حياة الباديه قديماً

حياة الباديه قديماً

كما عودناكم أخواني *وأخواتي على طرح موضوع في شؤون البادية قديما نعود إليكم اليوم بموضوع ونتطرق فيه الى أعراس البدو سابقا حيث كان في ذلك الوقت شح في النساء وكان الرجل يتعب لين يحصل له زوجه لان البنت كانت عضو فعال مع أهلها وهي اللتي ترعى الغنم واللي ماعنده اكثر من بنت مايزوج أحد وربما تعنس البنت عنده إذا كانت هي الوحيده عند أبوها لحاجته لها ولهذا السبب كان الرجل مايهمه جمال المرأه أبداً لان البنت في ذلك الزمان ماينقصها شي وتساوي درزن من بنات اليوم مع إحترامي لبنات اليوم ولا يزعلن علي أخواتنا ولكن هذي حقيقه كانت المرأه هي من ترعىٰ *الغنم طول النهار وتطحن وتحلب وتطبخ طبعا تساعد أُمها وكانت المرأه تذبح للضيف الذبيحه في غياب راع الببت وتقول للظيف كمل عشاك يعني كمل السلخ والتقطيع وهذي واحده من المهام اللي والله بعض الرجال اليوم مايعرف يذبح الذبيحه لانطيل عليكم عند الخطبه يأتي الرجل ومعه أبوه أو أخوه أو إبن عمه ويأتو للرجل المخطوبه إبنته ويقولون حنا جيناكم وطالبين قربكم على سنة الله ورسوله نبي بنتكم للرجل هذا ويسمي خويه الخاطب ويحييبهم ويعشيهم وبعد العشاء يعطيهم علومه وإذا حصل نصيب وعطاهم النيه توكلو على الله مافيه شبكه ولا دبكه ولا ملكه ولا روحه ولا جيه وكان اللي يحدد وقت الزواج هوا الزوج وليس أبو *البنت وغالبا يكون مفاجئاً متى ماحصل المهر واستعد جا يقود ذبيحته لعمه ومعه المملك واقرباه ويقول ياعمي أبيك *تملك لي *وهذا عشانا قال الله يحييكم ويملكون ويتعشون وبعد العشاء يقول الخاطب بنفسه ماحد يهرج عنه ياعمي الله يحييك فاليله الفلانيه على زواجي ويحدد يوم الزواج وفي يوم الزواج من وقت مبكر ترى الجيران اللي يجيب الحطب واللي يجيب الماء فوق الجمال واللي استعدوا لذبح الذبايح وطبخها طبعا هذا يسبقه غدا للمعازيب وبعض الضيوف وبعد العصر تهتز الأرض من صوت بارود المقاميع والمفاتيل بالتعشير مع طروق الحدايا اللي تطرب من كل صوب وكأني بهم يقولون

جينا كما ثعلاً يقود من الخيالي
بملبسات تزبن الظلع الموالي
وملوملن فيها يزلزل بالجبالي
ندرقبها العدوان فالباس الشديد

وترا هذي من عندي لاتدورونها في النت هههه
وتشاهد فرحا بمعنى ومسمى وكان الرفد ماهو دراهم مثل اليوم كان يسمونه قود يقود الرجل والرجلين او اكثر دبيحه وتسمى القود وكان يشترك في الذبيحه أكثر من رجل حسب الاتفاق ويطبخ الطباخ ثلاث واربع ذبائح مع بعض ويعرف الذبائح من بعض بعد طبخها ليقدمها لاصحابها كامله في صحنين ويأخذ صاحب الذبيحه عشاه من الذبيحه ويرجع الباقي للمعازيب في الصحن الثاني وكان الرجل يتفقد ذبيحته قبل مايتصرف بها فإذا كانت ماهي ذبيحته او ناقصه مثلا وهوايحصل نادرا ينادي على معازيبه وينبهم على ذلك لدلك سمي هذا العشاء بالمفقد وكان اللعب في العرس قبل العشاء وبعده ويلعبون حتى الصباح وبعد الفرح لاتفكر ان الزوج الليله يبات مع زوجته هيييه سبعه ايام مايشوفها ولا تشوفه وفي اتمام اليوم السابع تضوى عليه عروسه مع امها وياليل ماطولك ؟ وفي اليوم التالي يسوى غدا يسمى الصبحه وهذا اخر مراسيم العرس ولنا معكم لقاء وثقلنا عليكم اعذرونا دمتم بخييير،،،

قصه شيقه ياعمار ياعمار يالبدو شكرا على هذا الطرح الرااااااااائع يابو فهد

مشكووور اخي ابوطاهر على مرورك الطيب وردك الاطيب
لك مودتي وتقديري

وانا اشهد ان البدو حلوين حلوين .................. وخفت الدم زودتهم حلوه
الفرق شاسع يا ابو فهد واليوم نحمد الله على النعمه والتي من اسبابها فسق البعض الا من رحمه الله ما نقول الا يارب نسالك الثبات في الدنيا والاخره وكفنا شر انفسنا وشر الفتن ما ظهر منها وما بطن ........

سلمت يمينك

وشكرا على هذا الموضوع الشيق



بانتظار المزيد

يازين الباديه وأهلها يابوفهد والله يرحم والديك على الطرح المميز

مشكورين على مروركم الطيب وردودكم الاطيب
لكم مودتي وتقديري

مشكوووووور والله يعطيك الف عافيه