ياليل
 

ياليل لاتنشد عن الحال ياليل
وش تستفيد اليا عطيتك علومي
لو قلتلك عن حالتي بالتفاصيل
والله لتمسي تشتكي من همومي
الوضع مايحتاج هم وغرابيل
والمستريح بهالزمان الرخومي
اهل القلوب الدالهه بالتماثيل
اللي مع الموضه تخم وترومي
عقب الثياب البيض تلبس بناطيل
لاواحسافه ياعيال القرومي
لاشفتهم ضاقت على المداخيل
وعلى حتى الارض قامت تحومي
وابغضت مجلسهم وعفت التعاليل
ونزحت عن مجالسهم للحزومي
وشبيت ناري فالفياض المساييل
في وادين مابه من الخلق قومي