سلام يامملوح
 

(مادام مكتوب الفراق)

سلام يامملوح يالحلو الاطرق
علك بخير وطيب الفال لاشنت
سمعت بانك عن غلايه تحقق
وانا معك فيما تقوله وبينت
اطمنك وارتاح حبك موثق
مامات دامني على الارض مامت
في وسط صندوق الضماير ومغلق
على العهد باقي بقلبي ولازلت
ماحدن قبل عرفك هويته من الخلق
انت الوحيد اللي بقلبي تمكنت
غيرك نساه وفيك هام وتعلق
ولاعاد في غيرك من الخلق ناظرت
لايخدعك راع الكلام الملفق
مادامني عن صادق الشوق عبرت
القلب لك يشتاق والعين تشفق
لمشاهدك يامن على حبك ادمنت
ان غبت لحظه ضامري ينحرق حرق
ليتك تجي وتشوف حالي لياغبت
غير الدموع اللي بها ناظري غرق
هموم في حزة غيابك بها تهت
وش عاد باقي تعرفه يااتلع العنق
عساك عقب اللي حكيته تطمنت
وان كان مانت بماشرحته مصدق
رح جعل ماعمرك بماقلت صدقت
ان رحت جعلك في حياتك موفق
الله يسهل لك طريقك ليارحت
دورعسى ماهو تريد يتحقق
ان كان مع غيري لقيته وحصلت
الحب ماهو بالغصيبه ولا السرق
الحب ياتي بالرضاء وانت خيرت
برضاك جيت ولاجبرتك على الدرق
وان رحت ماني للمقفي مصوت
من صد ماوالله عليه اتشفق
مادام مافي حق شرواه قصرت
مادام مكتوب الفراق نتفرق
حكم القدر واجب ولافيه شككت
ان جيت والارحت ماعاد تفرق
بسج عن ذكراك لامن تذكرت
باكر يبين العلم والشمس تشرق
وتشوف وش كبر الخطاء لاتمعنت
ابوخالد