|
قصيدة بمناسبة حفل زواج الشاب / سامر عويض الغصيبي في قصر الريم يوم الاحد 26 / 1 / 1437
قصيدة بمناسبة حفل زواج الشاب / سامر عويض الغصيبي في قصر الريم يوم الاحد 26 / 1 / 1437 يامرحبـــا تــرحيبتن تـــــــــــرفع الــراس عـــد الســـــــــــحاب اللي يهـــله خياله نشت مزونــــه والرعـــــــــد له تحــساس و ربّع جبلها يوم نـــــــــــــور ســــهاله يالــــولو يامرجان يادر يا الــــــــــــــماس مــــــــــخزون بنك محكماتــن قفـــــاله من دونـــــــها الله ثم عســـــكر و حــراس ومن غيــر راع الـــــــبنك محدن يناله مثل العسل يــــشفي جميعــــــات الاوناس صـافي مــــــــصفى يشفي اللي حساله مبروك عدة ماطلعت شــــمس واشمـــاس وعّد القمــر من بعد يطلع هــــــــــلاله وعداد بنن يحمســــــــــــــونه بمحــــماس كيفن يـــــــــــــحطونه فــ داخـل دلاله في حــفل سامـــر حفل مبني علـى ســاس الله يـــــــــــــحيي من عــــناله وجـاله الكـــيف معه العود يجــلن الاعمــــــــاس ومـــعه الشــبب واللي يحيـــــي قـباله وربــــــــعه معه والكل بيضـــان الالباس ثوبن على جــــــده وابوه وعيالــــــــه ابن مــــــــــــهني شيــخ والعرق جساس وابحـــــــث وتلقى فالدعـــــاوي مقاله غصبان والغصــبان عقيل فـــــــــــراس يـــــــــــــــرون من جمٍ جــويده حباله والكل منهم فيه ســـايس وســـــــــــواس يـــــــوم الرشا والدلـــــــو على محاله والنعــم حرب اللي لهـــم درس وادراس مــــاهـــمهم دوس الخـطر مع جـــباله وكل القبايل فعلهم فــــــــــــعل نومــاس ويقــدمـــون الــــفال بـــــــــعده عـقاله انا لــــقيت الجــــــــــــود للرجل مقياس قــــــــــلته وقبلـــي من حـــكابه وقاله من جـــــالس اهل الخير يانعم مـجـلاس كــلن يـــــــبي دايـــم جلـــيسن مـثـاله ومن جالس اهل السوء يبشر بالافــلاس مـــفلس وكــــــــــلن قــال وعـــزتـاله والـــــخلق والاخلاق هي عمـــلة الناس ربحـــــان يامن حــــطها راس مـــاله والـــــدين والتقوى لها نـــــــــور قباس خمسه ركـــون وقاصد الاجـــر نــاله يقـــــبس فتيـــــله حين ماتدن الاجراس لا جـــاء لــزومه ســاق مالــه وحـاله ذا يـــــستحق الدرع والتاج والـــــكاس كـــ (عاصــفة حـــزم) الـمسمى قتـاله واليوم عم الخير محدن شــــــــكا باس والله يــــــــــــــــــعز اللي علينا ظلاله اهل الصــقور الحدب في كل مرواس ينظر جنوبــــــــه ثم ينـــــــظر شماله حامي بيوت الله عن كل الادنــــــــاس من شــــــرق والا غرب كلن صحاله فالــــــــــــجو طيارن وفالبحر غطاس وفالــــــــــــــبر جيش يعيد لليمن آماله ماقل دل وعــــــــــندي الـقلب حساس ياكــم فجــــر وفجـــر مـــــــرت ليـاله سبعين عام الــقلب مليان هــــــوجاس وعمــر الفتـى مايـــدري اللـي بقـــاله الحمد للمعبود خــــــــــــلاق الانـفاس بـيّــــن حــرامه يــوم بيّن حــــــــلاله يارب تغـفر يوم الاريـــــــــاق يبـاس والــــكــل ماقــــــــــدامـه الا اعــمَاله وصـلاة ربـــــــــي عد ماهب نسناس علــى رســـولن مــــبلغن بالـــــرساله الشاعر / حامد مرزوق مهني الغصيبي |
| الساعة الآن 08:53 PM. |
Powered by vBulletin®
Copyright ©2000 - 2011, Jelsoft Enterprises Ltd.
new notificatio by 9adq_ala7sas
HêĽм √ 3.2 OPS BY: ! ωαнαм ! © 2011-2012