوضاع التي تمر بها الدول العربيه في الوقت الراهن اسأل الله ان ينصر جنودنا البواسل وقيادتنا الرشيدة .

الشر بدعه من تحت راس طهران	يدها على زرع الخيانه طويله
وجه البدع والكفر عباد الاوثان	ياالله عن وجه الوسيعه تزيله
الشام عاش الظلم واهله بالاحزان	يوم انكسر بشار قامت تشيله
سنين عانت بين مطرق وسندان	ياشيب عيني من جريح وقتيله
وعراقنا الّي مستلمته هالازمان	تسعى على ذبح العرب وتعني له
ماهو دفاع ودين لاشك عدوان	هذي سوات الخاينه والعميله
بشار والحوثي وقطعة فلبنان	خانوا وطنهم والمجوس الدليله
مكر الروافض من زمن حكم عثمان	عقب الظفر يالفرس صرتي ذليله
نبقى على دين السلف خير الاديان	ونطلب من الخاق شهادة فسبيله
نفخر بعز الدين ولدين سلمان	درع(ن) محصن لو دعانا نجي له
سلمان قاد الجيش ماهاب الاعيان	يسعى عل كسر الخنا والرذيلة
ابوفهد ياحامي حدود الاوطان	منهي كيان الّي نوى يستميله
الحزم له مبدأ وراية وعنوان	حزم الملوك اهل السيوف الصقيله
والشاهد الله دكو حصون حوثان	في شهر عاصفته عليهم مخيله
من ينطح المظهور في دار خولان	ينشد هل الغزوات وشهو حصيله
حاشد ومذحج واهل مارب وهمدان	شالت من حمول الجهاد الثقيله
هذي قبايل مارب وصد جدعان	من خانهم يسبق وداعة خليله
وابنا عبيده من هل السد شبوان	ضارين في طرد الحشود الدخيله
الله يزيد المحسن بزود الاحسان	وراع الفتن ربي يعجل رحيله
وصلوا على خير البشر نسل عدنان	الصادق الّي نال دار الوسيله

صح لسانك اخوي بدر قصيده جزله من شاعر جزل تعبر عن ماتكنه مشاعرك للوطن الحبيب

صح الله بدنك يابو فلاح وبيض الله وجهك يشرفني اطلاعك

الشاعر بدر الحربي صح الله لساااااانك
جزله من رجل جزل
والله ينصر الاسلام والمسلمين