من يوم قفا وانا للموت أبفتكره

يا ضيقة الصدر وش باقي على بكره

يا طول الساعتين وطول غربالي

الليل كله وانا فكره وراء فكره

ومن دلة الهم ماهزيت فنجالي

ما كنت اضن الحبيب اليا عشق يكره

الين جربت فرقا اللي شغل بالي

اثر الجفاموت مثل الموت له سكره

يالله لاتقطع الغالي من الغالي

من يوم قفا وانا للموت ابفتكره

والله ليبطي بقلبي منزله خالي

الطير لامن غدا ما عاض به وكره

يقضي وفعله مع المده يورالي

لا صار فعل وغلا بالقلب محتكره

في ضيقته يااخذ الاول مع التالي

كدقالوا الطير يا وفيه يانكره

واقول نكارة العشره بروا حالي

ارجع لموضوعنا السابق على فكره

ماني بانا اللي مفارق بس بلحالي

البعد سم البشر مانيب مبتكره

عزي لمن جرب الفرقا وعزالي

هذا الجفاموت ومثل الموت له سكره

يالله لاتقطع الغالي من الغالي

يالله لا تقطع الغالي من الغالي

صح لسان شاعرها وناقلها
مشكور اخوي الفارس

قصيده طيبه وصح لسان شاعرها وناقلها
والله يرد لكل غالي غاليه ..
لو إن قصيد الحزن والهم لايودي ولايجيب والتفاؤل امر به رسولنا الكريم صلى الله عليه وسلم