ملتقى السحمان من حرب - ديوان الشاعر عبدالرحمن مصلح بطيحان السحيمي

ملتقى السحمان من حرب (www.alsuhman.net/vb/index.php)

- ركن دواوين الشعراء (www.alsuhman.net/vb/forumdisplay.php?f=34)

عبدالرحمن مصلح بطيحان

13-03-2012 08:27 PM

ديوان الشاعر عبدالرحمن مصلح بطيحان السحيمي

السلام عليكم ورحمة الله وبركات ارحب بعيال عمي واضع بين يديهم ديواني الشعر لعل ان يحوز على رضاهم

نويـــــــــــــر[/list]

أفلت أثنين وبعدها ساقها الموت	من بعدها ياخوي حالي تغير
بناتها تبكي عليها بلا صوت	ولولا غلاها ماتسمى نوير
جاني خبرها يابدر شاتني شوت	قبل رمضان وبآخرك ياقصير
قلبي بحر ولكنما بالبحر حوت	حتى لذيذ النوم عني تطير
براس الطويله نازل من برشوت	غازي على العربان مدري مسير
يافاهم(ن) قصدي أليا فاتك الفوت	تبقى بدنيا ضايق(ن) ومتحير

عبدالرحمن مصلح بطيحان

13-03-2012 08:34 PM

النداوية

محلا الذهب ياعرب في يدين وسمية	والسيف في يدها والشعر شلالي
والله إنك على بالي من شويه	إخت النشاما عليها الدمع همالي
والله حبك سكن بالقلب يابنيه	أنا قتيل المحبة عزي لحالي
أنا عذابي ترى من صاحب (ليه)	زود عنايه وصار الحزن مقيالي
ياسابقي روحي دار الندواية	وأخذي سلامي وجيبي ردها الحالي
ياما حلا شوفها يانور عصريه	معرب الجد والعمان والخالي
أنا مريض الهوى وعيني شقاويه	مالي جدا غير أجر القوس والآلي

عبدالرحمن مصلح بطيحان

13-03-2012 08:41 PM

النايفات

عبدالرحمن مصلح بطيحان

13-03-2012 08:45 PM

وصيتي

قال الذي صبره نفذ يالمحبين	وجده على المجمول نور العيوني
لاشفت خده كالزهر في البساتين	وشعره كما الشلال فوق المتوني
ونهد(ن) منزي فالحشا كنه التين	ورمش(ن) ليا سلهم يزيده فنوني
بعده ذبحني وعايش(ن) كالمساجين	وأظلم علي الكون ماترحموني
تكفين حني وأرحمي يا اريش العين	ومن شوفكم بالله لاتحرموني
وصيتي ياناس شرشف وحبلين	وقولو لهم في غرفته يدفنوني

عبدالرحمن مصلح بطيحان

13-03-2012 08:48 PM

الهاجوس

عبدالرحمن مصلح بطيحان

13-03-2012 08:53 PM

واحد الفين

قال الذي يكتب سنة واحد ألفين	قصة غرام خطها فوق قرطاس
يقول ودمعه على الخد ياحسين	ومن حر مابه قام يصفق بالاخماس
ياحسين وين الحب وين المحبين	وين الذي ياحسين حب على ساس
ياحسين ليش الناس عني مصدين	وأنا فتحت القلب مقهى وجلاس
حتى وليف الروح والقلب والعين	شربني الأمرار كاس(ن)وراء كاس
تخنقني العبره وطبعي غدا شين	مطعون في رمح (ن) كما رمح جساس
عشرة سنين وتنتهي بظرف يومين	ياقوة الله صاير الحال منحاس
خطيت قيفاني بدم الشرايين	ونهيت نفسي مير ماني قوي باس
ياعين لاتبكين ناس (ن) مقفين	انسى هوى ظبي (ن)تعلى بالاطعاس
دامه حرمك الشوف به لاتلدين	خليه في فاله معدوم الاحساس
مير يالله ياغافر ياقاضي الدين	تغفر ذنوبي يوم الارياق يباس
ضاق الفضاء وأشوف ربعي مقفين	محد(ن) نظر فيه ولاقال لاباس

عبدالرحمن مصلح بطيحان

13-03-2012 08:57 PM

عنود الصيد

عبدالرحمن مصلح بطيحان

13-03-2012 09:00 PM

أبسرج المهره

أبسرج المهره مع فجة النور	وأخذ زهابي للديار الخليه
بسج في روض(ن) خضر مطلع زهور	الصيد واجد والخباري مليه
ومعية خوي لاطلبته على الفور	يضبط البراد والشاذلية
في خايع(ن)من الوسم يابدر ممطور	ريح النفل يرد روحي عليه
ونوح القماري وأم سالم لها دور	وجول الحباري في الديار العذيه
أحلف برب الذود لعدي القور	اذا الله عطاني فوق ظهر العبيه
بنحاش عن جو المدينة يا أبو سرور	بنحاش عن بعض العرب والأذية
أبترك الي عرجته قذفه العور	ماعندهم شيمه ولامقدرية
تعبت من دنيا بها اللبس لد دور	حتى الثعالب تلعب السامرية
وأقنب كما ذيب قنب داخل السور	كان محبوس وجاه الفرج من وليه
واليوم في راس الطويله وله دور	قايد قطيع بدولة ساحلية
وصلاة ربي عد ما شعشع النور	على النبي المختار سيد البرية

الساعة الآن 10:04 PM.