ملتقى السحمان من حرب - قصيدة الشاعر / فالح سلمان السحيمي

بسم الله الرحمن الرحيم
قصيدة لابن العم الشاعر / فالح سلمان السحيمي

يامن يبشرني عسى الغف ممطور
وطوارف العبله جنوب وشمالي
ومن الابارق لين تاصل به حدور
الى الاباهي ويش علم الخيالي
والا المحير اللي مراتيعه الخور
عساه من وبل المخاييل سالي
دار الرجال اللي لها فعل مذكور
هاذي مداهلهم على كل حالي
تلفيهم الضيفان والبال مسرور
تلقى الشحم ومبهرات الدلالي
وسوالفن يطرب لها كل منعور
في مجلسٍ يجمع زحول الرجالي
قلته بعد ما مضيت فيها ولي دور
ياكيف بنساها وهي شف بالي
ولو غبت عنها ايام وسنين وشهور
والله ما جنب عن هاذيك المفالي
والبعد حاديني وانا اليوم مجبور
نتعب وكله لاجل كسب الحلالي
متغربٍ مابين عرعر وابا القور
والرزق من ربٍ عليه اتكالي