الوتس اب

‏​‏​قصيـــدة زوجه رافضه بتأتا بأن يكون لزوجها واتس اب من غيرتها الشديده له
فقــالت:

والله وأنا بنت الرجال المشاكيل
ماتحط الواتس اب ياعبيد عندي

ماني مثل باقي الحريم المهابيل
رجالـها لآراح مــرواح جدي

(نوكيا) ماعذرب كثير الرياجيل
ألو تكفي كان تبغى مـــردي

ماتنفع المــوضه وكثر الأقاويل
وش فادت الموضه جدك وجدي

ياعبيد ذي والله سوات المهابيل
وان مانفع قولي طلاقي بيدي

والله وانا بنت الرجال المشاكيل
ماتشغل الواتس اب ياعبيد عندي

رد الزوج

والله وانا عبيد راعي المعاميل
لانزل الواتس اب وانتي بحدي

ماهمني وان قيل عنا مهابيل
هذا تطور وانتي يابنت هدي

نوكيا ماضي وأبل طور الجيل
امشي مع الاي فون كني افندي

دايم يونسني مع تالي الليل
وقصر علي صوته وجيبه لخدي

لاصرت جالس والبشر دمها ثقيل
عودت للي يوم ما صار ضدي

اضحك معه ويجر عندي مواويل
ويوصل الاخبار لحد عندي

تطوري وادخلي مع تالي الجيل
وخلي السوالف لا تزيدين التحدي

ھٓ ھٓ ھٓ ھٓ ھٓ ھٓ ھٓ ھٓ ھٓ ھٓ ھٓ ھٓ =))

يا مرة عبيد تعوذي من الشيطان ترى كله جھاز 
ھَھَھٍھَھٍھَھٍھَھٍھَھٍھَھٍٱإي

وهذه أخرى مشابهه لاأعلم قائلها ولكن تشكي حال البشر مع الواتس أب أيضا

سلّم على الواتس أب مدنق الروس
اليا حضر مافيه أحد يتكلّم

خلا مجالسنا بلاهرج ودروس
مثل العزى ماغير ناقف نسلّم

كلن جهازه بين أياديه ويحوس
أحدن جديدالعرف وأحدن معلّم

اللي يقول بخير والشرمحيوس
واللي شياطينه منه اتعلّم

هذا زمانن يشترى الذنب بفلوس
بلمسة الأصبع يجيك وتسلّم

ماقول كل الناس والخير ميئوس
أقول يارب المخاليق سلّم

وأنا أقول معهم الله لايعيد هالواتسب ولاتلومها يابوفيصل يوم شبّت عليه
تقبل مروووووري

رائع جدا ابو فيصل و ابو ريان صح السنتهم وسلمتم على النقل .. والله يعين على الواتس اب واضحه تأثيرها بمجالسنا كل واحد يسولف لحاله ويضحك لحاله ..

ههههههههههه سلمت يمينكم ياابوو فيصل وابوو رياان على هذا النقل واقوول لبوو رياان ماافييك حييله ...

الف شكر لكل الي اسعدوني بمرورهم لاخليت منكم ويعطيكم العافيه

ههههههههههههههه
يعطيك الف عافيه على الطرح الرائع

أشكر جميع الذين مرو هنا
اشكر ابو ريان على الاضافه