جعـل السحـاب اللـي بروقـه لـهـا ضــوح

جعـل السحـاب اللـي بروقـه لـهـا ضــوح*****يـرخــي همـالـيـل الغـشـيـن الـقـراحـي
علـى قـرى ساحـوق مـن فــوق وطـلـوح*****و ريـكــات وذريـــرة وهـــاك الـمـشـاحـي
لــو كــان مـالـي فــي مراعـيـه مـصـلـوح*****لا نــيــب لامــــوده ولا نـــــي مـتــاحــي
مـتـريـحٍ مـــن بـيــن جــــدران وســطــوح*****مـبـطـي مـــن الثنـتـيـن خـــالٍ مـراحــي
لـي صاحـبٍ ممـلـوح مــع نــزل مـسـروح*****يلـعـب بقـلـبـي لـعـبـة مـضـيـم ضـاحــي
وجـدي عليهـا وجـد مـن جـاه سامـحـوح*****بـنـحــور قــــومٍ يـشـهــرون الـسـلاحــي
عـنــده ثـــلاث أذواد مـاهــن بـشـرشــوح*****خلـفـاتـهـن تـسـعـيـن غــيــر الـلـقـاحـي
إلـــى صـعــق جـنــه عــرازيــل وطــفــوح*****تـركـي عـلـى راس الـغـزال اللـواحـي !!!
وجـاهــن عـقـيــدٍ زاحــهــن كـلـهــن زوح*****وربـــعـــه وراه يـجـمــعــون الـطـيــاحــي
و تخـالـفـوا عـنــد الـطـفـوح أم طـلـطــوح*****أم الـخـراطـيــم الــطّـــوال الـشـنــاحــي
و أن صــد قــام الغـيـض يسقـيـه ذرنـــوح*****وإلـيـا بـغــى يفتـكـهـا ، مـــن يـنـاحـي ؟
وجاهـم بـدون شـعـور مــع راس جــردوح*****و رمـــوه عطـبـيـن الـمـرامـي وطــاحــي
كـد كنـت عــن روس المراقـيـب منـصـوح*****نـصـيـحــةٍ مـــــا كــلــلــت بـالـنـجـاحــي
قــام الحـمـام يـنـوح فــي قـمــة الـــدوح *****غـنــى وأنــــا نــايــم وفــزيــت صــاحــي
أخـــذت لـــي غـطــه وصـحـانـي الــنــوح*****وقـعــدت ألاحـــي لـيــن لاح الصـبـاحـي
و عـديـت مــن روس المـراقـيـب لـحـلـوح*****لـحـلـوح مـــن روس المـراقـيـب فـاحــي
مـدمـلـجٍ مـمـسـوح جـنـبـه تـقــل لــــوح*****مـثــل الـزجــاج تـمــوج عـنــه الـريـاحـي
عـديــت بـــه سـالــم وحـولــت مـجــروح*****وأنـا أحسـب أنـه سلـوتـي و انشـراحـي
حـولـت فــي جرحـيـن مـغـلـق ومـفـتـوح*****وطـعـون شـلـفٍ مــن جـمـيـع الـنـواحـي
وشميـت لـي ريـحٍ خطـيـرٍ عـلـى الــروح*****ريــحــان والـريـحــان ســـــمٍ ذحــاحـــي
لاكــــان كـانـنــي تـشـافـيـت مـسـمــوح*****وإن مــت جعـلـك مــن ذنـوبـي مـبـاحـي
إلا أن حــبــك تـقـضـيـة وقــــت ومــــزوح*****قلها علـى المكشـوف وأطلـق سراحـي
مــا يشـبـع الجيـعـان مــن ريـحـة الـفـوح*****ولا يــزي الضمـيـان شـــوف الضـحـاحـي
لا زم تبـيـن لــي عـــن الـحــب مـنـضـوح*****مـــا بالـخـفـى خـيــر الـبـيـاح البـيـاحـي
أمـــا أنـتـظـر وإلا أنـسـحـب عـنــك وأروح*****وأنـتـه تــروح وجـعــل دربـــك سـمـاحـي
و راسك من الشرهات بالسمن ممسوح*****والـلــي طـونّــه بـيــض الأيــــام راحــــي


الشاعر عبد الله بن زويبن

دايمآ يابو فهد ما تختار الا المواضيع الجيده صح السان الشاعر عبد الله بن زويبن

شكرا جزيلا ابو فلاح للمتابعة
و بارك الله فيك

على قرى ساحوق من فوق وطلوح
وريكات وذريره وهاك المشاحي


ياعمار ياسماء الديار جعلها المطر
صح لسان الشاعر الكبير عبدالله زويبن الحربي وسلمت يمينك يابو فهد
على هالنقل الراااائع

كل الشكر لكـ لهذا المرور الجميل

الله يعطيكـ العافيه يارب

انسان مبدع ورائع بكل معنى الكلمه
اهنئك على هالابدااع ياخووي