ملتقى السحمان من حرب - ياهاجس الذكري ترفق علينـا

ياهاجس الذكري ترفق علينـا
حنا تري لسنين الاحباب نشتاق

سنين حلوه في ذراها ربينا
ياليتها ترجع وانا خاطري ضاق

فيها الرجال الطيبه ترتجينا
اللي لهم حلو الفناجيل ينساق

العزوه اللي تزرع الطيب فينا
ماهمهم. في وقتهم كثر الارزاق

من اول كان الفرح يحتوينا
وقلوب بيضا صافيه مثل الاوراق

واليوم بعض اصحابنا مايبينا
تغيرت بعض المبادئ والاخلاق

الله يالدنيا عشانك نسينا
فتنه وبعض الناس ماعاد ينطاق

انتي فتنتينا وحنا ابتلينا
والادمي حب الطمع وسط الاعماق

يارب تعطي جنتك والدينا
وتغفر لنا لالتفت الساق بالساق