قصيدة بمناسبة تكريم الشاعر راشد السحيمي الحربي شاعر حرب
 

http://www.youtube.com/watch?v=Myri4jSxQI0

قصيدهـ جزله من شاعر جزل واداء من منشد له ثقله في حرب

ويسستاهل التكريم الشاعر راشد السحيمي من حرب كافه ..

وارجو التوفيق للجنه المنظمه وأن يكون اختيارهم للوقت والمكان يناسب الجميع ..

ويكون التكريم لآآآئق بأســم الجميع ..

وللجنه المنظمه الشكر والتقدير ..

تسلم أبوعياد على النقل ... صح لسانك أبوشاهر والاروع صوت حرب المنشد سالم الحربي وبالتوفيق للجنه لاقامة مهرجان يليق بأبناء قبيلة حرب ...

قصيدة النخوه نصيه
 

ياحرب ياحرب افزعوا بالحال والوقفه سوى	في ماقف اللي ماقفه يحسب على كل الحروب
بزهم عليكم وانتخي باهل الوفاء واهل القوى	من شرقها لاغربها ومن الشمال اليا الجنوب
والطيّب اللي يحتمي ويفز لاسمِع نخوى	ولا الردي ابقلعته لاغاب ماهو بمحسوب
ماني مكلّف بالردي لاصار مافيه حموى	ولاني مدوّر فزعته لاضاقت اوساع الدروب
والتاجر اللي ماوقف مع لابته ياكل هوى	خله مع اصحاب البشوت اللي لهم ستين ثوب
سلم على اللي لاحضر في لازمه مثل الدوى	من طيب راسه فزعته تسعد بها كل القلوب
وليا سمع صوت الندى ماصد عنا وانزوى	طير السعد يوم الوعد لاجاته الدعوه ينوب
وجهه كما وجه القمر لاشع بالنور وضوى	ولا كما وجه الشمّس لاباينت عقب الغروب
احداً من العد ارتوى واحداً يصدر ماروى	واحداً يرقيها القمم واحداًينزلها الدعوب
وحنا قبيلة صامله والحبل مافيه ارخوى	مثل الجبال الرسايه لاولعت نار وشبوب
حنا الحروب اهل القنا لاقنّب الذيب وعوى	تاريخنا ماهو خفي تشهد لنا كل الشعوب
افعالنا بايماننا ماهي سواليف قهوى	انشد وتقلى فعلنا لاكذبه خطو الكذوب
بسيوفنا وارماحنا ننزع معاليق الشوى	وناطا على درب الخطر وقت المعارك والحروب
كل ٍ يحسب احسابنا لاحده ابليس وغوى	كم شيخ قوم ٍ لاعصا لاذاقها منا يتوب
وجندينا في ذمتي ياقف مواقيف اللوى	في ماقفه مثل الجبل ماهزته صلف الهبوب
وصغيرنا من طنخته يفعل ليا منه نوى	اليا تحزم واعتزا مايطرق ابواب الهروب
وختامها يالابتي لاقنّب الذيب وعوى	وقفاتكم نفخربها لاضاقت اوساع الدروب

[/poem]