رد الشاعر بن مداوي القحطاني على قصيدة موسى مناور السحيمي
 

يالله ياواحد ولا غيرك معين	ياحي ياقيوم إلطف ياودود
إقبل عبادك راكعين وساجدين	وإحفظ لنا صلاتنا وهي العمود
وإغفر لنا وإرحم جميع المسلمين	وإنزل علينا الغيث ياخير معبود
وخلص لنا يارب أولى القبلتين	وطهره يامولاي من رجس اليهود
وإجعل عواقبها فرج للمتقين	وإهلك يهود البغي أحفاد القرود
وإحفظ بلدنامن فسادالمفسدين	كل أقشر طاغي وفي الخصمه لدود
وإجعل محبتنا على هدي مبين	وإغفر لمن يسألك في وضع السجود
وبعبادتك يارب بلغنا اليقين	نشهد ونؤمن لاإله في الوجود
إلا أنت ياالمولى إله العالمين	ومن ينكرك هذاك لجهنم وقود
من بعد هذا ياهلابك يافطين	ياشاعرٍيقطف بيوته كالورود
موسى مناور حربي ذرب اليمين	سحيمي مسلسل من عربين الجدود
اللابة إللي في الملاقى ماتلين	عوق الخصيم وستر وضحات الخدود
من لاذ بحماهم رقا رجم زبين	هم مزبن المضيوم وافين العدود
حرب هل الطالات من ماض السنين	سالم ومسروحٍ علامه للصمود
مثل الجبال النايفه حصنٍ حصين	وليا انتخوا صيحاتهم مثل الرعود
ليحمية الهيجاء كعام المعتدين	من هازهم إما قتيل أو شرود
فيهم شيوخ كلبوهم غانمين	صعب أميز كلهم مثل الفهود
وفيهم رجال للفضايل كاسبين	علم وأدب والطيب من زود لزود
ولديارهم من العدى هم محتمين	بالشلف والسيف الحدب تحمي الحدود
ولجارهم أنشهد إنهم حاشمين	لإن حرب ياعراف من خير البدود
والضيف يكرم عندهم عسرولين	بقولت هلا وأرحب وتقليط القعود
وأعود للشاعروأقول الحظ زين	أبشر بعزك وإرق بي أكبر سنود
هلاعدد من ساربين المروتين	وهلل وكبر في منى عند الصعود
وعداد من طاف وركع له ركعتين	وأسبل دموع كنها زفق البرود
وعداد من جو للمدينه زائرين	وفديسلم وأقتفاه أيضا وفود
وعداد عمله في بنوك العالمين	ومافي المصارف من ذهب واللا نقود
يامرحبا ياشهم ومن العايدين	عيدك مبارك جعل يفداك الحسود
عيدك مبارك ياعسى أيامك سنين	على الخير والعلم الطري فالك سعود
يابو مناور وقتنا ماهو بزين	وقت يورينا الجفاوأيضا الصدود
وقت على الظفران قاسيٍ وشين	وأمورهم صارت جحود في جحود
والنذل جاته ماخذاها باليمين	وأصبح على ماقيل شيخ له وجود
إللي صداقتهم على ساس متين	ماهي مثل من صحبته يبحث لفود
ياصاحبي والناس فيهم طيبين	وفيهم يابو نواف دبله للكبود
وفيهم يابونواف هيف للسمين	وفيهم بخيل جعل يومه مايعود
وفيهم كريم ليبدا اللازم يبين	وإذا وعد ياشيخ يوفي بالوعود
وفيهم شجاع مثل ليث في العرين	مفراص ماص ولا يبيح للسدود
ومنهم حكيم يحبك الرأي ورزين	الرأي رأيه في صدور وفي ورود
ومنهم يابونواف بعض الخايبين	ودك لياشفته تمسه بالعمود
ومنهم صميدع حازها دنيا ودين	يصلي حبيب الله والعالم رقود
والناس فيهم يافتى حرب الذهين	ومع العرب محبوب والفعل محمود
وفيهم عباقرة وفيهم نابغين	وفيهم هذور يعجبه كثر الردود
وسمعة بعضهم فل ورد وياسمين	والبعض الآخر مثل نفحة طيب عود
والحمدلله لابتي ساس مكين	قحطان ساس للعرب والجد هود
قحطان عوق الخصم سم الطامعين	حرز البكار وستر زينات الجعود
قحطان ماتقبل تهان ولا تهين	هم رأس عيطا ساسها صم الحيود
قحطان وقت السلم غيث وطيبين	ووقت الحرايب سعد منهم له زنود
قحطان حلم وعلم فريس ودين	أنا أفتخر فيهم لإنهم لي عضود
ياسعد من قحطان له ربع وعوين	محزم ظفرمليان والزايد يزود
وأنشهد إن كل القبائل فالحين	والحكم للمولى وخلقه هم شهود
يارب جنبنا الحسد والشامتين	ونور لنا يارب ظلمات اللحود
حنا عبادك نعبدك ونستعين	بك ياإله الكون يارب الحشود
لك راكعي وساجدين وخاضعين	ياخالق الأفلاك والبحر ونفود
وصلاة ربي عل النبي طه الأمين	والآل هم والصحب وافين العهود

حــرب هــل الـطـالات مـــن مـــاض السـنـيـنســالــم ومــســروحٍ عــلامـــه لـلـصـمــود
مـثــل الـجـبـال النـايـفـه حــصــنٍ حـصـيــنولـيــا انـتـخـوا صيحـاتـهـم مـثــل الــرعــود
ليـحـمـيـة الـهـيـجـاء كــعـــام الـمـعـتـديـنمـــن هــازهــم إمــــا قـتـيــل أو شــــرود
فـيـهــم شــيـــوخ كـلـبـوهــم غـانـمـيــنصـعــب أمــيــز كـلـهــم مــثــل الـفـهــود

صح لسانك يا ابو مداوي وبيض الله وجهك

رد جزل من شاعر جزل

ولا عليكم ذود ياقحطان اهل النخوه والشجاعه

اخوي بند عواد ابو عساف

بيض الله وجهك على نقل هالروااائع

من قصيده وردها كفوووووووو يا بندر

اتمنى منك ان تتحف الموقع بهذه المساجلات

تحياتي وتقديري
وفـيـهــم رجــــال لـلـفـضـايـل كـاسـبـيــنعــلــم وأدب والـطـيــب مــــن زود لــــزود
ولـديـارهـم مـــن الـعــدى هــــم محـتـمـيـنبالشـلـف والـسـيـف الـحــدب تـحـمـي الـحــدود

ماعليك زود ياولد قحطان والرد الجزل ماهو غريب منكم وكاسبين النعم مع طول السنين ونشكر الاخ بندر ابو عساف ع هذا النقل كثر الله من امثاله حميته لربعه مالها حدود