ديوان الشاعر عبد الرحمن بن سعد مبيريك السحيمي
 

برق الحياء
 

[poem=font=",6,,normal,normal" bkcolor="transparent" bkimage="http://www.alsuhman.com/vb/mwaextraedit4/backgrounds/11.gif" border="none,4," type=1 line=0 align=center use=ex num="0,black""]


برق الحيـاء لا لاح للضايق أعـلاج=وصوت الرعد والوبل بلسم علاجــه

في ديرتاً لا هـم فيهـا ولا إزعــاج =تنسى هواجيس الفكـر وانزعاجــه

مع صاحباً لا ضقت في أيديه مخـراج =وكـلاً على ما قيل يعـرف خراجــه

راع الوفـاء ما بيني وبينه أسيــاج=والطيب يبني عــز عالـي سياجـه

يرقـى على الهامـات وأطوال الأبراج=ولا هـزت أرياح الليـــالي براجـه

بالفعـل والتقـدير والمرجلـه تــاج=يصعب على بعض اللحي لبس تاجــه

ولا الردي دايــم عن الطيب منعـاج =مهمــا تعــدل فيه تلقى انعواجـه

والعلـم واضـح كنه النور في سراج=يضوي على كـل البسيطـة سراجـه

أحدن خذا من صافي الوقت مـا حتاج=واحدن محاصلّـة من الوقت حاجـه

هـذا مع الصدقان لـه فلـه أحجـاج =وهـذاك من همـه معقـد حجـاجـه[/poem]

دورة الأيام
 

[poem=font=",6,,normal,normal" bkcolor="transparent" bkimage="http://www.alsuhman.com/vb/mwaextraedit4/backgrounds/31.gif" border="none,4," type=1 line=0 align=center use=ex num="0,black""]
يـا فكـري الطـف بحالـي بـس لـو مـره=عطني جزيل الشعر يا طيـب الفالـي
أنــــا مـضـيــع ذهــيــب ولا قــــي الــجـــره=وأتعـبـت الأقــدام فــي حـلـي وتـرحـالـي
الشـمـس غـابـت وأنـــا مـتـوسـق الـحــره=والــبــرد يـلـفــح عـيـونــاً دمـعـهــا ســالـــي
والنـفـس مــن جـمــرة الأشـــواق مـحـتـره=وزادت عليـه همومـي فالخـلا الخالـي
الـعـام نكـتـب رثــاء فـــي مـحـمـد الـــدره=واليوم شعري من أحزاني رثاء حالي
والــــــوقـــــــت دوار والأيـــــــــــــام مــــفــــتـــــره=وشمسـاً تغيـب وقمرنـا يرجـع اهلالـي
شـهــر يـجــر الـشـهـر وسـنـيــن مـجـتــره=ويــــا لله تـعــلــي مـــــع الأيـــــام مـنــزالــي
يا كثر ما عدت أنا الكـره وراء الكـره=لـــكِـــن عـــيــــت ظـــروفــــي لا تـهــيــالــي
مـــن واقـعــاً قـــل خــيــره وانـتـشــر شــــره=وأزريـت أميـز مـا بيـن المـر والحالـي
أقـــــول مـــــا كـــــل مـــــرة تـســلــم الـــجـــره=أثره صحيح الحمـول اخفـاف وثقالـي [/poem]

يا هيه
 

[poem=font=",6,,normal,normal" bkcolor="transparent" bkimage="http://www.alsuhman.com/vb/mwaextraedit4/backgrounds/73.gif" border="none,4," type=1 line=0 align=center use=ex num="0,black""]
يــــــا هـــيـــه مــــــا نــــــي لـلـمـقـفـيـن تـــبـــاع=وش حـاجــتــي بـالــلــي لا جـيــنــاه قـــفـــا
تــــــــرى الــرفـــاقـــه عــــزهــــم بـالــتــجــمــاع=والـلـي لحـالـه مــن عـنــى الـوقــت هـفــا
مــن فـضـل ربــي طيبـنـا فالـمـلا شـــاع=والـطــيــب عــنـــدي مـنـبـعــه مـــــا يــجــفــا
راع الوفاء لو مات له ذكر ما ضاع=وراع الــــرداء لــــو عــــاش ذكــــره تــوفـــا
خـمـسـة سـنـيـن أقــــول كــــب الـتـمـطـاع=يـالــلــي عــلـــى جــمـــرة عـضــايــا تــهــفــا
تبخص على الصاع واوفيلك الصـاع=ولا مــــــــن بــغــيــتـــك فـــالـــلـــوازم تـــخـــفـــا
فرشـتـلـك فـــي داخـــل الـصــدر مـربــاع=يـعــنــي عــلـــى مـــــا قــيـــل دايـــــم مــوفـــا
كــم مـرتــن وأنـــا مـــن الـوضــع مـرتــاع=بـــــــردان وأنـــتــــا مـــــــن عــبــاتـــي تــــدفــــا
أمـــا تصافـيـنـي عـلــى كـــل الأوضـــاع=ولا تــــــرى الـــلـــي جـــــــاك وفـــــــا وكـــفــــا [/poem]

تجاعيد الزمن
 

[poem=font=",6,white,normal,normal" bkcolor="transparent" bkimage="http://www.alsuhman.com/vb/mwaextraedit4/backgrounds/103.gif" border="none,4," type=1 line=0 align=center use=ex num="0,black""]
يـا شيـن لا حـدك زمانـك علـى اقصـاك=وارخـــــى ســتـــار الـــيـــاس قــــــدام عــيــنــك
واركـــــى عـلــيــك الــهـــم حـمــلــه وخــــــلاك=تـصـفــق مــــع الـعــبــرات راحـــــت يـديــنــك
فـــي مـعــزلاً عـــن بــاقــي الــنــاس دنــيــاك=ولــحــدن عــلـــى فــرقـــاق يـسـئـلــك ويــنـــك
تـبــقــى الاســيـــر وحــلـــو الايـــــام تــنــعــاك=وتــقــرى تـجـاعـيــد الــزمـــن فـــــي جـبـيـنــك
واصبـحـت تـرقـب فــي ذرا اللـيـل مـثـواك=وتـبــدا تـعـيـد الـلــي مـضــى مـــن سنـيـنـك
وتسـوقـك الـذكـرى وتـاقـف بـــك اخـطــاك=عــلــى بــيــوت الـصـاحــب الــلــي يـعـيـنــك
الصـاحـب الـلــي كـــل مـــا جـيــت حـيــاك=يـا قـف معـك فـي وقــت عـسـرك وليـنـك
الــلــي عــلــى نـهـجــك وفــكـــرك ومــبـــداك=ودايــــــــم قــريـــنـــه مــتـــفـــق مــــــــع قــريـــنـــك
فالـحـرب مـثـل السـيـف تــرع بــه اعـــداك=وينـصـحـك وقـــت الـسـلــم بــامــور ديــنــك
وتــشــوف رجــــمً كــــل مــــا جــيــت بــكــاك=لانــــــــه تــــحــــت ضــــلــــه ثــــــــرا والـــديـــنـــك
ولانــــه تــحــت ضــلـــه ثـــــرا مـــــن تـمــنــاك=راحـــــت وجــمـــر الــشـــوق بـــيـــح كـنـيــنــك
وتصحى من الذكرى على حيد مركاك=وتــــودعـــــك والـــــلـــــي بـــقـــالــــك حــنــيـــنـــك [/poem]

بروق بلا رعود
 

[poem=font=",6,,normal,normal" bkcolor="transparent" bkimage="http://www.alsuhman.com/vb/mwaextraedit4/backgrounds/16.gif" border="none,4," type=1 line=0 align=center use=ex num="0,black""]
نوفي ونبغى الوفاء وانبلشنا بالجحود = كل ما نخلص نشوف الوجيه مكدره
في سماهم للحقايق بروق بلا رعود = ويفرحون بهرجه الجاهل المتحدره
فالسعه نيبانهم مثل نيبان الاسود = ولا دعى الداعي تشوف القلوب مصدره
زمرتة(ن) لا من سرت يا عساها ما تعود = ومن يقدرنا ترانا لزوم انقدره
وما تعلا راية(ن) بين حاسد ومحسود = والسهوم الطايشه كل حي اتخدره
يا الله اني طالبك يا كريم ويا ودود = تهدي الغاوي وغل الصدور اتندره [/poem]

راع الجميله
 

[poem=font=",6,black,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
يا ابو يزيد الله يديمك ويرعاك = يالنادر اللي ما ندور بديله
شد الشفر يا صاحبي لا عدمناك = ولا تهمك الطرقه ولو هي طويله
سقها وأنا بالدرب ممشاي ممشاك = مخالفك في كل برق ( ن ) تخيله
حث الركاب وسمح الله مسعاك = يا راعي الهمه وراع الجميله
من مفرق ( ام سدره ) عسى الله ياقاك = افرق يسار وعط بليهان حيله
ترى الطريق ايضيق والجرف يبراك = وليا وصلت الزلفي اقدح فتيله
( ومشاش ) و( حميضة جراب ) اتمناك = عطها السلام ولا لها فيك حيله
قدامك ( ام رقيبه ) اللي تحراك = فيها البيارق والسيوف الصقيله
فازتبها ابكار الطهيمي وما ادراك = فوز( ن ) نعده فوز كل القبيله
لا عرضت من زينها تاقف اخطاك = وقفت خليلا( ن ) مبطي ( ن ) عن خليله
اتوسع الخاطر وترهب بها اعداك = ابكار من يشعى على العز خيله
وضح الكريم اللي على الطيب ناداك = في مجلس ( ن ) يفوح بنه وهيله
عنده علوم الطيب ورجال شرواك = تاقف مواقيف الزمان الثقيله
معروف طيبك يا رفيقي ومبداك = وافعالك اللي ما تجيب الهزيله
دام الوفاء يا ضحلنا من محياك = ما همنا كثر الكلام وقليله [/poem]

العز والطيب
 

[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
تشرق علينا الشمس ساعات وتغيب = ونرقب قمرنا والرجاء في طلوعه
يا ماجد ابوصيك خلك كما ذيب = يصبر على ما به ويسري بجوعه
حث الركاب وادب النفس تأديب = وارقى سماء والليل وقد شموعه
واصل ربوعك وامسح الجرح ويطيب = والرجل عزه من معزة ربوعه
وليا نصاك الضيف عطه المواجيب = الكيف سوقه له وقدم قدوعه
فل الحجاج وكثر امن التراحيب = من شان لا قفا ما يبطي رجوعه
والضيف ما له غير حكم المعازيب = كمل مواجيبه وقدر خضوعه
والرجل ما يدخل به الشك والريب = يثبت على رايه ونهجه وطوعه
شبنا وحنا نخطي الدرب وانصيب = والنفس ما تقنع ودايم جزوعه
حنا بشر يا بوك ما نعلم الغيب = يارب ترزقنا بنفساً قنوعه
مرت علينا اظروف مثل اللواهيب = اصعب على الانسان من حب كوعه
اعزومنا شبت على الطيب واتشيب = وطموحنا ما فيه شياً يروعه
نتعب على الجزلات والعز والطيب = لو الدهر شانت علينا طبوعه [/poem]

قصيده للشاعر عبدالرحمن سعد في خواله الجعده من عتيبه

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
بني جعيد اللي نباهم يسلي=أهل الوفا والمرجله والتراحيب


اليا دخلت بيوتهم ماتملي=تلقى الكرم والطيب تلقى المواجيب


عزن على أطوال الشواهيق حلي=ودايم مكانه فوق روس المراقيب


عتبان من جاء بينهم مايذلي=أهل الشجاعه مابهم شك أو ريب


وقفاتهم وقفت شجاعن يسلي=سيفه ولايلحق قصيره ذواريب


وليا حضروا مثل السحاب المظلي=يروي ضما الضميان حلو المشاريب


ذولا خوالي لاعصى الوقت من لي=انشهد انهم فالوازم شواهيب


والله يبيض وجه راع المحلي=اللي بنى بيته على العز والطيب


محمد اللي غيث طيبه يهلي=على بني عمه وحتى الصواحيب


له من ضميرن صادق الوقت كلي=هذا كلام الطيب زين المكاتيب[/poem]

رائعه أخرى للشاعر عبدالرحمن سعد وأبيات قليله كقصيده مكتمله

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
جبر الخواطر يابن عمي لازم=لاتصير في كل المواقف حازم


ترى قلوب الناس ماهي وحده=قلبن رخو والقلب الآخر عازم


وانا من الاثنين جتني حيره=واحد يجاملني والآخر جازم


وبعض الوجيه ان شفتها ملتويه=اعرف تراها ماتسد اللازم[/poem]